Ózbekstan – Qazaqstan arasında xalıqaralıq áhmiyetke iye jol ashıldı
3501
Búgin, 17-iyul kúni «Beynew – Aqjigit – Ózbekstan shegarası» xalıqaralıq avtomagistralınıń saltanatlı ashılıw máresimi bolıp ótti.
«Beynew – Aqjigit – Ózbekstan shegarası» xalıqaralıq avtomagistralın qayta ońlaw máselesi eki mámleket basshıları tárepinen 2017-jıl 23-mart kúni Nur-Sultan qalasında qol qoyılǵan Ózbekstan Respublikası menen Qazaqstan Respublikası arasında strategiyalıq sheriklikti bunnan bılay da tereńlestiriw hám jaqsı qońsıshılıqtı bekkemlew haqqındaǵı qospa deklaraciyadan orın alǵan edi.
Qazaqstan Respublikasınıń Bas ministri Asqar Mamin bıyıl 21-iyun kúni Tashkent qalasında bolıp ótken Ózbekstan Respublikası menen Qazaqstan Respublikası arasında eki tárepleme birge islesiw boyınsha húkimetleraralıq komissiyanıń májilisi sheńberinde mámleketimiz basshısına múrájat etip, «Beynew – Aqjigit – Ózbekstan shegarası» xalıqaralıq avtomagistarlınıń saltanatlı ashılıw máresiminde húkimet delegaciyasınıń qatnasıwına usınıs bildirgen edi.
Prezidentimiz SHavkat Mirziyoevtiń tapsırmasına bola Ózbekstan Respublikasınıń Bas ministri Abdulla Aripov basshılıǵındaǵı delegaciya «Beynew – Aqjigit – Ózbekstan shegarası» avtomagistarlınıń saltanatlı ashılıw máresiminde qatnastı.
Eki mámleket húkimetleri basshılarınıń basshılıǵındaǵı delegaciya, qurılısshı-qánigeler, keń jámiyetshilik hám ǵalaba xabar qurallarınıń xızmetkerleri qatnasqan ilajda usı xalıqaralıq áhmiyetke iye joldıń qayta ońlanıp, paydalanıwǵa tapsırılıwı mámleketlerimizdiń tuwısqanlıq hám jaqsı qońsıshılıq qatnasıqları barǵan sayın bekkemlenip atırǵanınan dárek beretuǵını atap ótildi.
Avtomobil jolınıń uzınlıǵı 84 kilometrdi quraydı. Usı joldı rekonstrukciyalaw hám onı Qaraqalpaqstan Respublikasınıń Ústirt platosı arqalı ótetuǵın xalıqaralıq avtomobil jolı menen tutastırıw ushın 108 million AQSH dollarındaǵı qarjı qaratıldı.
«Beynew – Aqjigit – Ózbekstan shegarası» avtomagistralı mámleketlerimizdiń ekonomikasınıń rawajlanıwı hám óz-ara tovar almasıw kóleminiń artıwına xızmet etedi. Ózbekstannıń Qazaqstan arqalı Arqa hám arqa-batıs jónelisler – Baltıqboyı hám Evropa ellerine shıǵıwda, sonday-aq, teńiz boyı mámleketleri menen baylanısıwında úlken áhmiyetke iye.
ÓzA
Qazaqstan Respublikasınıń Bas ministri Asqar Mamin bıyıl 21-iyun kúni Tashkent qalasında bolıp ótken Ózbekstan Respublikası menen Qazaqstan Respublikası arasında eki tárepleme birge islesiw boyınsha húkimetleraralıq komissiyanıń májilisi sheńberinde mámleketimiz basshısına múrájat etip, «Beynew – Aqjigit – Ózbekstan shegarası» xalıqaralıq avtomagistarlınıń saltanatlı ashılıw máresiminde húkimet delegaciyasınıń qatnasıwına usınıs bildirgen edi.
Prezidentimiz SHavkat Mirziyoevtiń tapsırmasına bola Ózbekstan Respublikasınıń Bas ministri Abdulla Aripov basshılıǵındaǵı delegaciya «Beynew – Aqjigit – Ózbekstan shegarası» avtomagistarlınıń saltanatlı ashılıw máresiminde qatnastı.
Eki mámleket húkimetleri basshılarınıń basshılıǵındaǵı delegaciya, qurılısshı-qánigeler, keń jámiyetshilik hám ǵalaba xabar qurallarınıń xızmetkerleri qatnasqan ilajda usı xalıqaralıq áhmiyetke iye joldıń qayta ońlanıp, paydalanıwǵa tapsırılıwı mámleketlerimizdiń tuwısqanlıq hám jaqsı qońsıshılıq qatnasıqları barǵan sayın bekkemlenip atırǵanınan dárek beretuǵını atap ótildi.
Avtomobil jolınıń uzınlıǵı 84 kilometrdi quraydı. Usı joldı rekonstrukciyalaw hám onı Qaraqalpaqstan Respublikasınıń Ústirt platosı arqalı ótetuǵın xalıqaralıq avtomobil jolı menen tutastırıw ushın 108 million AQSH dollarındaǵı qarjı qaratıldı.
«Beynew – Aqjigit – Ózbekstan shegarası» avtomagistralı mámleketlerimizdiń ekonomikasınıń rawajlanıwı hám óz-ara tovar almasıw kóleminiń artıwına xızmet etedi. Ózbekstannıń Qazaqstan arqalı Arqa hám arqa-batıs jónelisler – Baltıqboyı hám Evropa ellerine shıǵıwda, sonday-aq, teńiz boyı mámleketleri menen baylanısıwında úlken áhmiyetke iye.
ÓzA