Xalıq arasındaǵı mashqalalardan tikkeley xabardar kóshe biyleri menen jaqınnan pikirlesildi
850
Qaraqalpaqstan Respublikası Joqarǵı Keńesiniń Baslıǵı Amanbay Orınbaev xalqımızdıń mashqalalarına sheshim tabıw maqsetinde aymaqlarda baslaǵan kóshpeli qabıllawları menen bir qatarda eń áhmiyetli máselelerdi anıqlaw hám saplastırıw ushın kóshe biyleri menen óz ushırasıwların baslaǵan edi. Bugin Joqarǵı Keńes Baslıǵı respublikamızdıń qubla rayonlarındaǵı kóshe biyleri menen ushırasıwlar sheńberinde Beruniy rayonında boldı.
Ótkerilgen ushırasıw ashıq-aydın sóylesiw, pikirlesiw usılında bolıp, kóshe biyleri menen sheshimin kútip turǵan áhmiyetli máseleler átirapında pikirlesildi. Onda kóshe biyleri tárepinen bir qatar itibardan shette qalıp ketken, biraq, óz sheshimin tappay kiyatırǵan máseleler kóterildi.
Álbette, aymaqlardaǵı mashqalalar búgin yamasa keshe payda bolǵan mashqalalar emes, al jıllar dawamında jıynalıp kiyatırǵan máseleler esaplanadı. Sonlıqtan, awızbirshilik penen barlıq mashqalalardı sistemalı sheshiw boyınsha máseleler qarap shıǵıldı. Óz náwbetinde kóshe biyleri húrmetli Prezidentimiz tárepinen olarǵa kórsetilip atırǵan itibardan minnetdar ekenliklerin bildirdi. Álbette bunday ushırasıwlar xalqımızdıń tilek hám ótinishlerin úyreniw, olardı ámelge asırıwda oǵada áhmiyetli. Bugin Joqarǵı Keńes Baslıǵı respublikamızdıń qubla rayonlarındaǵı kóshe biyleri menen ushırasıwlar sheńberinde 1765 kóshe biyi menen ushırasıp, jaqınnan pikirlesti.
Qaraqalpaqstan Respublikası Joqarǵı Keńesiniń Málimleme xızmeti