Awıl xojalıǵı tarawın rawajlandırıw baǵdarında áhmiyetli máselelerge arnalǵan májilis bolıp ótti
739
Búgin Qaraqalpaqstan Respublikası Joqarǵı Keńesinde awıl xojalıǵı tarawın rawajlandırıw baǵdarında áhmiyetli máselelerge arnalǵan májilis bolıp ótti. Onda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev basqarıp bardı.
Ótkerilgen májiliste awıl xojalıǵı tarawı hám basqa da juwapker mákemeler wákilleri, maman qánigeler qatnastı. Májiliste awıl xojalıǵı tarawın rawajlandırıw baǵdarında taraw ushın azıq-awqat bazasın jetilistiriw, sonıń ishinde suw ósimliklerinen awıl xojalıǵı malları, qusshılıq, balıqshılıq ushın azıq-awqat deregi sıpatında paydalanıw, aqaba suw tarmaqları imkaniyatların maqsetke muwapıq isletiw sıyaqlı bir katar máseleler sóz etildi. Atap ótiw kerek, búgingi kúnde respublikamız aymaǵında awıl xojalıǵı ushın azıq-awqat bazası, tiykarınan, qurǵaq ósimliklerden paydalanıwdan ibarat bolıp, bunda suw ósimlikleri imkaniyatlarınan paydalanıw nátiyjeli jolǵa qoyılmaǵan. Al, Qaraqalpaqstan sharayatında aqaba suw tarmaqlarında mikroskopik hám joqarı suw ósimliklerinen azıqlıq bazası sıpatında paydalanıw múmkinshiligi bar bolsa da, bul baǵdarda ele ámeliyatta kem qollanılmaqta. Májiliste Pistiya (Pistia stratiotes L.), Xlorella (Chlorella vulgaris), Ryaska (Lemna minor L.) sıyaqlı suw ósimliklerinen paydalanıw boyınsha joybar haqqında keń túrde atap ótilip, tómengi hám joqarı suw ósimliklerin jasalma kóbeytiw hám paydalanıwdan shıqqan shıǵındı suwlardan ekilemshi suw sıpatında paydalanıw baǵdarında joybardıń maqsetleri sóz etildi.
Suw ósimlikleri shıǵındı suwlardı tazalawda imkan beredi hám qorshaǵan ortalıqqa unamlı tásir etedi. Suw ósimliklerinen paydalanǵan túrde awıl xojalıǵı ushın ekilemshi suwlardı jaratıwda xlorella, ryaska hám pistiya búgingi kúnde usınıs etilmekte. Sonday-aq, bul ósimlikler balıqshılıq hám qusshılıq tarawın rawajlandırıwda hám ónimdarlıqtı arttırıwda áhmiyetli esaplanadı. Ótkerilgen májilis dawamında joybar sheńberinde jumıslardı nátiyjeli jolǵa qoyıwdı qollap-quwatlaw boyınsha bir qatar wazıypalar belgilep alındı.
Ótkerilgen májiliste awıl xojalıǵı tarawı hám basqa da juwapker mákemeler wákilleri, maman qánigeler qatnastı. Májiliste awıl xojalıǵı tarawın rawajlandırıw baǵdarında taraw ushın azıq-awqat bazasın jetilistiriw, sonıń ishinde suw ósimliklerinen awıl xojalıǵı malları, qusshılıq, balıqshılıq ushın azıq-awqat deregi sıpatında paydalanıw, aqaba suw tarmaqları imkaniyatların maqsetke muwapıq isletiw sıyaqlı bir katar máseleler sóz etildi. Atap ótiw kerek, búgingi kúnde respublikamız aymaǵında awıl xojalıǵı ushın azıq-awqat bazası, tiykarınan, qurǵaq ósimliklerden paydalanıwdan ibarat bolıp, bunda suw ósimlikleri imkaniyatlarınan paydalanıw nátiyjeli jolǵa qoyılmaǵan. Al, Qaraqalpaqstan sharayatında aqaba suw tarmaqlarında mikroskopik hám joqarı suw ósimliklerinen azıqlıq bazası sıpatında paydalanıw múmkinshiligi bar bolsa da, bul baǵdarda ele ámeliyatta kem qollanılmaqta. Májiliste Pistiya (Pistia stratiotes L.), Xlorella (Chlorella vulgaris), Ryaska (Lemna minor L.) sıyaqlı suw ósimliklerinen paydalanıw boyınsha joybar haqqında keń túrde atap ótilip, tómengi hám joqarı suw ósimliklerin jasalma kóbeytiw hám paydalanıwdan shıqqan shıǵındı suwlardan ekilemshi suw sıpatında paydalanıw baǵdarında joybardıń maqsetleri sóz etildi.
Suw ósimlikleri shıǵındı suwlardı tazalawda imkan beredi hám qorshaǵan ortalıqqa unamlı tásir etedi. Suw ósimliklerinen paydalanǵan túrde awıl xojalıǵı ushın ekilemshi suwlardı jaratıwda xlorella, ryaska hám pistiya búgingi kúnde usınıs etilmekte. Sonday-aq, bul ósimlikler balıqshılıq hám qusshılıq tarawın rawajlandırıwda hám ónimdarlıqtı arttırıwda áhmiyetli esaplanadı. Ótkerilgen májilis dawamında joybar sheńberinde jumıslardı nátiyjeli jolǵa qoyıwdı qollap-quwatlaw boyınsha bir qatar wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti