Kámbaǵallıqtı qısqartıw, jańa jumıs orınların jaratıw hám xalıqtıń bántligin támiyinlew sıyaqlı bir qatar máseleler sın kóz qarasta talqılandı
1619
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev kámbaǵallıqtı qısqartıw, jańa jumıs orınların jaratıw hám xalıqtıń bántligin támiyinlew, mámleketlik aktivlerden natiyjeli paydalanıwdı jolǵa qoyıw sıyaqlı bir qatar máselelerge arnalǵan videoselektor májilisin ótkerdi. Onda Qaraqalpaqstan Respublikası Ministrler Keńesiniń Baslıǵı F.Ermanov qatnastı. Ótkerilgen májiliste búgingi kúnde respublikamız aymaǵında kámbaǵallıqtı qısqartıw, jańa jumıs orınların jaratıw arqalı xalıqtıń bántligin támiyinlew, jumıssız puqaralar, jaslar, hayal-qızlardı kásip-ónerge oqıtıw, usı jóneliste mono oraylar is-háreketin jedellestiriw máseleleri qarap shıǵıldı. Atap ótilgenindey, kámbaǵallıqtı qısqartıw hám xalıqtıń bántligin támiyinlew baǵdarında qala hám rayonlarda ótkerilgen májilislerde belgilep berilgen wazıypalar shenberinde shańaraqlıq isbilermenlikti jolǵa qoyıw baǵdarlaması tiykarında usı kúnge shekem Respublika boyınsha belgilengen kreditlerdiń tek ǵana 32,7 procenti ózlestirilgen. Usı tiykarda mashqalalı kredit muǵdarı jıl basına salıstırǵanda 9,2 mlrd. sumǵa ósken. Reje-grafikler tiykarında yanvar-may aylarına kishi biznes subektlerin ashıw boyınsha belgilengen rejege salıstırǵanda búgingi kúnge 813 subekt ashılmaǵan. Prezident qararı menen 2022-2024 jıllarda jumıstı úyde bólip alıp islew boyınsha jámi 52 mikro-oraydı shólkemlestiriliw belgilengen bolıp, bıyılǵı jıldıń mart ayında ashılıwı belgilengen 4 mikro-oray ashılmaǵan.
2022-jıldıń 4-sheregi hám 2023-jıldıń 1-shereginde hár bir basshı tárepinen kishi joybarlardı iske túsiriw boyınsha berilgen tapsırma tiykarında búgingi kúnde ulıwma bahası 691,1 mlrd. sumlıq 832 joybar iske túsirildi hám 5 780 jumıs ornı jaratıldı. Biraq, búgingi kúnde 110,4 mlrd. sumlıq 39 proekt iske túspegen, nátiyjede rejedegi 447 jumıs ornı jaratılmaǵan. 2023-jıl yanvar-aprel ayları dawamında Qaraqalpaqstan Respublikası boyınsha jumıssız puqaralardı kásipke tayarlaw hám olardıń mamanlıǵın arttırıw parametrleriniń orınlanıwı búgingi kún talabına juwap bermeydi. Sonday-aq, májilis dawamında jer menen baylanıslı nızambuzıwshılıq jaǵdayların anıqlaw hám onıń aldın alıw, kóshpes múlkke bolǵan huqıqlardı mámleketlik dizimnen ótkeriw, Byudjetten tısqarı Pensiya qorı Qaraqalpaqstan Respublikası basqarması tárepinen ámelge asırılıp atırǵan jumıslar hám basqa da bir qatar áhmiyetli máseleler kórip shıǵıldı.
Házirgi waqıtta bos turǵan hám qosımsha jámi 114 mámleketlik aktivlerdi satıw belgilengen bolsa da, búgingi kúnge shekem 88 obekt satılmaǵan. Eń kóp Qońırat rayonında 20 obekt satılıwı támiyinlenbegen. Kadastr agentligi Qaraqalpaqstan Respublikası qala hám rayon bólimleri tárepinen 2023 jıldıń ótken 4 ayı dawamında aymaqlarda ótkerilgen jer kadaǵalaw jumıslarında 399 jaǵdayda 431,2 gektar jer maydanları ózbasımshalıq penen iyelew halatları anıqlanıp, házirgi waqıtta bul nızambuzıwshılıq jaǵdayları saplastırılmaqta. Qaraqalpaqstan Respublikası boyınsha jıl basınan berli yuridikalıq hújjeti bolsa da mámleketlik dizimnen ótpegen jámi 31 mıń 496 kóshpes múlk obekti bolǵan bolsa, sonnan házirgi kúnge shekem 4 mıń 776 obekt mámleketlik dizimnen ótkerildi. Respublikamızda 15.05.2023-jıl halatına 26 mıń 720 dana kóshpes múlk obekti mámleketlik dizimnen ótpesten qalmaqta.
Ótkerilgen májiste usı sıyaqlı bir qatar áhmiyetli máseleler talqılandı. Sonday-aq, óz jumısın orınlawda qáte-kemshiliklerge jol qoyǵanı hám belgilengen tapsırmalardı orınlawda nemquraydılıq penen qaraǵanı ushın: Qaraqalpaqstan Respublikası Ministrler Keńesi Baslıǵına Ministrler Keńesiniń Finans, ekonomika hám kámbaǵallıqtı qısqartıw máseleleri boyınsha birinshi orınbasarı hám Kegeyli rayonı hákimin intizamıy jazaǵa tartıw boyınsha tiyisli usınıs beriw tapsırıldı.
