Moynaq rayonınıń kóshe biyleri menen Joqarǵı Keńes Baslıǵı jaqınnan pikirlesti
912
Búgingi kúnde Húrmetli Prezidentimiz tárepinen xalqımızdıń abadan turmısın támiyinlew baǵdarında anıq wazıypalar belgilep berilip, bul ilajlardı ámelge asırıwda keń imkaniyatlar jaratıp bermekte.
Mine usı tiykarda puqaralardı qıynap kiyatırǵan mashqalalarǵa sheshim tabıw baǵdarında barlıq rayonlarda, ásirese eń shetki aymaqlarda da qabıllawlar ótkerilmekte.
Bul jumıslardıń dawamı retinde Joqarǵı Keńes Baslıǵı barlıq rayonlardaǵı kѳshe biyleri menen ushırasıp, xalqımızdı razı etiw jolında jáne qosımsha qanday jumıslardı alıp barıw kerekligi boyınsha olardıń pikir hám usınısların tıńlap atır.
Ótkerilgen ushırasıwda Joqarǵı Keńes Baslıǵı shıǵıp sóylep, húrmetli Prezidentimiz basshılıǵında elimizde ámelge asırılıp atırǵan úlken dóretiwshilik jumısları haqqında keń túrde atap ótti. Sonday-aq, húrmetli Prezidentimizdiń Qaraqalpaqstan Respublikasına bolǵan saparında respublikamız xalqı turmısın jaqsılaw baǵdarında kóterilgen bir qatar áhmiyetli baslamalar haqqında atap ótti.
Óz náwbetinde, kóshe biyleri hám máhálle belsendileri Prezidentimiz basshılıǵında búgingi kúnde ámelge asırılıp atırǵan úlken dóretiwshilik jumıslarınan xalqımız minnetdar ekenligin ayrıqsha tilge aldı.
Sonıń menen birge, ushırasıwda kóshe biyleri tárepinen bir qatar áhmiyetli máseleler kóterildi hám Joqarǵı Keńes Baslıǵı bul mashqalalarǵa aldaǵı waqıtta álbette, sheshim tabılıwı támiyinlenetuǵınlıǵın atap ótti.
Ushırasıwda ashıq-aydın pikirlesilip, wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti