Joqarǵı Keńes Baslıǵı Shomanay rayonı kóshe biyleri, máhálle belsendileri ham bir qatar nuranıylar menen ushırastı
1067
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Shomanay rayonı máhállelerindegi bar bolǵan mashqalalarǵa sheshim tabıw hám eń áhmiyetli máselelerdi belgilep alıw maqsetinde kóshe biyleri, nuranıylar hám máhálle belsendileri menen ushırastı.
Onda Joqarǵı Keńes Baslıǵı shıǵıp sóylep, húrmetli Prezidentimiz basshılıǵında elimizde ámelge asırılıp atırǵan reformalar, jańalanıwlar hám Qaraqalpaqstan ushın ayrıqsha itibar haqqında keń túrde atap ótti.
Ózbekstan Respublikası Prezidenti Shavkat Mirziyoevtiń elimizge saparı dawamında da bir qatar áhmiyetli máselelerge sheshim tabılıp, xalıqtı jıllar dawamında qıynap kiyatırǵan mashqalalardı saplastırıw boyınsha wazıypalar belgilep berilgen edi.
Ótkerilgen ushırasıwda mine usınday bir qatar iygilikli jumıslar boyınsha maǵlıwmat berildi. Sonıń menen birge, kóshe biyleri, máhálle belsendileri hám nuranıylar menen ashıq-aydın pikirlesildi.
Óz náwbetinde kóshe biyleri tárepinen búgingi kúnde elimizde ámelge asırılıp atırǵan jańalanıwlar, puqaralardıń búgingi turmısınan razılıǵı haqqında atap ótilip, házirgi waqıtta sheshimin kútip turǵan ele de bir qatar máseleler bar ekenligi tilge alındı.
Joqarǵı Keńes Baslıǵı bul máselelerdi aldaǵı ámelge asırılıwı tiyis wazıypalar qatarına kirgizip, sheshimin tabıw boyınsha ámeliy ilajlar kóriw boyınsha óz qadaǵalawına alatuǵınlıǵın bildirdi.
Qaraqalpaqstan Respublikası Joqarǵı Keńesiniń Málimleme xızmeti