Ózbekstan Jáhán sawda shólkemine aǵza boladı
1112
Prezident Shavkat Mirziyoev Jáhán sawda shólkemine aǵza bolıw processleri hám perspektivalarına baylanıslı prezentaciya menen tanıstı. Bizge belgili, Jáhán sawda shólkemi mámleketler aralıq kóp tárepleme sawda sistemasın muwapıqlastırıp turıwshı abıraylı xalıqaralıq struktura bolıp esaplanadı. Dúnya sawdasınıń 95 procenti oǵan aǵza 164 mámlekettiń úlesine tuwra keledi. Shólkemniń tiykarǵı wazıypası – erkin hám ashıq-aydın sawda qatnasıqların tártipke salıw hám onı keńeytiw arqalı aǵza mámleketlerdiń turaqlı rawajlanıwın támiyinlew hám insanlardıń turmısın jaqsılaw bolıp esaplanadı. Bul Ózbekstanda ámelge asırılıp atırǵan ekonomikalıq reformalar maqsetine tolıq sáykes keledi.
Burın mámleketimiz eksportınıń yarımı paxta talshıǵına tuwra keletuǵın edi. Onıń eksportınan tolıq waz keshilgennen keyin, tayar kiyim-kenshek eksportı 4 esege kóbeydi. Ótken jıldıń nátiyjelerine bola, toqımashılıq ónimleriniń eksportı 3 milliard 300 mıń dollardı quradı. 2021-jılı Ózbekstan GSP+ sistemasına qosılǵanı nátiyjesinde Evropa bazarına tayar ónim eksportı 1,5 esege arttı. Sırtqı sawdada tayar ónim eksportın kóbeytiwde Jáhán sawda shólkemine aǵza bolıw jáne de keń imkaniyatlar ashadı. Sonıń ushın Ózbekstan 2019-jıldan bul xalıqaralıq strukturaǵa aǵzalıq procesin jańadan baslaǵan edi. Ótken dáwirde bul maqsetke isenimli qádemler qoyıldı.
Májiliste mámleketimiz basshısı Jáhán sawda shólkemine aǵza bolıw shárt ekenligin atap ótip, onıń ekonomikalıq áhmiyetine toqtadı. – Kelesi úsh jılda tayar ónim eksportın 2 esege arttırıwdı rejelestirgenbiz. Oǵan erisiwdiń birden-bir jolı – Jáhán sawda shólkemine aǵza bolıw. Bul 164 mámleket penen ádalatlı sawda sistemasın jolǵa qoyıw hám turaqlı bazarlardı jaratıw imkaniyatın beredi,-dedi Shavkat Mirziyoev. Prezidentimiz ótken jılǵı Múrájatında bul processti jedellestiriw haqqında aytqan edi. Usı maqsette Jáhán sawda shólkemine aǵza 50 den aslam mámleketler eki tárepleme sóylesiwler alıp barıldı. Bul process boyınsha usı jıldıń mart ayında Jáhán sawda shólkeminde jumısshı topardıń altınshı májilisi ótkerildi.
Mámleketimiz basshısı qatnasıwındaǵı prezentaciyada aǵza mámleketler tárepinen kóterilgen máseleler dodalandı. Jáhán sawda shólkeminiń kelisimlerinen kelip shıǵıp, milliy nızamshılıqtı oǵan úylestiriw, tártip hám standartlardı xalıqaralıq talaplarǵa beyimlestiriw boyınsha tapsırmalar berildi. Onıń ushın sırt el konsultantların tartıp, jumısshı toparlardı qáliplestiriw, barlıq ministrlikler hám elshixanalar menen sistemalı islesiw zárúr ekenligi atap ótildi.
Burın mámleketimiz eksportınıń yarımı paxta talshıǵına tuwra keletuǵın edi. Onıń eksportınan tolıq waz keshilgennen keyin, tayar kiyim-kenshek eksportı 4 esege kóbeydi. Ótken jıldıń nátiyjelerine bola, toqımashılıq ónimleriniń eksportı 3 milliard 300 mıń dollardı quradı. 2021-jılı Ózbekstan GSP+ sistemasına qosılǵanı nátiyjesinde Evropa bazarına tayar ónim eksportı 1,5 esege arttı. Sırtqı sawdada tayar ónim eksportın kóbeytiwde Jáhán sawda shólkemine aǵza bolıw jáne de keń imkaniyatlar ashadı. Sonıń ushın Ózbekstan 2019-jıldan bul xalıqaralıq strukturaǵa aǵzalıq procesin jańadan baslaǵan edi. Ótken dáwirde bul maqsetke isenimli qádemler qoyıldı.
Májiliste mámleketimiz basshısı Jáhán sawda shólkemine aǵza bolıw shárt ekenligin atap ótip, onıń ekonomikalıq áhmiyetine toqtadı. – Kelesi úsh jılda tayar ónim eksportın 2 esege arttırıwdı rejelestirgenbiz. Oǵan erisiwdiń birden-bir jolı – Jáhán sawda shólkemine aǵza bolıw. Bul 164 mámleket penen ádalatlı sawda sistemasın jolǵa qoyıw hám turaqlı bazarlardı jaratıw imkaniyatın beredi,-dedi Shavkat Mirziyoev. Prezidentimiz ótken jılǵı Múrájatında bul processti jedellestiriw haqqında aytqan edi. Usı maqsette Jáhán sawda shólkemine aǵza 50 den aslam mámleketler eki tárepleme sóylesiwler alıp barıldı. Bul process boyınsha usı jıldıń mart ayında Jáhán sawda shólkeminde jumısshı topardıń altınshı májilisi ótkerildi.