Urıs qatnasıwshısına Prezident sawǵaları tapsırıldı
765
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Eslew hám qádirlew kúni múnásibeti menen Nókis qalasında jasawshı, Ekinshi jáhán urısı qatnasıwshısı Qadirbay ata Narmanovtıń shańaraǵında bolıp, bayram sawǵaların tapsırdı.
Joqarǵı Keńes Baslıǵı veterandı 9-may – Eslew hám qádirlew kúni ulıwmaxalıqlıq bayramı, sonday-aq, Ekinshi jáhán urısında fashizm ústinen erisilgen jeńistiń 78 jıllıǵı menen qızǵın qutlıqladı hám Ózbekstan Respublikası Prezidentiniń bayram qutlıqlawın oqıp esittirdi.
Onda Qaraqalpaqstan Respublikası Ministrler Keńesiniń Baslıǵı F.Ermanov qatnastı.
Prezidentimizdiń usı jıl 2-maydaǵı «Ekinshi jáhán urısı qatnasıwshıların xoshametlew haqqında»ǵı pármanı tiykarında Ekinshi jáhán urısı qatnasıwshısı Qadirbay Narmanovqa 18 million sum muǵdarında bir mártelik aqshalay sıylıq berildi. Sonday-aq, urıs qatnasıwshısına mámleketimiz tárepinen ajıratılǵan bahalı sawǵaları, Qaraqalpaqstan Respublikası Joqarǵı Keńesi, Ministrler Keńesi, Arqa-batıs áskeriy okrugi, Nókis qalası hákimligi hám bir qatar shólkemler atınan bahalı sawǵalar tapsırıldı.
Prezidentimizdiń usı jıl 2-maydaǵı «Ekinshi jáhán urısı qatnasıwshıların xoshametlew haqqında»ǵı pármanı tiykarında Ekinshi jáhán urısı qatnasıwshısı Qadirbay Narmanovqa 18 million sum muǵdarında bir mártelik aqshalay sıylıq berildi. Sonday-aq, urıs qatnasıwshısına mámleketimiz tárepinen ajıratılǵan bahalı sawǵaları, Qaraqalpaqstan Respublikası Joqarǵı Keńesi, Ministrler Keńesi, Arqa-batıs áskeriy okrugi, Nókis qalası hákimligi hám bir qatar shólkemler atınan bahalı sawǵalar tapsırıldı.
Qaraqalpaqstan Respublikası Joqarǵı Keńesiniń Málimleme xızmeti