Xalıqaralıq dárejedegi sertifikatqa iye oqıtıwshılarǵa ústeme haqı tólenedi
641
Prezident qararı menen Bilimlendiriw mekemeleriniń keminde S1 dárejedegi milliy yamasa oǵan teńlestirilgen xalıqaralıq dárejedegi sertifikatqa iye shet tiller (inglis, fransuz, nemis, ispan, italyan, arab, qıtay, yapon, koreys, túrk, parsı, hind, urdu) oqıtıwshılarına olardıń bazalıq tarif stavkasına hár ay 50 procent muǵdarında qosımsha ústeme haqı tólep barılatuǵını belgilengen.
Bunda, ulıwma orta, orta arnawlı hám professional bilimlendiriw mekemeleri oqıtıwshılarınıń keminde C1 dárejedegi xalıqaralıq sertifikattı alıwı ushın imtixan tapsırıw menen baylanıslı qárejetler Mámleket byudjetinen pedagog kadrlardıń qánigeligin arttırıw ushın ajıratılatuǵın qarjılardan, al mámleketlik joqarı bilimlendiriw mekemeleri oqıtıwshılarınıń qárejetleri bolsa joqarı bilimlendiriw mekemeleriniń óz qarjıları esabınan qaplanatuǵını kórsetilgen.
Qaraqalpaqstan Respublikası Joqarǵı Keńesiniń Málimleme xızmeti