Qaraqalpaqstan Respublikası Joqarǵı Keńesiniń Baslıǵı Amanbay Orınbaev Germaniya Federativ Respublikasınıń Ózbekstandaǵı ayrıqsha hám tolıq huqıqlı elshisi menen ushırastı
869
Búgin Germaniya Federativ Respublikasınıń Ózbekstandaǵı ayrıqsha hám tolıq huqıqlı elshisi Tilo Klinner Qaraqalpaqstan Respublikası Joqarǵı Keńesiniń Baslıǵı Amanbay Orınbaev penen ushırastı.
Ushırasıwda Germaniya Federativ Respublikası hám Ózbekstan Respublikası arasındaǵı óz-ara birge islesiwler nátiyjesinde bir qatar kólemli jumıslar ámelge asırılıp atırǵanlıǵı hám usı tiykarda Qaraqalpaqstan Respublikası menen de birge islesiwler jolǵa qoyılǵanlıǵı atap ótildi.
Sonday-aq, Joqarǵı Keńes Baslıǵı Prezidentimiz basshılıǵında búgingi kúnde elimizde alıp barılıp atırǵan jumıslar, keń kólemli reformalar, Qaraqalpaqstan xalqı turmısın jaqsılaw baǵdarındaǵı orınlanıp atırǵan ámeliy wazıypalar, Aralboyı aymaǵın sociallıq-ekonomikalıq jaqtan rawajlandırıw, Aral apatshılıǵı aqıbetlerin jumsartıw hám usı sıyaqlı áhmiyetli jónelisler boyınsha salmaqlı jumıslar hám turmıslıq reformalar ámelge asırılıp atırǵanlıǵı haqqında atap ótti.
Sonıń menen birge, Germaniya mámleketiniń qatnasıwındaǵı joybarlar tiykarında Qaraqalpaqstanda da salmaqlı jumıslar ámelge asırılǵanlıǵı ayrıqsha tilge alındı.
Ushırasıwda Germaniya mámleketi hám Ózbekstan, sonıń ishinde Qaraqalpaqstan Respublikası menen sociallıq-ekonomikalıq, sonday-aq, mádeniy baylanıslardı ele de bekkemlew hám rawajlandırıw máseleleri sóz etildi.
Usı tiykarda respublikamızdaǵı investiciyalıq joybarlardı ámelge asırıw hám investiciyalıq tartımlılıqtı arttırıw baǵdarındaǵı alıp barılıp atırǵan jumıslar menen keńnen tanıstırıp ótildi.
Elshi tárepinen elimizde bir qatar joybarlardı iske túsiriw boyınsha pikir-usınıslar bildirildi.
Óz náwbetinde, Qaraqalpaqstan Respublikası Joqarǵı Keńesiniń Baslıǵı Amanbay Orınbaev húrmetli miymannıń respublikamızǵa bolǵan saparınan minnetdar ekenligin bildirip, birge islesiwdi jolǵa qoyıwda jańa baslamalardı qollap-quwatlaytuǵınlıǵın aytıp ótti.
Ushırasıwda Germaniya Federativ Respublikası hám Ózbekstan Respublikası arasındaǵı óz-ara birge islesiwler nátiyjesinde bir qatar kólemli jumıslar ámelge asırılıp atırǵanlıǵı hám usı tiykarda Qaraqalpaqstan Respublikası menen de birge islesiwler jolǵa qoyılǵanlıǵı atap ótildi.
Sonday-aq, Joqarǵı Keńes Baslıǵı Prezidentimiz basshılıǵında búgingi kúnde elimizde alıp barılıp atırǵan jumıslar, keń kólemli reformalar, Qaraqalpaqstan xalqı turmısın jaqsılaw baǵdarındaǵı orınlanıp atırǵan ámeliy wazıypalar, Aralboyı aymaǵın sociallıq-ekonomikalıq jaqtan rawajlandırıw, Aral apatshılıǵı aqıbetlerin jumsartıw hám usı sıyaqlı áhmiyetli jónelisler boyınsha salmaqlı jumıslar hám turmıslıq reformalar ámelge asırılıp atırǵanlıǵı haqqında atap ótti.
Sonıń menen birge, Germaniya mámleketiniń qatnasıwındaǵı joybarlar tiykarında Qaraqalpaqstanda da salmaqlı jumıslar ámelge asırılǵanlıǵı ayrıqsha tilge alındı.
Ushırasıwda Germaniya mámleketi hám Ózbekstan, sonıń ishinde Qaraqalpaqstan Respublikası menen sociallıq-ekonomikalıq, sonday-aq, mádeniy baylanıslardı ele de bekkemlew hám rawajlandırıw máseleleri sóz etildi.
Usı tiykarda respublikamızdaǵı investiciyalıq joybarlardı ámelge asırıw hám investiciyalıq tartımlılıqtı arttırıw baǵdarındaǵı alıp barılıp atırǵan jumıslar menen keńnen tanıstırıp ótildi.
Elshi tárepinen elimizde bir qatar joybarlardı iske túsiriw boyınsha pikir-usınıslar bildirildi.
Óz náwbetinde, Qaraqalpaqstan Respublikası Joqarǵı Keńesiniń Baslıǵı Amanbay Orınbaev húrmetli miymannıń respublikamızǵa bolǵan saparınan minnetdar ekenligin bildirip, birge islesiwdi jolǵa qoyıwda jańa baslamalardı qollap-quwatlaytuǵınlıǵın aytıp ótti.
Qaraqalpaqstan Respublikası Joqarǵı Keńesiniń Málimleme xızmeti