Studentlerge ijara tóleminiń bir bólegin tólep beriw tártibi belgilendi

Eki hám onnan artıq studentti ijaraǵa alıwda turaq-jaydıń maydanı hár bir student ushın 12 kvadrat metrden kem bolmawı kerek, degen qaǵıyda kirgiziliwi múmkin. Ministrler Kabinetiniń "Joqarı bilimlendiriw mekemeleriniń studentlerin turaq-jay menen támiyinlew sistemasın jetilistiriw is-ilajları haqqında"ǵı qararınıń joybarı járiyalandı. 2023-jıl 1-sentyabrden baslap mámleketlik joqarı bilimlendiriw mekemeleriniń studentlerine ijara tóleminiń bir bólegin mámleketlik byudjet esabınan qaplap beriwdiń ápiwayılastırılǵan tártibi engiziledi. Bunda: Talabanlarǵa aylıq ijara tóleminiń bir bólegi ijara shártnamasınıń summasına qaramastan Tashkent qalasında - bazalıq esaplaw muǵdarınıń bir esesi, qalǵan aymaqlarda - bazalıq esaplaw muǵdarınıń yarım esesi muǵdarında tólenedi; Ijara shártnamasında eki hám onnan artıq studentlerdi rásmiylestiriwde turaq-jaydıń maydanı hár bir student ushın 12 (on eki) metr kvadrattan kem bolmawı kerek; Studentler qatarına qabıl etilgen hám studentler jataqxanası menen qamtıp alınbaǵan joqarı bilimlendiriw mekemesinen uzaqta jaylasqan aymaqlardan kelgen birinshi basqısh studentleri (turaqlı jasaw ornı basqa rayonda (qalada) bolǵan ijara tiykarında jasaytuǵın studentler)ne, joqarı oqıw orınlarına usı maqsette ajıratılǵan qarjılar sheńberinde sentyabr hám oktyabr ayları ushın ijara shártnaması talap etpey aylıq ijara tóleminiń bir bólegi qaplap beriledi hámde belgilengen tártipte ijara shártnamasın usınǵan studentlerge noyabr ayınan tólemler dawam ettiriledi; Mámleketlik joqarı oqıw orınları tárepinen ijara huqıqı tiykarında jasap atırǵan, biraq ijara tólemleri usı qararda belgilengen tártipte mámleket byudjeti tárepinen qaplanatuǵın studentlerdiń 60 procentinen artqan bólegi ushın aylıq ijara tóleminiń bir bólegi usı joqarı oqıw orınları tárepinen tastıyıqlanǵan normalar hám tártip tiykarında qarjılıq imkaniyatlarınan kelip shıǵıp byudjetten tısqarı qarjılar esabınan qaplap beriliwi múmkin. Studentler menen dúziletuǵın turaq jay ijara shártnamaların mámleketlik salıq xızmeti uyımlarında salıq tólewshiniń jeke kabineti arqalı aralıqtan turıp biometrik identifikaciyalaw (Face-ID) texnologiyası arqalı elektron formada real waqıt rejiminde esapqa qoyıwǵa ruxsat etiledi.  

Qaraqalpaqstan Respublikası Joqarǵı Keńesiniń Málimleme xızmeti