Ministrler Keńesiniń ekonomika hám isbilermenlik máseleleri boyınsha sekretariyatı baslıǵı, Nókis qalası, Qońırat hám Xojeli rayonları hákimleriniń finans-ekonomika hám kambaǵallıqtı qısqartıw máseleleri boyınsha birinshi orınbasarlarına intizamıy jaza sharası qollanıldı. Sonıń menen birge, Ámiwdárya rayonı hákiminiń jaslar siyasatı, sociallıq rawajlandırıw hám ruwxıy-aǵartıwshılıq máseleleri boyınsha orınbasarı hám rayon hákiminiń orınbasarı – hayal-qızlar bóliminiń baslıǵı intizamıy jazaǵa tartıldı. Nókis qalası hám basqa barlıq rayon hákimleriniń usı lawazımlardaǵı orınbasarlarına intizamıy jaza qollaw máselesin kórip shıǵıp, usınıs bildiriw Ministrler Keńesiniń Baslıǵına tapsırıldı.
2022-jıldıń 4-sheregi hám 2023-jıldıń 1-shereginde hár bir basshı tárepinen kishi joybarlardı iske túsiriw boyınsha berilgen tapsırma tiykarında búgingi kúnde ulıwma bahası 691,1 mlrd. sumlıq 832 joybar iske túsirildi hám 5 780 jumıs ornı jaratıldı. Biraq, búgingi kúnde 110,4 mlrd. sumlıq 39 proekt iske túspegen, nátiyjede rejedegi 447 jumıs ornı jaratılmaǵan. 2023-jıl yanvar-aprel ayları dawamında Qaraqalpaqstan Respublikası boyınsha jumıssız puqaralardı kásipke tayarlaw hám olardıń mamanlıǵın arttırıw parametrleriniń orınlanıwı búgingi kún talabına juwap bermeydi. Sonday-aq, májilis dawamında jer menen baylanıslı nızambuzıwshılıq jaǵdayların anıqlaw hám onıń aldın alıw, kóshpes múlkke bolǵan huqıqlardı mámleketlik dizimnen ótkeriw, Byudjetten tısqarı Pensiya qorı Qaraqalpaqstan Respublikası basqarması tárepinen ámelge asırılıp atırǵan jumıslar hám basqa da bir qatar áhmiyetli máseleler kórip shıǵıldı.
Házirgi waqıtta bos turǵan hám qosımsha jámi 114 mámleketlik aktivlerdi satıw belgilengen bolsa da, búgingi kúnge shekem 88 obekt satılmaǵan. Eń kóp Qońırat rayonında 20 obekt satılıwı támiyinlenbegen. Kadastr agentligi Qaraqalpaqstan Respublikası qala hám rayon bólimleri tárepinen 2023 jıldıń ótken 4 ayı dawamında aymaqlarda ótkerilgen jer kadaǵalaw jumıslarında 399 jaǵdayda 431,2 gektar jer maydanları ózbasımshalıq penen iyelew halatları anıqlanıp, házirgi waqıtta bul nızambuzıwshılıq jaǵdayları saplastırılmaqta. Qaraqalpaqstan Respublikası boyınsha jıl basınan berli yuridikalıq hújjeti bolsa da mámleketlik dizimnen ótpegen jámi 31 mıń 496 kóshpes múlk obekti bolǵan bolsa, sonnan házirgi kúnge shekem 4 mıń 776 obekt mámleketlik dizimnen ótkerildi. Respublikamızda 15.05.2023-jıl halatına 26 mıń 720 dana kóshpes múlk obekti mámleketlik dizimnen ótpesten qalmaqta.
Ótkerilgen májiste usı sıyaqlı bir qatar áhmiyetli máseleler talqılandı. Sonday-aq, óz jumısın orınlawda qáte-kemshiliklerge jol qoyǵanı hám belgilengen tapsırmalardı orınlawda nemquraydılıq penen qaraǵanı ushın: Qaraqalpaqstan Respublikası Ministrler Keńesi Baslıǵına Ministrler Keńesiniń Finans, ekonomika hám kámbaǵallıqtı qısqartıw máseleleri boyınsha birinshi orınbasarı hám Kegeyli rayonı hákimin intizamıy jazaǵa tartıw boyınsha tiyisli usınıs beriw tapsırıldı.
Ministrler Keńesiniń ekonomika hám isbilermenlik máseleleri boyınsha sekretariyatı baslıǵı, Nókis qalası, Qońırat hám Xojeli rayonları hákimleriniń finans-ekonomika hám kambaǵallıqtı qısqartıw máseleleri boyınsha birinshi orınbasarlarına intizamıy jaza sharası qollanıldı. Sonıń menen birge, Ámiwdárya rayonı hákiminiń jaslar siyasatı, sociallıq rawajlandırıw hám ruwxıy-aǵartıwshılıq máseleleri boyınsha orınbasarı hám rayon hákiminiń orınbasarı – hayal-qızlar bóliminiń baslıǵı intizamıy jazaǵa tartıldı. Nókis qalası hám basqa barlıq rayon hákimleriniń usı lawazımlardaǵı orınbasarlarına intizamıy jaza qollaw máselesin kórip shıǵıp, usınıs bildiriw Ministrler Keńesiniń Baslıǵına tapsırıldı.
Qaraqalpaqstan Respublikası Joqarǵı Keńesiniń Málimleme xızmeti