Ekinshi jáhán urısı qatnasıwshıların xoshametlew haqqında
1631
Ózbekstan Respublikası Prezidentiniń Pármanı
Mámleketimizde 9-may – Eslew hám qádirlew kúni ulıwmaxalıqlıq bayramı sıpatında keń túrde belgileniwi, sonday-aq, Ekinshi jáhán urısında dúnyadan ótken ata-babalarımız esteligin mángilestiriw, búgin de qatarımızda turıp, Watanımızdıń abıray-itibarın joqarılatıwǵa, jaslardı ruwxıy-ádep ikramlılıq jaqtan tárbiyalawǵa úles qosıp atırǵan nuranıylardı qásterlew hámde fashizm ústinen erisilgen jeńistiń 78 jıllıǵı múnásibeti menen urıs qatnasıwshıları hám mayıpların materiallıq xoshametlew maqsetinde: 1. Ekinshi jáhán urısı qatnasıwshıları hám mayıplarınıń hár birine 18 000 000 (on segiz million) sum muǵdarında bir mártelik pul sıylıǵı belgilensin. 2. Usı Pármandı orınlaw menen baylanıslı bolǵan qárejetler Ózbekstan Respublikasınıń respublika byudjeti qarjıları esabınan ámelge asırılsın. 3. Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri, Qorǵanıw ministrligi, Milliy gvardiya, Mámleketlik qáwipsizlik xızmeti, Ishki isler ministrligi, Ekonomika hám qarjı ministrligi, Mádeniyat hám turizm ministrligi, Kambaǵallıqtı qısqartıw hám bántlik ministrligi, Respublika ruwxıylıq hám aǵartıwshılıq orayı menen birgelikte Ekinshi jáhán urısı qatnasıwshıları hám mayıplarına usı pul sıylıǵınıń saltanatlı hámde bayramǵa tán túrde tapsırılıwın támiyinlesin. 4. Usı pármannıń orınlanıwın qadaǵalaw Ózbekstan Respublikasınıń Bas ministri A.N.Aripov moynına júklensin.Ózbekstan Respublikası Prezidenti Sh.MIRZIYOEV