Bıyılǵı Oraza ayında Qaraqalpaqstannan 100 adam mámleket esabınan Umra ziyaratına jiberildi
665
Prezidentimizdiń baslaması menen hár jılı Oraza ayın múnásip belgilewge ayrıqsha itibar qaratılıp, múbárek ayda bir qatar jeńillikler berilip kelinbekte.
Bıyılǵı jılda usılar qatarında Oraza ayında sociallıq qollap-quwatlawǵa mútáj, kem támiyinlengen hám temir dápterde esapta turǵan mámleketimizdiń 1400 puqarası mámleket esabınan Umra ziyaratına jiberildi.
Óz náwbetinde ziyaratshılar muqáddes mánzilde turıp, xalqımızǵa tınıshlıq, awızbirshilik hám jaqsı tilekler tilep duwada boldı.
Sonnan, Qaraqalpaqstan Respublikası boyınsha hár bir rayon hám qaladan 6 adamnan 100 puqaranıń Umra ziyaratına barıwı támiyinlendi. Bul da óz gezeginde muqáddes hám aylardıń sultanı bolǵan Oraza ayında Prezidentimiz tárepinen ámelge asırılǵan diniy keńpeyillikti támiyinlew, puqaralarımızdıń hújdán erkinligin kepillew baǵdarındaǵı iygilikli ámellerdiń biri boldı desek aljaspaǵan bolamız.
Qaraqalpaqstan Respublikası Joqarǵı Keńesiniń Málimleme xızmeti