Atız shetlerinde ónim jetistiriw qollap-quwatlandı
1177
Prezident Shavkat Mirziyoev atız shetlerinde ónim jetistiriwdi kóbeytiwdiń tiykarǵı wazıypaların belgilep berdi. Bul haqqında usı jılı 23-mart kúni awıl xojalıǵı máseleleri boyınsha bolıp ótken májiliste tapsırma berilgen edi. Bunnan keyin Kadastr agentligi tárepinen ótkerilgen xatlawda 60 mıń gektarǵa shamalas atız shetlerinen tolıq paydalanılmay atırǵanı anıqlandı. Esap-sanaqlarǵa qaraǵanda, bul maydanlardan únemli paydalanıw arqalı 337 mıń tonna qosımsha ónim alıw imkaniyatı bar.
Prezentaciyada atap ótilgenindey, bul jumıslardı Awıl xojalıǵında xızmetler kórsetiw agentligi shólkemlestiredi. Bunıń ushın agronomlar máwsimlik jumısqa qabıl etiledi. Ovoщ, palız hám kartoshka jetistiriw ilimiy-izertlew institutı hám Akademik M.Mirzaev atındaǵı baqshılıq, júzimgershilik hám vinoshılıq ilimiy-izertlew institutı Agentlikke biriktiriledi. Atız shetlerinde diyqanshılıq etiw ushın tuqım, nál, tógin hám suw támiynatı maqsetlerine 100 milliard sum qaratıladı. Jetistirilgen ónimlerdi saqlaw hám qayta islew de áhmiyetli. Sol sebepli keptiriw hám suwıtqısh úskenelerin satıp alıwǵa 50 milliard sum ajıratıladı.
Atız shetindegi drenaj tarmaqları hám suw boylarında 600 mıń bas qus baǵıw hám derlik 300 mıń pal hárre uyasın jaylastırıw imkaniyatınıń bar ekeni kórsetip ótildi. Házirgi waqıtta fermer xojalıqları tárepinen jer maydanları ekilemshi ijaraǵa tek ǵana 1 jılǵa shekem beriledi. Júzim, tut, daraq sıyaqlı terekler kóp jılda jetisiwin esapqa alıp, bul múddet 10 jılǵa shekem etip belgilenbekte. Mámleketimiz basshısı bul ilajlardı maqullap, onıń orınlanıwın shólkemlestiriw boyınsha kórsetpeler berdi.
Prezentaciyada atap ótilgenindey, bul jumıslardı Awıl xojalıǵında xızmetler kórsetiw agentligi shólkemlestiredi. Bunıń ushın agronomlar máwsimlik jumısqa qabıl etiledi. Ovoщ, palız hám kartoshka jetistiriw ilimiy-izertlew institutı hám Akademik M.Mirzaev atındaǵı baqshılıq, júzimgershilik hám vinoshılıq ilimiy-izertlew institutı Agentlikke biriktiriledi. Atız shetlerinde diyqanshılıq etiw ushın tuqım, nál, tógin hám suw támiynatı maqsetlerine 100 milliard sum qaratıladı. Jetistirilgen ónimlerdi saqlaw hám qayta islew de áhmiyetli. Sol sebepli keptiriw hám suwıtqısh úskenelerin satıp alıwǵa 50 milliard sum ajıratıladı.
Atız shetindegi drenaj tarmaqları hám suw boylarında 600 mıń bas qus baǵıw hám derlik 300 mıń pal hárre uyasın jaylastırıw imkaniyatınıń bar ekeni kórsetip ótildi. Házirgi waqıtta fermer xojalıqları tárepinen jer maydanları ekilemshi ijaraǵa tek ǵana 1 jılǵa shekem beriledi. Júzim, tut, daraq sıyaqlı terekler kóp jılda jetisiwin esapqa alıp, bul múddet 10 jılǵa shekem etip belgilenbekte. Mámleketimiz basshısı bul ilajlardı maqullap, onıń orınlanıwın shólkemlestiriw boyınsha kórsetpeler berdi.