Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ullı Britaniyanıń Ózbekstandaǵı ayrıqsha hám tolıq huqıqlı elshisin qabılladı

Búgin Ullı Britaniyanıń Ózbekstandaǵı ayrıqsha hám tolıq huqıqlı elshisi Tim Torlou Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń qabıllawında boldı.

  Qabıllawda Ullı Britaniya hám Ózbekstan Respublikası arasındaǵı siyasiy, sawda, ekonomikalıq, mádeniy, gumanitarlıq hám basqa da tarawlardaǵı óz-ara birge islesiwler nátiyjesinde bir qatar joybarlar ámelge asırılıp atırǵanlıǵı hám usı tiykarda Qaraqalpaqstan Respublikası menen de birge islesiwler jolǵa qoyılǵanlıǵı atap ótildi. Sonday-aq, búgingi kúnde elimizde alıp barılıp atırǵan jumıslar, keń kólemli reformalar, Qaraqalpaqstan xalqı turmısın jaqsılaw baǵdarındaǵı orınlanıp atırǵan ámeliy wazıypalar, usılar menen birge, Aralboyı aymaǵınıń sociallıq-ekonomikalıq jaǵdayın jaqsılaw, Aral apatshılıǵı aqıbetlerin jumsartıw, aymaqta jasawshı puqaralardıń densawlıǵın bekkemlew hám basqa da usı sıyaqlı áhmiyetli jónelisler boyınsha salmaqlı jumıslar hám turmıslıq reformalar ámelge asırılıp atırǵanlıǵı sóz etildi. Sonıń menen birge, birgelikte ámelge asırılıp atırǵan jumıslardı bunnan-bılay da rawajlandırıw baǵdarında áhmiyetli máseleler sóz etildi. Óz náwbetinde, Qaraqalpaqstan Respublikası Joqarǵı Keńesiniń Baslıǵı Amanbay Orınbaev miymanlardıń keliwinen minnetdar ekenligin bildirip, birge islesiwdi jolǵa qoyıwda jańa baslamalardı qollap-quwatlaytuǵınlıǵın aytıp ótti.

Qaraqalpaqstan Respublikası Joqarǵı Keńesiniń Málimleme xızmeti