Ózbekstan Prezidenti Berlinge jónep ketti

Ózbekstan Respublikası Prezidenti Shavkat Mirziyoev Germaniya Federal Prezidenti Frank-Valter Shtaynmayerdiń mirát etiwine bola sapar menen usı mámleketke jónep ketti. Sapar baǵdarlamasına muwapıq Berlin qalasında Federal Prezident Frank-Valter Shtaynmayer hám Federal Kancler Sholc penen sóylesiwler, sonday-aq, Germaniyanıń jetekshi kompaniyaları basshıları menen ushırasıw ótkeriliwi rejelestirilgen. Germaniya paytaxtındaǵı Jańa muzey hám Djeyms Simon galereyasında ashılatuǵın «Ózbekstannıń arxeologiyalıq ǵáziyneleri, Aleksandr Makedonskiydan Kushanlar imperiyasına shekem» atamasındaǵı kórgizbe menen tanısıw názerde tutılǵan.