Ózbekstan Respublikası Prezidentiniń qararı
Densawlıqtı saqlaw sistemasına aldıńǵı sanlı texnologiyalardı qollanıw, sanlı densawlıqtı saqlaw platformasın jaratıw, tarawdıń barlıq dárejelerindegi emlew profilaktika mákemeleri ushın maǵlıwmatlar bazası kompleksin engiziw, programmalıq támiynat hám elektron platformanı islep shıǵıw maqsetinde:
- Ózbekstan Respublikası hám «KfW» banki arasında «Sanlı densawlıqtı saqlaw reformaların qollap-quwatlaw» joybarın (keyingi orınlarda – joybar) qarjılandırıw ushın 5 jıllıq jeńilletilgen dáwir menen 12 jıl múddetke 45 million evro muǵdarında qarız kelisimi hám 5,5 million evro muǵdarında grant kelisimine qol qoyılǵanlıǵı maǵlıwmat ushın qabıl etilsin.
- Tómendegiler:
«Sanlı densawlıqtı saqlaw reformaların qollap-quwatlaw» joybarınıń
texnikalıq-ekonomikalıq kórsetkishleri 1-qosımshaǵa muwapıq;
«Sanlı densawlıqtı saqlaw reformaların qollap-quwatlaw» joybarın ámelge asırıw sheńberinde «KfW» bankiniń qarız qarjıların qaytarıw, sonıń ishinde, qosımsha miynet haqı hám procentler tólewdiń
prognoz kestesi 2-qosımshaǵa muwapıq;
«Sanlı densawlıqtı saqlaw reformaların qollap-quwatlaw» joybarın ámelge asırıw boyınsha
«jol kartası» 3-qosımshaǵa muwapıq;
2023-2025-jılları densawlıqtı saqlaw sistemasın sanlastırıw boyınsha
ilajlar rejesi 4-qosımshaǵa muwapıq tastıyıqlansın.
- a) Densawlıqtı saqlaw ministrligi:
joybardı óz waqtında ámelge asırıw hám muwapıqlastırıw, sonday-aq, «KfW» bankiniń qarız hám grant qarjılarınan
maqsetli hám nátiyjeli paydalanıw boyınsha juwapker atqarıwshı uyım;
joybardı ámelge asırıw sheńberinde
tender komissiyasınıń jumısshı uyımı hám dúzilgen shártnamalar boyınsha kontragent bolıp esaplanatuǵını;
b) «KfW» bankiniń
qarız qarjıların qaytarıw, sonıń ishinde,
qosımsha miynet haqı hám procentler, basqa da tólemler menen baylanıslı qárejetler Ózbekstan Respublikasınıń respublikalıq byudjeti qarjıları esabınan qaplanatauǵını;
v) joybardı ámelge asırıw sheńberinde satıp alınatuǵın hám alıp kiriletuǵın tovarlar (xızmetler) ushın tóleniwi zárúr bolǵan
qosımsha qun salıǵı Mámleketlik byudjet qarjıları esabınan tólenetuǵını. Onda, salıq hám bajıxana jeńillikleriniń qollanılıwı hám byudjet qarjıları esabınan tólep beriliwi nátiyjesinde únemlengen qarjıları Ózbekstan Respublikasınıń joybardı ámelge asırıwǵa qosqan úlesi sıpatında esapqa alınatuǵını belgilensin.
- Joybardı óz waqtında hám nátiyjeli ámelge asırıw ushın Sanlı densawlıqtı saqlaw sistemasın basqarıw joybarlaw ofisi shólkemlestirilsin hám bul joybarlaw ofisiniń jumısı joybardıń texnikalıq-ekonomikalıq tiykarlarında belgilengen tártipte tartılıp atırǵan qarjılar esabınan qarjılandırılıwı támiyinlesin.
Onda, Densawlıqtı saqlaw ministrligi Sanlı densawlıqtı saqlaw sistemasın basqarıw joybarlaw ofisiniń jumısın muwapıqlastırıp barsın.
