Jaslar ushın jańa imkaniyatlar belgilendi
2726
Prezident Shavkat Mirziyoevtiń basshılıǵında 11-aprel kúni jaslar siyasatı tarawındaǵı jumıs nátiyjeliligin arttırıw ilajları boyınsha videoselektor májilisi ótkerildi.
Mámleketimizde 30 jasqa shekemgi jaslar 19 millionnan aslam yamasa xalıqtıń 55 procentin quraydı. Miynet bazarına hár jılı 600 mıń jaslar kirip kiyatırǵan bolsa, kelesi 10 jılda bul san 1 millionǵa jetedi.
Sol sebepli jaslarǵa sapalı bilim beriw, kásip-ónerge oqıtıw hám bántligin támiyinlewge ayrıqsha itibar qaratılmaqta. Bul jumıslardı máhállede shólkemlestiriw boyınsha vertikal basqarıw sisteması jaratıldı. 9 mıń 500 máhállege pidayı hám intaker jaslar jetekshileri tayınlandı. Bul sistema arqalı jaslarǵa 100 den aslam imkaniyatlar jaratıldı, olardı mánzilli qollap-quwatlaw jolǵa qoyıldı.
Sonıń ishinde, ótken jıldıń ózinde jaslar isbilermenligi ushın 4 trillion sum kredit berilip, 150 mıń joybar iske qosılǵan, 325 mıń jumıs ornı jaratılǵan. 43 mıń gektar egislik maydanı ajıratılıp, 435 mıń jaslardıń bántligi támiyinlengen. 32 mıńnan aslam jaslarǵa subsidiya arqalı ásbap-úskene, miynet quralları hám kompyuter alıp berilgen.
Sociallıq qollap-quwatlaw boyınsha da kóp jumıslar islenbekte. Atap aytqanda, ótken jılı 130 mıń studentke 1 trillion 700 milliard sum tálim krediti berildi, hayal-qızlardıń magistraturada oqıwı biypul boldı. 53 mıń mútáj studentke kontrakt pulları, 15 mıńnan aslam jaslarǵa áskeriy xızmet hám 13 mıńǵa shet tilleri boyınsha imtixan qárejetleri tólep berildi. 81 mıń studentke turaq jay ijarası tólemi ajıratıldı. «Jaslar dápteri» arqalı 300 mıń jasǵa derlik 600 milliard sum muǵdarında járdem kórsetildi.
Biraq bul baǵdarda áhmiyetli máseleler ele de kóp. Búgingi kúnde elimizde 722 mıń rásmiy jumıssız jaslar bar.
Bul tarawdaǵı jumıslardı jáne de anıq hám mánzilli shólkemlestiriw maqsetinde 14 jastan 30 jasqa щekemgi 9 million ul-qızlarımız ayrıqsha itibarǵa alındı. Bunda birinshi ret 25 ministrlik hám uyımnıń maǵlıwmatları óz-ara úylesken elektron bazaǵa jámlendi. Barlıq jaslardıń sociallıq jaǵdayı, qábileti hám qızıǵıwshılıǵı úyrenilip, «máhálleden ministrlikke shekem» sistemasında islesiw ilajları belgilep alınǵan.
Májiliste, bárinen burın, jumıssız, rásmiy emes sektorda bánt bolǵan hám sırt elge jumıs islew ushın ketip atırǵan jaslar máselesine ayrıqsha itibar qaratıldı. Mámleketimiz basshısı bul baǵdarda kóplegen jańa baslamalardı alǵa qoydı.
Atap aytqanda, jaslardıń bántligin támiyinlew ushın, bárinen burın, jumısqa qabıllaw sistemasın qayta kórip shıǵıw kerek ekeni atap ótildi.
Mısal ushın, házirgi waqıtta 103 mıńnan aslam shólkemlerde 254 mıń bos jumıs ornı bar. Biraq, ótken jılı joqarı bilimlendiriwdi pitkergen 6 mıńnan aslam, kolledj hám texnikumdı tamamlaǵan 30 mıń jigit-qız jumıs taba almaǵan.
Sol sebepli endi hár bir ministrlik óz tarmaǵındaǵı kásiplerge mamanlıq talabın ózi belgileydi. Sonday-aq, ministrlikler joqarı hám orta arnawlı bilimlendiriwge buyırtpa berip ǵana qalmastan, olardıń oqıw baǵdarlamaların birge islep shıǵadı.
