Respublikamız aymaǵında jańa investiciyalıq joybarlardı iske túsiriw boyınsha bir qatar kelisimlerge kelindi
850
Usı jıldıń 2-may kúni Qaraqalpaqstan Respublikası Joqarǵı Keńesiniń Baslıǵı Amanbay Orınbaev qıtaylı bir qatar iri isbilermen investorları «Fujian Qunfeng Investment Group» kompaniyası wákili Lin Cyantao hám Lin CHjun, «BA ASSOCIATION» kompaniyası bas direktorı B.Abdullaevlar menen video-konferenc baylanıs arqalı ushırastı.
Onda Ózbekstan Respublikasınıń Qıtaydaǵı elshisi F.Arziev, Ózbekstan elshixanasınıń másláhatshisi I.Niyazmuradov, Ózbekstan Respublikası bas konsulı A.Masutov, Qaraqalpaqstan Respublikası Ministrler Keńesi Baslıǵınıń orınbasarı, Investiciyalar hám sırtqı sawda ministri A.Oteuliev, Nókis qalası hákimi U.Panaev hám basqa da tiyisli taraw basshıları qatnastı. Ushırasıwda Joqarǵı Keńes Baslıǵı mamleketimizde isbilermenler hám investorlar ushın húrmetli Prezidentimiz tárepinen jaratıp berilip atırǵan jeńillik hám keń imkaniyatlar, Qaraqalpaqstan Respublikasınıń investiciyalıq ortalıǵı, qazılma baylıqları rezervleri hám amelge asırılıwı múmkinshiligi bar bolǵan jańa joybarlar haqqında atap ótti.
Sonday-aq, Qaraózek rayonı aymaǵında jaylasqan Búrkittaw mıs káni tiykarında «Fujian Qunfeng Investment Group» kárxanası tárepinen ulıwma bahası 140 mln. AQSh dollarlıq mıstı qayta islew klasteri joybarı haqqında túsinik berdi hám qıtaylı investorlar menen bul joybardı ámelge asırıw boyınsha Qaraqalpaqstan Respublikasına kelip úyreniw hám joybardı iske túsiriw boyınsha kelisip alındı. Sonıń menen birge, «City group» kárxanası tárepinen jańa ximiyalıq soda islep shıǵarıw boyınsha ámelge asırılıwı kerek bolǵan joybar haqqında da atap ótildi. Ótkerilgen ushırasıw dawamında «Tianjeng xayteng» kárxanası tárepinen Bozataw, Kegeyli hám Taxtakópir rayonlarında 10 000 bas iri bas qaramalǵa mólsherlengen sharwashılıq kompleksi joybarın ámelge asırıw boyınsha da kelisimge kelindi. Bunnan tısqarı, Sinczyan-Uyǵur avtonom provinciyası investorları tárepinen qosımsha Shımbay rayonı aymaǵında jámi 50 mıń bas iri bas qaramallarǵa mólsherlengen kompleksler shólkemlestiriliwi anıq belgilenip alındı. Bul joybar bir neshe basqıshta ámelge asırılıwı názerde tutılǵan bolıp, birinshi basqıshta Shımbay rayonı «Taǵ-jap» APJ aymaǵında jaylasqan eski «GIGANT» sharwa kompleksin qayta tiklew arqalı 25 mıń bas iri bas qaramal alıp kelip baǵılıwın jolǵa qoyıw belgilengen. Sonıń menen birge, ushırasıwda qurılıs materialları sanaatı, kaolin ónimin qayta islew, farmacevtika jónelislerinde Ózbekstanǵa investorlardı keńnen tartıw boyınsha da bir qatar áhmiyetli máseleler sóz etildi. Atap ótiw orınlı, ótkerilgen ushırasıw kóp tarmaqlı birge islesiwdi jolǵa qoyıw hám keńeytiwge baǵdarlanǵan bolıp, onda kadrlardı qayta tayarlaw baǵdarlamasın ámelge asırıw maqsetinde elimizde bilim alıp atırǵan student-jaslar ushın turizm, logistika, qurılıs, arxitektura hám de awıl xojalıǵı jónelislerinde Qıtaydıń Sichuan provinciyasında jaylasqan universitetlerine Qıtay grantları ajıratılıwın támiyinlew ayrıqsha tilge alındı. Qıtaydıń jergilikli tur-agentlik jónelislerine Qaraqalpaqstan Respublikası boylap sayaxat etiw boyınsha jónelis qosılıwı boyınsha da óz-ara kelisildi. Ushırasıw dawamında Joqarǵı Keńes Baslıǵı óz-ara birge islesiw hám elimiz rawajlanıwına úles qosatuǵın hár qanday investiciyalıq joybarlardıń iske túsiriliwi álbette, qollap-quwatlanatuǵınlıǵın atap ótti.
