Alıs Qaraqalpaqstan posyolkasında Qaraqalpaqstan Respublikası Joqarǵı Keńesi Baslıǵınıń jeke qabıllawı bolıp ótti
1324
Mámleketimiz basshısınıń tapsırması tiykarında Qaraqalpaqstan Respublikası Joqarǵı Keńesiniń Baslıǵı Amanbay Orınbaev paytaxttan derlik 450 km qashıqlıqta jaylasqan shegara aymaq, Qońırat rayonı “Qaraqalpaqstan” posyolka puqaralar jıyınında bolıp, puqaralar menen ushırastı.
Onda Ózbekstan Respublikası Oliy Majlis Nızamshılıq palatası spikeriniń orınbasarı Z.Ibragimova qatnastı. Atap ѳtiw orınlı ѳtken 2022-jıldıń oktyabr ayında da Joqarǵı Keńes Baslıǵınıń aymaq turǵınları ushın jeke qabıllawı bolıp ѳtken edi. Dáslep, Respublikamız basshısı aymaq turǵınlarınan aldın ѳtkerilgen qabıllawda kelip túsken murájatları boyınsha juwapkerlerge berilgen tapsırmalardıń orınlanıw barısın kórdi. Atap aytqanda, aymaqtaǵı 24 xojalıqqa arnap salınǵan turaq jaylardıń sapası talap dárejesinde bolmaǵanlıǵı sebepli, ayırım mashqalalardı keltirip shıǵarǵan. Joqarǵı Keńes Baslıǵı bul máseleni unamlı sheshiw, yaǵnıy, zıyankesler zıyan jetkergen turaq jaylardıń tѳbesin ashıp qayta ońlap beriw boyınsha tapsırma bergen edi. Búgingi kúnde tapsırma boyınsha qurılıs materialları alıp kelinip, ońlaw jumısları baslap jiberilgen.
Sonıń menen birge, aymaq turǵınları ushın medicinalıq xızmet kѳrsetiw sapasın elede jaqsılaw maqsetinde posyolka puqaralar jıyını aymaǵında jańadan Sociallıq oray qurılıwı rejelestirilip, Joqarǵı Keńes Baslıǵı tárepinen oraydıń qurılatuǵın ornı belgilep alındı. Sociallıq orayda joqarı sapadaǵı medicinalıq xızmetler kѳrsetiw belgilengen. Bunnan soń Shańaraqlıq shıpakerlik punkti jumısları kózden ótkerildi. Aytıp ótiw orınlı, punktte tez járdem xızmeti, medicinalıq xızmet kórsetiw hám basqa da bir qatar qolaylıqlar jaratılǵan.
Jaslarǵa sapalı bilim beriw, olardıń jaqsı bilim alıwı ushın álbette sharayat hám imkaniyat eń áhmiyetli másele. Ѳytkeni, jaslıqta alınǵan bilim tasqa oyılǵan naǵıs. Joqarǵı Keńes Baslıǵı hár bir aymaqqa barǵanında, álbette, mektep hám mektepke shekemgi bilimlendiriw mekemelerinde bolıp, olardıń jumıs nátiyjeliligin arttırıw boyınsha máselelerdi qarap shıǵadı. Bul saparı da Joqarǵı Keńes Baslıǵı Qaraqalpaqstan posyolka puqaralar jıyınındaǵı 56 sanlı mektepte bolıp, oqıw processi, jaslardıń bilim alıwı ushın jaratılǵan sharayatlardı kѳrdi.
Bunnan soń, aymaqtaǵı Mádeniyat sarayı imaratında Joqarǵı Keńes Baslıǵı Amanbay Orınbaevtıń jeke qabıllawı bolıp ótti. Onda posyolka puqaraları ózleriniń sociallıq, elektr energiya, tábiyǵıy gaz, ishimlik suwı, sonday-aq, kommunallıq xızmet kѳrsetiw baǵdarındaǵı ayırım máselelerin aytıp múrájat etti. “Hár bir múrájat artında bir insannıń táǵdiri bar” usı princip tiykarında ótkerilgen qabıllawda kelip túsken hár bir múrájat dıqqat penen tıńlanıp, unamlı sheshimin tabıw boyınsha bar imkaniyatlar iske salındı.
Qabıllaw dawamında kópshilik puqaralardıń máseleleri sheship berildi.
Onda Ózbekstan Respublikası Oliy Majlis Nızamshılıq palatası spikeriniń orınbasarı Z.Ibragimova qatnastı. Atap ѳtiw orınlı ѳtken 2022-jıldıń oktyabr ayında da Joqarǵı Keńes Baslıǵınıń aymaq turǵınları ushın jeke qabıllawı bolıp ѳtken edi. Dáslep, Respublikamız basshısı aymaq turǵınlarınan aldın ѳtkerilgen qabıllawda kelip túsken murájatları boyınsha juwapkerlerge berilgen tapsırmalardıń orınlanıw barısın kórdi. Atap aytqanda, aymaqtaǵı 24 xojalıqqa arnap salınǵan turaq jaylardıń sapası talap dárejesinde bolmaǵanlıǵı sebepli, ayırım mashqalalardı keltirip shıǵarǵan. Joqarǵı Keńes Baslıǵı bul máseleni unamlı sheshiw, yaǵnıy, zıyankesler zıyan jetkergen turaq jaylardıń tѳbesin ashıp qayta ońlap beriw boyınsha tapsırma bergen edi. Búgingi kúnde tapsırma boyınsha qurılıs materialları alıp kelinip, ońlaw jumısları baslap jiberilgen.
Qaraqalpaqstan Respublikası Joqarǵı Keńesiniń Málimleme xızmeti