Kóshe biyleri xalqımızdıń isenimli wákilleri
1020
Prezidentimiz basshılıǵında xalqımızdıń abadan turmısın támiyinlew baǵdarında ámelge asırılıp atırǵan keń kólemli jumıslardıń dawamı sıpatında respublikamızda da kólemli jumıslar alıp barılmaqta. Bul iygilikli islerdiń dawamı sıpatında puxaralardı qıynap kiyatırǵan mashqalalarǵa sheshim tabıw baǵdarında Joqarǵı Keńes Baslıǵı barlıq rayonlarda kóshe biyleri, nuranıy-aksaqallar hám belsendiler menen ushırasıwlar ótkerip, ele de sheshimin kútip turǵan áhmiyetli máseleler boyınsha pikirlespekte.
Búgin gezektegi ushırasıw Qanlıkól rayonındaǵı kѳshe biyleri menen bolıp ѳtti. Ázelden xalqımız turmısında girewli ornı, kátqudalıǵı, salmaqlı sѳzine iye kóshe biyleri awızbirshilikti saqlawda aqıl násiyatı menen úles qosıp kelmekte. Búgingi ótkerilgen ushırasıwda dáslep Joqarǵı Keńes Baslıǵı shıǵıp sóylep, sonǵı jılları húrmetli Prezidentimiz basshılıǵında elimizde ámelge asırılıp atırǵan reformalar, keń kólemli qurılıs-ońlaw hám abadanlastırıw jumısları haqqında keńnen atap ótti. Kóshe biyleri mámleketimiz basshısı tárepinen sońǵı jıllarda alıp barılıp atırǵan iygilikli ámellerden xalqımız minnetdar eken hám bul baǵdardaǵı jumıslardı ámelge asırıwda qol-qanat bolıp, belsendilik kórsetetuǵınlıǵın bildirdi.Búgingi kúndegi ózgeris hám jańalanıwlar hár bir shańaraqqa kirip barıp atırǵanlıǵı ushın Prezidentimizge, respublika basshılarına minnetdarshılıǵın bildirdi. Sonday-aq, kóshe biyleri tárepinen máhállelerdi abat etiw hám xalqımızǵa múnásip turmıs sharayatın jaratıw baǵdarında bir qatar áhmiyetli máseleler kóterildi.
Joqarǵı Keńes Baslıǵı bul máseleler aldaǵı waqıtta álbette sheshim tabıwı zárúrligin atap ótti hám óziniń jeke qadaǵalawına alatuǵının bildirdi.
Qaraqalpaqstan Respublikası Joqarǵı Keńesiniń Málimleme xızmeti