Joqarı dárejedegi sóylesiwler juwmaqlanǵannan keyin, eki tárepleme hújjetlerge qol qoyıw máresimi bolıp ótti.
Ózbekstan Respublikası Prezidenti Shavkat Mirziyoev hám Qıtay Xalıq Respublikasınıń Basshısı Si Czinpin Birgeliktegi bildiriwge qol qoydı hám 2023-2027-jıllarǵa mólsherlengen Ózbekstan Respublikası menen Qıtay Xalıq Respublikası arasında jańa dáwirdegi hár tárepleme strategiyalıq sheriklikti rawajlandırıw baǵdarlamasın qabıl etti.
Jetekshiler janında tómendegi hújjetlerge qol qoyıldı:
– Ózbekstan Respublikası Húkimeti menen Qıtay Xalıq Respublikası Húkimeti arasında texnikalıq-ekonomikalıq birge islesiw haqqındaǵı kelisim;
– Ózbekstan Respublikası Húkimeti menen Qıtay Xalıq Respublikası Húkimeti arasında Birge islesiw boyınsha ózbek-qıtay húkimetleraralıq komitetin dúziw haqqındaǵı Kelisimge ózgerisler hám qosımshalar kirgiziw haqqındaǵı protokol;
– Ózbekstan Respublikası Húkimeti menen Qıtay Xalıq Respublikası Húkimeti arasında orta bilim beriw mektepleriniń potencialın rawajlandırıw boyınsha joybardı ámelge asırıw haqqındaǵı kelisim;
– Ózbekstan Respublikası Awıl xojalıǵı ministrligi menen Qıtay Xalıq Respublikası Bajıxana bas hákimshiligi arasında qus góshin jetkerip beriwde karantin hám veterinariyalıq-sanitariyalıq talaplar haqqındaǵı protokol;
– Ózbekstan Respublikası Awıl xojalıǵı ministrligi menen Qıtay Xalıq Respublikası Bajıxana bas hákimshiligi arasında Ózbekstannan Qıtayǵa júzim eksport etiwde fitosanitariyalıq talaplar hám qadaǵalaw haqqındaǵı protokol;
– Ózbekstan Respublikası Ekonomika hám qarjı ministrligi janındaǵı Bajıxana komiteti menen Qıtay Xalıq Respublikası Bajıxana bas hákimshiligi arasında wákillikli ekonomikalıq operatorlar baǵdarlamaların óz-ara tán alıw haqqındaǵı kelisim;
– Ózbekstan Respublikası Investiciyalar, sanaat hám sawda ministrligi menen Qıtay Xalıq Respublikası Kommerciyalıq ministrligi arasında tiykarǵı investiciyalıq joybarlardı alǵa qoyıw boyınsha túsinisiw memorandumı;
– Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentligi menen Qıtay Xalıq Respublikası Mámleketlik keńes Baspasóz kancelyariyası arasında ǵalaba xabar quralları tarawında birge islesiw haqqındaǵı túsinisiw memorandumı;
– 2023-2024-jıllarǵa mólsherlengen Ózbekstan Respublikası Sırtqı isler ministrligi menen Qıtay Xalıq Respublikası Sırtqı isler ministrligi arasında birge islesiw baǵdarlaması;
– Tashkent qalası hám Sichuan provinciyası arasında sheriklik baylanısların ornatıw haqqındaǵı kelisim;
– Sırdárya wálayatı hám Shensi provinciyası arasında sheriklik baylanısların ornatıw haqqındaǵı kelisim;
– Samarqand wálayatı hám Shensi provinciyası arasında sheriklik baylanısların ornatıw haqqındaǵı kelisim;
Bunnan tısqarı, tómendegi áhmiyetli ekonomikalıq kelisimlerge qol qoyıldı.
