Referendumǵa dawıs beriw dawam etpekte

Qaraqalpaqstan Respublikası Joqarǵı Keńesiniń Baslıǵı A.Orınbaev shańaraq aǵzaları menen birge Nókis qalasındaǵı Allaniyaz Qaharman mákan puqaralar jıyını aymaǵındaǵı 8-sanlı ulıwma bilim beriw mektebinede jaylasqan 7-referendum uchastkasında bolıp, mámleketimizdiń keleshektegi táǵdiri ushın dawıs berdi.

Referendum ótkeriwshi uchastka komissiyasınıń baslıǵı Rano Baxievanıń atap ótkenindey, aymaqta jámi 2 mıń 734  puqara dizimge alınǵan bolıp, sonnan 19 jas birinshi márte dawıs beredi. Sonday-aq, 28 kekse jastaǵı hám  mayıplıǵı bolǵan puqaranıń dawıs beriwi shólkemlestirildi. Saat 11.00 ge shekemgi maǵlıwmat boyınsha 1 mıń 96 puqaranıń dawıs bergenligi, aymaq turǵınlarınıń siyasiy processte belsene qatnasıp atırǵanınan dárek beredi. Referendum uchastkasında dawıs beriw dawam etpekte.

Qaraqalpaqstan Respublikası Joqarǵı Keńesiniń Málimleme xızmeti