- Ádillik ministrligi bir ay múddette Ózbekstan Respublikası hám «KfW» banki arasında qol qoyılǵan qarız hám grant kelisimleri boyınsha yuridikalıq juwmaq bersin.
- joybarlaw sheńberinde engizilip atırǵan málimleme sistemalarınan paydalanıw boyınsha licenziyalar ushın tólemler olardı engiziw qárejetleri quramına kirgiziletuǵını hám bul licenziyalar málimleme sistemasınıń ámeliyatına tolıq engizilgennen soń keminde 5 jıl dawamında ámel etetuǵını;
joybardı ámelge asırıw procesinde únemlengen qarjılar
tiykarǵı túrde baslanǵısh medicinalıq-sanitariyalıq járdem mákemeleriniń jumısın sanlastırıw hám kompyuter texnikası quralların satıp alıwǵa qaratılatuǵını;
joybarlaw sheńberinde islep shıǵılatuǵın málimleme sistemaların ámeliyatqa qollanıw ushın qabıllap alıw
Sanlı texnologiyalar ministrligi menen kelisilgen halda ámelge asırılatuǵını;
mámleketlik medicina shólkemleri ushın
zárúr málimleme baǵdarlamaları hám sistemaların islep shıǵıw, ornatıw hám texnikalıq jaqtan qollap-quwatlaw menen baylanıslı qárejetler Mámleketlik byudjetten Densawlıqtı saqlaw ministrligine ajıratılǵan qarjılar esabınan qaplap beriletuǵını belgilep qoyılsın.
- Densawlıqtı saqlaw sistemasın sanlastırıwǵa qaratılǵan ilajlardı ámelge asırıw boyınsha jumısshı topar 5-qosımshaǵa muwapıq quramda dúzilsin.
Jumısshı topar (A.Inoyatov)ǵa tómendegi wazıypalar júklensin:
densawlıqtı saqlaw sisteması hám shólkemlerindegi processlerdi sanlastırıw, sonday-aq, olardıń basqa da mámleketlik uyımlardıń málimleme sistemaları menen integraciyasın támiyinlew;
2023-2025-jılları densawlıqtı saqlaw sistemasın sanlastırıw hám joybardı ámelge asırıw boyınsha «jol kartaları»ında belgilengen tapsırmalardıń óz waqtında hám sapalı orınlanıwın shólkemlestiriw;
joybardıń tiykarǵı texnikalıq-ekonomikalıq kórsetkishlerinde belgilengen maqsetlerge erisiliwin qadaǵalaw;
usı qararda belgilengen tapsırmalardıń nátiyjeli hám óz waqtında orınlanıwın támiyinlew sonday-aq, ámelge asırılıp atırǵan jumıslardıń nátiyjesi boyınsha Ministrler Kabinetine hár sherekte maǵlıwmat kirgizip barıw.
- Sanlı texnologiyalar ministrligi joybarlaw sheńberinde engiziletuǵın málimleme sistemaları nátiyjeliliginiń bahalanıp barılıwın hám biznes processlerin ámelge asırıwdıń zamanagóy usılları engiziliwin támiyinlesin.
- Esap palatası joybarlaw sheńberinde tartılatuǵın hám ajıratılatuǵın qarjılardan nátiyjeli paydalanılıwı, sonday-aq, joybardıń texnikalıq-ekonomikalıq tiykarlarında názerde tutılǵan kórsetkishlerge erisiliwi boyınsha turaqlı qadaǵalaw ornatsın.
- Usı pármannıń orınlanıwın nátiyjeli shólkemlestiriwge juwapker hám jeke juwapker etip densawlıqtı saqlaw ministri A.Sh.Inoyatov hám sanlı texnologiyalar ministri Sh.X.Shermatov belgilensin.
Qarardıń orınlanıwın qadaǵalaw hám orınlaw ushın juwapker shólkemlerdiń jumısın muwapıqlastırıw Ózbekstan Respublikasınıń Bas ministri A.N.Aripovqa júklensin.
Ózbekstan Respublikası Prezidenti Sh.MIRZIYOEV
