Joqarǵı Keńes Baslıǵı isbilermenler menen ushırastı
962
Qaraqalpaqstan Respublikası Joqarǵı Keńesiniń Baslıǵı Amanbay Orınbaev elimizde biznes ortalıǵın jaqsılaw, isbilermenlikti hám islep shıǵarıwdı rawajlandırıw baǵdarında usınıslardı tıńlaw maqsetinde respublikamız aymaǵında jumıs alıp barıp atırǵan isbilermenler menen ushırastı.
Onda bir qatar isbilermenlik subektleri basqarıwshıları, tiyisli taraw wákilleri, kommercialıq bank basshıları qatnastı.
Ushırasıwda Joqarǵı Keńes Baslıǵı shıǵıp sóylep, respublikamız aymaǵında isbilermenlik subektleri jumısların ele de rawajlandırıw, olardıń erkin jumıs alıp barıwın támiyinlew hám baslamaların hár tárepleme qollap-quwatlaw, sonday-aq, bar bolǵan sistemalı mashqalalardı saplastırıw ilajların kóriw boyınsha hár qanday pikir-usınıslar tıńlanatuǵınlıǵı hám sheshimin tabıw boyınsha tiyisli ilajlar kóriletuǵınlıǵın atap ótti.
Ushırasıw dawamında isbilermenlik subektleri basqarıwshıları tárepinen isbilermenlikti rawajlandırıw baǵdarında bir qatar áhmiyetli, álbette, qollap-quwatlanıwı tiyis máseleler kóterildi.
Bul baǵdarda bank kreditleri menen baylanıslı máseleler, ónimlerdi eksportqa baǵdarlawdı keńeytiw, logistika jónelisin rawajlandırıw sıyaqlı mashqalalar atap ótildi.
Máselen, Nókis qalası “Mebel orayı” JShJ baslıǵı eksport-import qılıw tártipleri haqqındaǵı túsiniklerdi isbilermenlerge kúndelikli túrde jetkerip barılıwı, investorlarǵa itibar qaratıw, olar ushın Qaraqalpaqstan Respublikası Joqarǵı Keńesi janınan Isenim telefonları shólkemlestiriw boyınsha usınıs bildirdi.
Sonday-aq, “Kamolot tekstil” JShJ baslıǵı 0 bahada balansqa alınǵan imaratın menshiklestiriw máselesindegi, sonday-aq kóplegen qala hám rayon aymaǵında jumıs alıp barıp atırǵan isbilermenlerdiń bank kreditleri ajıratılıw tártibi, girewsiz hámde uzaq múddetke ajıratılıwın jánede ápiwaylastırıw boyınsha usınıs bildirdi.
Óz náwbetinde Joqarǵı Keńes Baslıǵı elimizde islep shıǵarıw hám isbilermenlikti rawajlandırıw, qolaylı biznes ortalıǵın ele de jaqsılaw boyınsha ámelge asırılıwı tiyis ilajlardıń barlıǵı kóriletuǵınlıǵı, hár bir usınıs itibardan shette qalmaytuǵınlıǵın bildirdi.
Ushırasıw dawamında taraw basshılarına bildirilgen usınıslardı úyrenip shıǵıw hám tiyisli tártipte sheshimin tabıw boyınsha tapsırmalar berildi.
Ushırasıwda Joqarǵı Keńes Baslıǵı shıǵıp sóylep, respublikamız aymaǵında isbilermenlik subektleri jumısların ele de rawajlandırıw, olardıń erkin jumıs alıp barıwın támiyinlew hám baslamaların hár tárepleme qollap-quwatlaw, sonday-aq, bar bolǵan sistemalı mashqalalardı saplastırıw ilajların kóriw boyınsha hár qanday pikir-usınıslar tıńlanatuǵınlıǵı hám sheshimin tabıw boyınsha tiyisli ilajlar kóriletuǵınlıǵın atap ótti.
Ushırasıw dawamında isbilermenlik subektleri basqarıwshıları tárepinen isbilermenlikti rawajlandırıw baǵdarında bir qatar áhmiyetli, álbette, qollap-quwatlanıwı tiyis máseleler kóterildi.
Qaraqalpaqstan Respublikası Joqarǵı Keńesiniń Málimleme xızmeti