Kartoshka jetistiriwdi rawajlandırıw ilajları belgilendi
1122
Prezident Shavkat Mirziyoev kartoshka jetistiriwdi rawajlandırıwǵa qaratılǵan reje hám usınıslar prezentaciyası menen tanıstı. Búgingi kúnde mámleketimizde kartoshkaǵa bolǵan talap derlik 4 million tonnanı quraydı. Sonıń ushın 80 procentinen aslamı elimizde jetistirilip, qalǵan bólegi importtıń esabınan toltırılıp atır. Sebebi – tarawda bir qansha mashqalalar bar. Máselen, búgingi kúnde 253 mıń gektarǵa kartoshka egilip atırǵan bolsa, ortasha ónimdarlıq 163 centnerdi quramaqta. Sırt ellerdegige qaraǵanda bul oǵada tómen kórsetkish. Jáne bir úlken mashqala tuqımgershilikke baylanıslı. Xalıq hám diyqanshılıq xojalıqları elita hám R1 tuqımınıń ornına import etilgen yamasa jergilikli sapasız kartoshka ekpekte. Joqarı ónimdarlıq tuqımlıq kartoshka jetistiriw ushın egislik jerler hám ıssıxanalar, olardı saqlaw ushın qoymaxanalar jeterli emes. Ónimdarlıqtıń azayıwına sebep bolatuǵın virus hám bakteriyalı keselliklerdi tekseretuǵın laboratoriyalar joq.
Májiliste bul áhmiyetli máselelerdi sheshiw, kartoshka jetistiriw hám onıń tuqımgershiligin rawajlandırıw boyınsha usınıslar dodalandı. Búgingi kúnde milliy genofondta 250 túrli kartoshka sortı bolıp, 4 kárxana hám ilimiy-izertlew institutları tárepinen 27 sorttan milliy tuqım jaratıw boyınsha jumıslar baslanǵan. Olardan biri Samarqandtaǵı Ózbekstan – Koreya kárxanası bolıp esaplanadı. Onıń imkaniyatların keńeytiw maqsetinde birinshi basqıshta Bulunǵır, Taylaq hám Samarqand rayonlarınan 500 gektar, ekinshi basqıshta Tashkent wálayatınıń Bostanlıq, Jizzaq wálayatınıń Baxmal hám Zamin, Qashqadárya wálayatınıń Kitab hám Shahrisabz rayonlarınan 2 mıń gektar jer ajıratıw molsherlenbekte. Tuqımgershilikti rawajlandırıw ushın ovoщ, palız eginleri hám kartoshka jetistiriw ilimiy-izertlew institutında 4 gektarlıq, Samarqandtaǵı «Green Korea agro Invest» kárxanasında 1 gektarlıq ıssıxana hám suwıtqıshlı qoymaxanalar qurıw rejelestirilgen. Bul joybarlar Jáhán banki qarjıları esabınan qarjılandırıladı hám «in vitro» usılında kartoshka tuqımın jetistiriwdiń tolıq cikli jolǵa qoyıladı.
Sonday-aq, Tashkent mámleketlik agrar universitetiniń Samarqand filialında «ilim – bilimlendiriw – óndiris» principi boyınsha Kartoshka tuqımgershiligi orayı dúziledi. Kartoshkanıń jasırın virus kesellikleri hám sapa kórsetkishlerin anıqlaw boyınsha 4 million dollarlıq laboratoriya iske qosıladı. Usınday ilajlardı ámelge asırıw nátiyjesinde 2025-jıldan kartoshka tuqımgershiligine bolǵan ishki talap tolıq támiyinlenetuǵını atap ótildi. Mámleketimiz basshısı bul usınıslardı maqullap, tuqımlıq kartoshka jetistiriw kólemin arttırıw hám sapasın kepillew boyınsha kórsetpeler berdi. Awıl xojalıǵı ministrligine 500 tonna elita kartoshka tuqımların 1 mıń 700 xalıqtıń qıytaq jerlerine biypul tarqatıw, kartoshka jetistiriwshilerge jeńilletilgen qarjılar ajıratıw wazıypası qoyıldı.
Májiliste bul áhmiyetli máselelerdi sheshiw, kartoshka jetistiriw hám onıń tuqımgershiligin rawajlandırıw boyınsha usınıslar dodalandı. Búgingi kúnde milliy genofondta 250 túrli kartoshka sortı bolıp, 4 kárxana hám ilimiy-izertlew institutları tárepinen 27 sorttan milliy tuqım jaratıw boyınsha jumıslar baslanǵan. Olardan biri Samarqandtaǵı Ózbekstan – Koreya kárxanası bolıp esaplanadı. Onıń imkaniyatların keńeytiw maqsetinde birinshi basqıshta Bulunǵır, Taylaq hám Samarqand rayonlarınan 500 gektar, ekinshi basqıshta Tashkent wálayatınıń Bostanlıq, Jizzaq wálayatınıń Baxmal hám Zamin, Qashqadárya wálayatınıń Kitab hám Shahrisabz rayonlarınan 2 mıń gektar jer ajıratıw molsherlenbekte. Tuqımgershilikti rawajlandırıw ushın ovoщ, palız eginleri hám kartoshka jetistiriw ilimiy-izertlew institutında 4 gektarlıq, Samarqandtaǵı «Green Korea agro Invest» kárxanasında 1 gektarlıq ıssıxana hám suwıtqıshlı qoymaxanalar qurıw rejelestirilgen. Bul joybarlar Jáhán banki qarjıları esabınan qarjılandırıladı hám «in vitro» usılında kartoshka tuqımın jetistiriwdiń tolıq cikli jolǵa qoyıladı.
Sonday-aq, Tashkent mámleketlik agrar universitetiniń Samarqand filialında «ilim – bilimlendiriw – óndiris» principi boyınsha Kartoshka tuqımgershiligi orayı dúziledi. Kartoshkanıń jasırın virus kesellikleri hám sapa kórsetkishlerin anıqlaw boyınsha 4 million dollarlıq laboratoriya iske qosıladı. Usınday ilajlardı ámelge asırıw nátiyjesinde 2025-jıldan kartoshka tuqımgershiligine bolǵan ishki talap tolıq támiyinlenetuǵını atap ótildi. Mámleketimiz basshısı bul usınıslardı maqullap, tuqımlıq kartoshka jetistiriw kólemin arttırıw hám sapasın kepillew boyınsha kórsetpeler berdi. Awıl xojalıǵı ministrligine 500 tonna elita kartoshka tuqımların 1 mıń 700 xalıqtıń qıytaq jerlerine biypul tarqatıw, kartoshka jetistiriwshilerge jeńilletilgen qarjılar ajıratıw wazıypası qoyıldı.