Bizge belgili, 2021-jılı 25 jasqa shekemgi jigit-qızlardı jumısqa alǵan kárxanalarǵa sociallıq salıqtı qaytarıp beriw ámeliyatı engizilgen edi. Ótken dáwirde bunnan 9 mıńnan aslam kárxana paydalandı hám 100 mıń jastıń bántligi támiyinlendi. Mámleketimiz basshısı bul unamlı tájiriybe múddetin jáne eki jılǵa sozıw boyınsha kórsetpe berdi.
«Jańa Ózbekstan jaslarınıń baslamaları» qorı hám elektron platforması shólkemlestiriletuǵını belgilendi. Qorǵa 100 million dollar qaratılıp, bul qarjılar qábiletli jaslardıń eń jaqsı ideya, startap hám joybarlarına qolaylı hám jeńil shártlerde, kerek bolsa procentsiz ajıratıladı.
IT-parkler boyınsha tájiriybeden kelip shıǵıp, aymaqlarda «Kreativ park»ler de dúziledi. Olarǵa IT-park rezidentlerine berilgen jeńillikler qollanadı.
«Jaslar dápteri» qorınıń qarjıları da kóbirek kásip úyretiwge, bántlikti támiyinlewge xızmet etiwi kerek ekeni atap ótildi. Sol sebepli endi bul qor arqalı túrles xızmetlerden bir waqıttıń ózinde paydalanıw imkaniyatı jaratılatuǵını belgilendi.
Mámleket járdemine mútáj jaslar hár bir ministrlik hám onıń orınbasarları, wálayat hám qala hákimleri, sektor basshıları, rektorlar. Milliy gvardiya hám áskeriy bólim komandirlerine atpa-at biriktirildi. Olar óz qorǵawındaǵı ul-qızlardıń kásip-óner úyreniwine, kredit, subsidiya hám kepillik alıw arqalı bántligine járdemlesedi.
Májiliste jaslardıń bos waqtın mazmunlı shólkemlestiriw máselelerine de toqtap ótildi.
Jaqında 100 mıńnan aslam jaslar arasında ótkerilgen sorawnamada olardıń máhállesinde sport penen shuǵıllanıwǵa sharayat hám kewilashar orınlardıń jetispeytuǵının bildirgen.
Sol sebepli, birinshi basqıshta wálayat oraylarında, keyin ala rayonlarda kúni-túni jumıs isleytuǵın jaslar seyil etiw orınların shólkemlestiriw wazıypası qoyıldı. Olarda sport, kibersport hám intellektuallıq oyınlar, kitapqumarlıq, karaoke ushın sharayatlar názerde tutıladı. Sonday-aq, hár bir rayonda «Jaslar seyili» hám dóretiwshilik kósheleri, joqarı oqıw orınlarında sport ligaları, kovorking hám teatr studiyaları shólkemlestiriledi.
Búgingi kúnde 1,5 million jaslar bos waqtın shet tilin úyreniwge baǵıshlamaqta. Olardıń bul umtılısları xoshametlenip, jeke menshik oraylarda til úyreniw qárejetlerine subsidiyalar ajıratıladı.
Mekteplerde dógereklerdi úskenelew hám trenerlerdi qollap-quwatlaw, «Bárkamol áwlad» balalar oraylarınıń nátiyjeliligin arttırıw boyınsha tapsırmalar berildi. Jaslar arasında «Kásip óner olimpiadaları»nıń shólkemlestiriletuǵını aytıldı.
Búgingi globallasıw dáwirinde jaslar tárbiyası hám sana-sezimine qáwip-qáterler barǵan sayın kúsheymekte. Aǵartıwshı babamız Abdulla Avloniy «Hár bir millettiń baxıt-ıǵbalı jaslardıń jaqsı tárbiyasına baylanıslı bolıp tabıladı» dep atap ótken.
Biraq ruwxıy aǵartıwshılıqtıń qamtıp alıwı hám tásirsheńligi tómen ekeni, jaslardıń qızıǵıwshılıqları esapqa alınbay atırǵanı kórsetip ótildi.