– elektr uzatıw liniyaları hám kishi stanciyalardı qurıw joybarın qarjılandırıw haqqında;
– multimodal logistika orayın shólkemlestiriw haqqında;
– «Ózbekstan temir jolları» AJ lokomotivler parkin jańalaw hám modernizaciyalaw haqqında;
– Ózbekstan – Qıtay agrosanaat parkin shólkemlestiriw haqqında;
– Agroinnovaciyalıq parkin shólkemlestiriw haqqında;
– Ózbekstan – Qıtay biotexnologiyalıq klasterdi shólkemlestiriw haqqında;
– «Ózbektelekom» AKniń telekommunikaciya infrastrukturasın bunnan bılay da keńeytiw haqqında;
– «EXEED» kompaniyası menen birgelikte zamanagóy avtomobiller islep shıǵarıw haqqında;
– «BYD Auto Industry» kompaniyası menen birgelikte elektr hám gibrid avtomobiller islep shıǵarıw haqqında;
– «Ózbekstan milliy banki» AJ menen «Qıtay Eksim banki» arasında kredit liniyaların tartıw haqqında;
– «Ózbekstan milliy banki» AJ menen «Qıtay rawajlanıw mámleketlik banki» arasında kredit liniyaların tartıw haqqında;
– «China Export and insurance corporation» menen birge islesiw haqqında;
– Namangan wálayatında «Narın GES» kaskadın qurıw» hám Tashkent wálayatı Bostanlıq rayonında «Aygain GES kaskadın qurıw» joybarları texnikalıq-ekonomikalıq tiykarların tayarlaw haqqında;
– telekommunikaciya tarmaqların rawajlandırıw tarawında birge islesiw haqqında.
Sapar ilajları sheńberinde tarmaq memorandumlarına da qol qoyıldı:
– Ózbekstan Respublikası Mádeniyat hám turizm ministrligi janında sırt mámleketler menen milletleraralıq qatnasıqlar hám doslıq baylanıslar Komiteti menen Sırt mámleketler menen doslıq Shanxay xalıq associaciyası arasında;
– Ózbekstan Sawda-sanaat palatası menen Xalıqaralıq sawdaǵa járdem kórsetiw boyınsha Qıtay keńesi arasında kommerciyalıq huqıq tarawında birge islesiw boyınsha Ózbek-Qıtay komitetin dúziw haqqında;
– Ózbekstan Respublikası tovar-shiyki zat birjası menen Dalyan tovar birjası arasında;
– Ózbekstan Qusshılıq associaciyası menen Qıtay Sharwashılıq associaciyası arasında qusshılıq tarawında birge islesiw haqqında;
– Ózbekstan Respublikası «Ózbılǵarısanaat» associaciyası menen Qıtay bılǵarı sanaat boyınsha birge islesiw associaciyası arasında;
– Tashkent mámleketlik shıǵıstanıw universiteti menen Pekin shet tilleri hám mádeniyat universiteti arasında;
– Tashkent mámleketlik shıǵıstanıw universiteti menen Lyaonin pedagogika universiteti arasında;
– Samarqand xalıqaralıq texnologiyalar universiteti menen Tyanczin ilim hám texnika universiteti arasında;
– Samarqand xalıqaralıq texnologiyalar universiteti menen Arqa-shıǵıs elektroenergetika universiteti arasında;
– Jáhán ekonomika hám diplomatiya universiteti menen Shanxay universiteti arasında.
Sapar etiw sheńberinde eki mámleket arasındaǵı hár tárepleme strategiyalıq sheriklik qatnasıqların jáne de bekkemlew hám ámeliy birge islesiwdi keńeytiwge qaratılǵan jámi 41 hújjetke qol qoyıldı.
Sian qalasındaǵı Tan dinastiyası parkinde «Oraylıq Aziya – Qıtay» birinshi sammitinde qatnasıp atırǵan mámleketlerdiń basshıların rásmiy kútip alıw máresimi bolıp ótti.
Ózbekstan Respublikası Prezidenti Shavkat Mirziyoev hám zayıbın Qıtay Xalıq Respublikası Basshısı Si Czinpin hám zayıbı saltanatlı túrde kútip aldı.
Máresimde Qazaqstan Respublikası Prezidenti Qasım-Jomart Toqaev, Qırǵız Respublikası Prezidenti Sadir Japarov hám zayıbı, Tájikstan Respublikası Prezidenti Emomali Rahmon hám Túrkmenstan Prezidenti Serdar Berdimuhamedov ta qatnastı. Birgelikte súwretke tústi.
