Ózbekstan Prezidenti IRB menen jańa sheriklik baǵdarlamasın birgelikte ámelge asırıw zárúr ekenligin atap ótti
997
Ózbekstan Respublikası Prezidenti Shavkat Mirziyoev 27-aprel kúni Tashkent xalıqaralıq investiciyalıq forumı sheńberinde Islam rawajlanıw bankiniń prezidenti Muhammed bin Sulayman al-Jassirdi qabılladı.
Jańa orta múddetli sheriklik baǵdarlaması sheńberinde Bank toparı menen keń kólemli birge islesiwdi jáne de keńeytiw máseleleri dodalandı.
Házirgi kúnde birgeliktegi joybarlar portfeli ekonomikanıń tiykarǵı tarmaqların qamtıp alǵan halda 1,3 milliard dollardan artqanı qanaatlanıwshılıq penen atap ótildi.
Forum sheńberinde awıl hám transport infrastrukturasın modernizaciyalaw, mektepke shekemgi bilimlendiriwdi rawajlandırıw boyınsha joybarlardı ámelge asırıw boyınsha ulıwma bahası 400 million dollarlıq kelisimlerge qol qoyıldı.
Ushırasıwda ámeliy birge islesiwdi rawajlandırıw, isbilermenlik hám jeke menshik investiciyalardı qollap-quwatlaw, qarjı mexanizmlerin jetilistiriw, Bank strukturaların joybarlaw jumıslarına belsene tartıw baǵdarında anıq joybarlardı alǵa qoyıw, sonday-aq, mámleketlimizdiń JSShǵa qosılıwı hám innovaciyalıq ekosistemanı jaratıw máselelerinde texnikalıq járdemdi keńeytiwge ayrıqsha itibar qaratıldı.