Onda Ózbekstan Respublikasınıń Qıtaydaǵı elshisi F.Arziev, Ózbekstan elshixanasınıń másláhatshisi I.Niyazmuradov, Ózbekstan Respublikası bas konsulı A.Masutov, Qaraqalpaqstan Respublikası Ministrler Keńesi Baslıǵınıń orınbasarı, Investiciyalar hám sırtqı sawda ministri A.Oteuliev, Nókis qalası hákimi U.Panaev hám basqa da tiyisli taraw basshıları qatnastı. Ushırasıwda Joqarǵı Keńes Baslıǵı mamleketimizde isbilermenler hám investorlar ushın húrmetli Prezidentimiz tárepinen jaratıp berilip atırǵan jeńillik hám keń imkaniyatlar, Qaraqalpaqstan Respublikasınıń investiciyalıq ortalıǵı, qazılma baylıqları rezervleri hám amelge asırılıwı múmkinshiligi bar bolǵan jańa joybarlar haqqında atap ótti.
Sonday-aq, Qaraózek rayonı aymaǵında jaylasqan Búrkittaw mıs káni tiykarında «Fujian Qunfeng Investment Group» kárxanası tárepinen ulıwma bahası 140 mln. AQSh dollarlıq mıstı qayta islew klasteri joybarı haqqında túsinik berdi hám qıtaylı investorlar menen bul joybardı ámelge asırıw boyınsha Qaraqalpaqstan Respublikasına kelip úyreniw hám joybardı iske túsiriw boyınsha kelisip alındı. Sonıń menen birge, «City group» kárxanası tárepinen jańa ximiyalıq soda islep shıǵarıw boyınsha ámelge asırılıwı kerek bolǵan joybar haqqında da atap ótildi. Ótkerilgen ushırasıw dawamında «Tianjeng xayteng» kárxanası tárepinen Bozataw, Kegeyli hám Taxtakópir rayonlarında 10 000 bas iri bas qaramalǵa mólsherlengen sharwashılıq kompleksi joybarın ámelge asırıw boyınsha da kelisimge kelindi. Bunnan tısqarı, Sinczyan-Uyǵur avtonom provinciyası investorları tárepinen qosımsha Shımbay rayonı aymaǵında jámi 50 mıń bas iri bas qaramallarǵa mólsherlengen kompleksler shólkemlestiriliwi anıq belgilenip alındı. Bul joybar bir neshe basqıshta ámelge asırılıwı názerde tutılǵan bolıp, birinshi basqıshta Shımbay rayonı «Taǵ-jap» APJ aymaǵında jaylasqan eski «GIGANT» sharwa kompleksin qayta tiklew arqalı 25 mıń bas iri bas qaramal alıp kelip baǵılıwın jolǵa qoyıw belgilengen. Sonıń menen birge, ushırasıwda qurılıs materialları sanaatı, kaolin ónimin qayta islew, farmacevtika jónelislerinde Ózbekstanǵa investorlardı keńnen tartıw boyınsha da bir qatar áhmiyetli máseleler sóz etildi. Atap ótiw orınlı, ótkerilgen ushırasıw kóp tarmaqlı birge islesiwdi jolǵa qoyıw hám keńeytiwge baǵdarlanǵan bolıp, onda kadrlardı qayta tayarlaw baǵdarlamasın ámelge asırıw maqsetinde elimizde bilim alıp atırǵan student-jaslar ushın turizm, logistika, qurılıs, arxitektura hám de awıl xojalıǵı jónelislerinde Qıtaydıń Sichuan provinciyasında jaylasqan universitetlerine Qıtay grantları ajıratılıwın támiyinlew ayrıqsha tilge alındı. Qıtaydıń jergilikli tur-agentlik jónelislerine Qaraqalpaqstan Respublikası boylap sayaxat etiw boyınsha jónelis qosılıwı boyınsha da óz-ara kelisildi. Ushırasıw dawamında Joqarǵı Keńes Baslıǵı óz-ara birge islesiw hám elimiz rawajlanıwına úles qosatuǵın hár qanday investiciyalıq joybarlardıń iske túsiriliwi álbette, qollap-quwatlanatuǵınlıǵın atap ótti.
Qaraqalpaqstan Respublikası Joqarǵı Keńesiniń Málimleme xızmeti