Ullı mártebeli miymanlarǵa saray aldındaǵı maydanda Qıtaydıń bay tariyxı hám mádeniyatın ózinde sáwlelendirgen jarqın saxnalastırılǵan shıǵıwlar hám koncert baǵdarlaması kórsetildi.
Ózbekstan Respublikası Prezidenti Shavkat Mirziyoev, óz gezeginde, Qıtayǵa mámleketlik sapar menen keliw miráti hám kórsetilip atırǵan jıllı miymandoslıq ushın minnetdarshılıq bildirdi. Qıtay basshısın áhmiyetli siyasiy ilajlardıń tabıslı ótkerilgeni hám joqarı mámleketlik lawazımlarǵa qayta saylanǵanı menen qızǵın qutlıqladı.
Ózbekstan menen Qıtay arasındaǵı hár tárepleme strategiyalıq sheriklik qatnasıqlarınıń jańa dáwirinde áhmiyetli bolǵan máseleler tolıq dodalandı.
Erisilgen kelisimler izbe-iz ámelge asırılıp atırǵanı, barlıq dárejedegi óz-ara baylanıslar jedelleskeni, siyasiy sóylesiw bekkemlenip atırǵanı hám áhmiyetli máselelerde tárepler bir-birin qollap-quwatlap kiyatırǵanı ayrıqsha qanaatlanıwshılıq penen atap ótildi.
Kámbaǵallıqtı qısqartıw, sonıń ishinde, awıl xojalıǵı, jerden paydalanıw, kishi hám orta biznes, infrastrukturanı modernizaciyalaw, medicinalıq xızmettiń sapasın arttırıw hám professional bilimlendiriw tarawlarında sociallıq áhmiyetke iye joybarlardı ámelge asırıwda nátiyjeli tájiriybe almasıw hám áhmiyetli ilajlar kóriwge ayrıqsha itibar qaratıldı.
Sawda-ekonomikalıq tarawda óz-ara paydalı ámeliy birge islesiwdi keńeytiw perspektivaları tolıq kórip shıǵıldı. Bul, bárinen burın, zamanagóy sanaat quwatlılıqların qurıw, investiciyalıq hám joqarı texnologiyalıq kárxanalardı shólkemlestiriw baǵdarındaǵı qospa joybarlardı názerde tutadı.
Kúni keshe ótkerilgen biznes-forum juwmaǵında ulıwma bahası 25 milliard dollar muǵdarında perspektivalı joybarlardı ámelge asırıw boyınsha kelisimlerge qol qoyıldı hám kelisimlerge erisildi.
Alternativ energetikanı rawajlandırıw boyınsha quyash, samal hám suw elektr stanciyaların qurıw, quyash panelleri, elektr úskeneler, transformatorlar, akkumulyatorlar islep shıǵarıw, basqarıw processlerin sanlastırıw hám qánigelerdi tayarlaw baǵdarındaǵı joybarlardan ibarat investiciyalıq-texnologiyalıq birge islesiw baǵdarlamasın ámelge asırıwǵa ayrıqsha itibar qaratıldı.
Jańa áwlad avtomobillerin islep shıǵarıw tarawındaǵı kooperaciyanı keńeytiw – elektr hám gibrid avtotransport quralların jıynaw boyınsha zamanagóy zavodlardı iske qosıw imkaniyatları dodalandı.
Túrles tarmaqlardaǵı joybarlardı islep shıǵıw áhmiyetli ekeni atap ótildi. Atap aytqanda, mıs, litiy, siyrek ushırasatuǵın metallardı tereń qayta islew tiykarında elektrotexnika ónimlerin islep shıǵarıwshı joqarı texnologiyalıq klasterdi shólkemlestiriw usılardıń qatarına kiredi.
Bunnan tısqarı, plastmassalar, ximiyalıq ónimler, metall buyımlar, azıq-awqat, qurılıs materialları, tayar toqımashılıq ónimlerin islep shıǵarıw, biotexnologiyalar klasterin shólkemlestiriwde birge islesiwdi tereńlestiriw hám keńeytiwden mámleketlerimiz mápdar ekeni atap ótildi.