Sol sebepli, Ruwxıylıq hám aǵartıwshılıq orayınıń jumısın jetilistiriw, jaslardı ideologiyalıq qáwip-qáterlerden qorǵap, olarǵa salamat pikirleytuǵın dáreklerdi kóbeytiw boyınsha tapsırmalar berildi.
Ulıwma etip aytqanda, bul tarawdaǵı mámleketlik siyasattı nátiyjeli shólkemlestiriwge qaratılǵan «Jańa Ózbekstan jasları» baǵdarlamasın islep shıǵıw, nızamshılıqtı ózgertiw wazıypaları belgilendi.
Prezidentimiz jaslar menen islesiw barlıq basshılardıń, keń jámiyetshiliktiń, pútkil jámiyetimizdiń eń tiykarǵı wazıypası ekenin atap ótti.
Májiliste dodalanǵan máseleler boyınsha ministrler hám hákimlerdiń málimlemesi tıńlandı.
Sociallıq qollap-quwatlaw boyınsha da kóp jumıslar islenbekte. Atap aytqanda, ótken jılı 130 mıń studentke 1 trillion 700 milliard sum tálim krediti berildi, hayal-qızlardıń magistraturada oqıwı biypul boldı. 53 mıń mútáj studentke kontrakt pulları, 15 mıńnan aslam jaslarǵa áskeriy xızmet hám 13 mıńǵa shet tilleri boyınsha imtixan qárejetleri tólep berildi. 81 mıń studentke turaq jay ijarası tólemi ajıratıldı. «Jaslar dápteri» arqalı 300 mıń jasǵa derlik 600 milliard sum muǵdarında járdem kórsetildi.
Biraq bul baǵdarda áhmiyetli máseleler ele de kóp. Búgingi kúnde elimizde 722 mıń rásmiy jumıssız jaslar bar.
Bul tarawdaǵı jumıslardı jáne de anıq hám mánzilli shólkemlestiriw maqsetinde 14 jastan 30 jasqa щekemgi 9 million ul-qızlarımız ayrıqsha itibarǵa alındı. Bunda birinshi ret 25 ministrlik hám uyımnıń maǵlıwmatları óz-ara úylesken elektron bazaǵa jámlendi. Barlıq jaslardıń sociallıq jaǵdayı, qábileti hám qızıǵıwshılıǵı úyrenilip, «máhálleden ministrlikke shekem» sistemasında islesiw ilajları belgilep alınǵan.
Májiliste, bárinen burın, jumıssız, rásmiy emes sektorda bánt bolǵan hám sırt elge jumıs islew ushın ketip atırǵan jaslar máselesine ayrıqsha itibar qaratıldı. Mámleketimiz basshısı bul baǵdarda kóplegen jańa baslamalardı alǵa qoydı.
Atap aytqanda, jaslardıń bántligin támiyinlew ushın, bárinen burın, jumısqa qabıllaw sistemasın qayta kórip shıǵıw kerek ekeni atap ótildi.
Mısal ushın, házirgi waqıtta 103 mıńnan aslam shólkemlerde 254 mıń bos jumıs ornı bar. Biraq, ótken jılı joqarı bilimlendiriwdi pitkergen 6 mıńnan aslam, kolledj hám texnikumdı tamamlaǵan 30 mıń jigit-qız jumıs taba almaǵan.
Sol sebepli endi hár bir ministrlik óz tarmaǵındaǵı kásiplerge mamanlıq talabın ózi belgileydi. Sonday-aq, ministrlikler joqarı hám orta arnawlı bilimlendiriwge buyırtpa berip ǵana qalmastan, olardıń oqıw baǵdarlamaların birge islep shıǵadı.
Bizge belgili, 2021-jılı 25 jasqa shekemgi jigit-qızlardı jumısqa alǵan kárxanalarǵa sociallıq salıqtı qaytarıp beriw ámeliyatı engizilgen edi. Ótken dáwirde bunnan 9 mıńnan aslam kárxana paydalandı hám 100 mıń jastıń bántligi támiyinlendi. Mámleketimiz basshısı bul unamlı tájiriybe múddetin jáne eki jılǵa sozıw boyınsha kórsetpe berdi.
«Jańa Ózbekstan jaslarınıń baslamaları» qorı hám elektron platforması shólkemlestiriletuǵını belgilendi. Qorǵa 100 million dollar qaratılıp, bul qarjılar qábiletli jaslardıń eń jaqsı ideya, startap hám joybarlarına qolaylı hám jeńil shártlerde, kerek bolsa procentsiz ajıratıladı.
