III xalıqaralıq baqsıshılıq kórkem óneri festivalında Qaraqalpaqstan Respublikasınıń bir qatar kórkem óner tarawı wákilleri qatnasadı
1055
Usı jıldıń 5-8-may kúnleri Sırdárya wálayatınıń Gúlistan qalasında III xalıqaralıq baqsıshılıq kórkem óneri festivalı ótkeriliwi rejelestirilgen.
Festivaldıń ashılıw hám jabılıw saltanatlarına baǵıshlanǵan koncert baǵdarlamasına Berdaq atındaǵı Qaraqalpak mámleketlik akademiyalıq muzıkalı teatrı jámááti, festival bolıp ótetuǵın orında Qaraqalpaqstan Respublikası ushın ajıratılǵan aymaqta Ózbekstan mámleketlik filarmoniyası jámááti qatnasıwı kútilmekte. Házirgi waqıtta dóretiwshi jámááttiń barlıq aǵzaları Gúlistan qalasına jetip barǵan hám tayarlıq jumıslarına qatnaspaqta.
Festival sheńberinde ótkeriletuǵın tańlawdıń baqsıshılıq jónelisi boyınsha Ózbekstan mámleketlik filarmoniyası Qaraqalpaqstan Respublikası bólimi «Muxalles» duwtarshılar ansambli kórkem basshısı Erisbay Asqarov;
Kegeyli rayonı 11-sanlı Balalar muzıka hám kórkem óner mektebi oqıtıwshısı Uldáwlet Sársenbaeva;
Nókis qánigelestirilgen mádeniyat mektebi oqıtıwshısı Qılıshbay Allamuratovlar qatnasıwı rejelestirilgen.
Qaraqalpaqstan Respublikası Joqarǵı Keńesiniń Málimleme xızmeti