Qıtaydıń jetekshi bankleri hám «Jipek jolı» fondı, sonday-aq, Aziya infrastrukturalıq investiciyalar banki menen nátiyjeli finanslıq-texnikalıq birge islesiwdiń búgingi dárejesi joqarı bahalandı.
Eki mámleket aymaqlarınıń birge islesiw potencialın ámelge asırıw, sonıń ishinde, Sırdárya wálayatın «Aldınǵı texnologiyalar aymaǵı»na aylandırıw boyınsha qospa ilajlar belgilep alındı.
Jedel sóylesiwler hám aviaqatnawlardıń qayta tikleniwin esapqa alıp, bıyılǵı jılı Ózbekstanda eki mámleket qala hám aymaqlarınıń birinshi forumın ótkeriw máselesi úyreniledi.
Keyingi jıllarda eki esege kóbeygen óz-ara tovar almasıwdı arttırıw ushın maqsetli kórsetkishler hám tovarlar quramı belgilep alındı.
«Qıtay – Qırǵızstan – Ózbekstan» temir jolın qurıw boyınsha ámeliy jumıslardı tez pursatta baslaw áhmiyetli ekeni atap ótildi.
Gumanitar taraw dodalanıp, bilimlendiriw hám turizmde birge islesiwdi jedellestiriw, óz-ara mádeniyat, kórkem óner hám kino kúnlerin ótkeriw, dástúriy medicina, kóz hám basqa da túrdegi keselliklerdi emlew, vakcina hám farmacevtikalıq ónimler islep shıǵarıw baǵdarındaǵı baǵdarlamalardı ámelge asırıw zárúr ekeni haqqında birdey pikir bildirildi.
Regionallıq kún tártibi hám xalıqaralıq siyasattıń áhmiyetli máseleleri boyınsha da pikir alısıldı.
Ushırasıw hár qashanǵıday isenim, ashıq-aydınlıq hám doslıq ruwxında ótti. Ózbekstan jetekshisi Qıtay basshısın mámleketimizge sapar menen keliwge mirát etti. Mirát minnetdarshılıq penen qabıl etildi.
Ózbekstan Respublikası Prezidenti Shavkat Mirziyoev hám Qıtay Xalıq Respublikasınıń Basshısı Si Czinpin Birgeliktegi bildiriwge qol qoydı hám 2023-2027-jıllarǵa mólsherlengen Ózbekstan Respublikası menen Qıtay Xalıq Respublikası arasında jańa dáwirdegi hár tárepleme strategiyalıq sheriklikti rawajlandırıw baǵdarlamasın qabıl etti.
Ózbekstan Respublikası Prezidenti Shavkat Mirziyoev hám zayıbın Qıtay Xalıq Respublikası Basshısı Si Czinpin hám zayıbı saltanatlı túrde kútip aldı.
Ózbekstan menen Tájikstan arasındaǵı kóp táreplemeli birge islesiwdi bunnan bılay da rawajlandırıw, strategiyalıq sheriklik hám awqamlaslıq qatnasıqların keńeytiwdiń áhmiyetli máseleleri kórip shıǵıldı.
Jetekshiler ekonomikalıq birge islesiw boyınsha Húkimetleraralıq qospa komissiyasınıń 12-may kúni Tashkent qalasında ótken gezektegi májilistiń nátiyjeli juwmaqların joqarı bahaladı.
Óz-ara tovar almasıw kólemin arttırıw hám sanaat kooperaciyası joybarların, sonıń ishinde, energetika, mashina qurılısı, awıl xojalıǵı, transport-kommunikaciya hám basqa da tarmaqlarda alǵa qoyıw boyınsha qabıl etilgen qararlardı ámelde orınlaw áhmiyetli ekeni atap ótildi.
Ózbekstan hám Tájikstan basshıları regionallıq kún tártibindegi áhmiyetli máseleler boyınsha da pikir alıstı, bolajaq ilajlar rejesin kórip shıqtı.