IT-parkler boyınsha tájiriybeden kelip shıǵıp, aymaqlarda «Kreativ park»ler de dúziledi. Olarǵa IT-park rezidentlerine berilgen jeńillikler qollanadı.
«Jaslar dápteri» qorınıń qarjıları da kóbirek kásip úyretiwge, bántlikti támiyinlewge xızmet etiwi kerek ekeni atap ótildi. Sol sebepli endi bul qor arqalı túrles xızmetlerden bir waqıttıń ózinde paydalanıw imkaniyatı jaratılatuǵını belgilendi.
Mámleket járdemine mútáj jaslar hár bir ministrlik hám onıń orınbasarları, wálayat hám qala hákimleri, sektor basshıları, rektorlar. Milliy gvardiya hám áskeriy bólim komandirlerine atpa-at biriktirildi. Olar óz qorǵawındaǵı ul-qızlardıń kásip-óner úyreniwine, kredit, subsidiya hám kepillik alıw arqalı bántligine járdemlesedi.
Májiliste jaslardıń bos waqtın mazmunlı shólkemlestiriw máselelerine de toqtap ótildi.
Jaqında 100 mıńnan aslam jaslar arasında ótkerilgen sorawnamada olardıń máhállesinde sport penen shuǵıllanıwǵa sharayat hám kewilashar orınlardıń jetispeytuǵının bildirgen.
Sol sebepli, birinshi basqıshta wálayat oraylarında, keyin ala rayonlarda kúni-túni jumıs isleytuǵın jaslar seyil etiw orınların shólkemlestiriw wazıypası qoyıldı. Olarda sport, kibersport hám intellektuallıq oyınlar, kitapqumarlıq, karaoke ushın sharayatlar názerde tutıladı. Sonday-aq, hár bir rayonda «Jaslar seyili» hám dóretiwshilik kósheleri, joqarı oqıw orınlarında sport ligaları, kovorking hám teatr studiyaları shólkemlestiriledi.
Búgingi kúnde 1,5 million jaslar bos waqtın shet tilin úyreniwge baǵıshlamaqta. Olardıń bul umtılısları xoshametlenip, jeke menshik oraylarda til úyreniw qárejetlerine subsidiyalar ajıratıladı.
Mekteplerde dógereklerdi úskenelew hám trenerlerdi qollap-quwatlaw, «Bárkamol áwlad» balalar oraylarınıń nátiyjeliligin arttırıw boyınsha tapsırmalar berildi. Jaslar arasında «Kásip óner olimpiadaları»nıń shólkemlestiriletuǵını aytıldı.
Búgingi globallasıw dáwirinde jaslar tárbiyası hám sana-sezimine qáwip-qáterler barǵan sayın kúsheymekte. Aǵartıwshı babamız Abdulla Avloniy «Hár bir millettiń baxıt-ıǵbalı jaslardıń jaqsı tárbiyasına baylanıslı bolıp tabıladı» dep atap ótken.
Biraq ruwxıy aǵartıwshılıqtıń qamtıp alıwı hám tásirsheńligi tómen ekeni, jaslardıń qızıǵıwshılıqları esapqa alınbay atırǵanı kórsetip ótildi.
Sol sebepli, Ruwxıylıq hám aǵartıwshılıq orayınıń jumısın jetilistiriw, jaslardı ideologiyalıq qáwip-qáterlerden qorǵap, olarǵa salamat pikirleytuǵın dáreklerdi kóbeytiw boyınsha tapsırmalar berildi.
Ulıwma etip aytqanda, bul tarawdaǵı mámleketlik siyasattı nátiyjeli shólkemlestiriwge qaratılǵan «Jańa Ózbekstan jasları» baǵdarlamasın islep shıǵıw, nızamshılıqtı ózgertiw wazıypaları belgilendi.
Prezidentimiz jaslar menen islesiw barlıq basshılardıń, keń jámiyetshiliktiń, pútkil jámiyetimizdiń eń tiykarǵı wazıypası ekenin atap ótti.
Májiliste dodalanǵan máseleler boyınsha ministrler hám hákimlerdiń málimlemesi tıńlandı.