Bilimlendiriw, ilim izertlew hám innovaciyalar máselelerine dodalandı
1462
Qaraqalpaqstan Respublikası Joqarǵı Keńesiniń Baslıǵı Amanbay Orınbaev bilimlendiriw, ilim izertlew hám innovaciyalar máselelerine arnalǵan videoselektor májilisin ótkerdi.
Onda Qaraqalpaqstan Respublikası Ministrler Keńesiniń Baslıǵı F.Ermanov qatnastı.
Sonǵı jılları mámleketimizde bilimlendiriw tarawın rawajlandırıw, mektepke shekemgi, mektep bilimlendiriwi tarawın qollap-quwatlaw, joqarı maǵlıwmatlı maman qánigelerdi jetilistirip shıǵarıw, tarawǵa innovaciyalıq ideyalardı keńnen tartıw baǵdarında bir qatar jumıslar ámelge asırılıp atır.
Mámleketimiz tárepinen usınshama itibar hám ǵamqorlıq kórsetilip atırǵan bolsa da, tarawdı rawajlandırıw baǵdarında ele de ámelge asırılıwı tiyis wazıypalar kóp hám bul baǵdarda orınlarda ayırım qáte-kemshiliklerge jol qoyılıwı jaǵdayları ushırasıp atır. Ótkerilgen májiliste tarawlardaǵı bir qatar kemshilikler sınǵa alındı.
Atap aytqanda, mektepke shekemgi bilimlendiriw tarawında alıp barılıp atırǵan jumıslar talap dárejesinde emesligi atap ótildi.
Búgingi kúnde balalardı baqshalarǵa qamtıp alıw dárejesi ayırım rayonlarda tómen dárejede. Bunnan tısqarı, balalar baqshalarındaǵı pedagog-kadrlardıń joqarı maǵlıwmatqa iye emesligi jaǵdayları da ushırasıp atır.
Mektep bilimlendiriwi baǵdarında 2022-jıl avgust-dekabr aylarında ótkerilgen ulıwma bilim beriw mekteplerindegi pedagog kadrlar attestaciyası juwmaǵında qánige kategoriyalarına iye bolmaǵan pedagoglar úlesi boyınsha eń tómen kórsetkish Taxtakópir, Tórtkúl hám Moynaq rayonlarına tuwra kelmekte. Sonday-aq, ulıwma bilim beriw mekteplerinde balalarǵa tálim-tárbiya berip atırǵan pedagoglardan kategoriyaǵa iye bolıw dárejesi, joqarıdaǵılar menen bir qatarda, búgingi kúnde mekteplerdegi shet tili páni muǵallimlerinen milliy hám xalıq aralıq sertifikatqa iye bolıwı máselesi de talap dárejesinde orınlanbastan qalmaqta.
Bunnan tısqarı, oqıwshı jaslar arasında jınayatshılıq, huqıqbuzarlıq jaǵdaylarınıń júz beriwi de kóbeygen. Atap aytqanda, usı jıldıń ótken 4 ayı dawamında jas óspirimler tárepinen 15 jınayat júz berip, ótken jıldıń usı dáwirine salıstırǵanda 6 jınayatqa kóbeygen.
Xalıq bilimlendiriwi tarawı xızmetkerleriniń tájiriybesin arttırıw boyınsha Beruniy, Taxtakópir, Moynaq hám Bozataw rayonlarında belgilengen reje orınlanbaǵan hám pedogog-kadrlar oqıtılıwı tolıq támiyinlenbegen.
Búgingi kúnde orta arnawlı hám professional oqıw orınlarınan 116 oqıtıwshı tájiriybesin arttırıw kurslarınan ótpegen.
Húrmetli Prezidentimiz tárepinen ilimdi rawajlandırıw, ilimpazlardı hár tárepleme qollap-quwatlawǵa ayrıqsha itibar qaratılıp, bul baǵdarda keń kólemli jumıslar ámelge asırılmaqta. Biraq, Ózbekstan Ilimler akademiyası Qaraqalpaqstan bólimi ilimpazları ózlerine júkletilgen wazıypalardı tolıq ámelge asıra almay atır.
Májilis dawamında joqarı oqıw orınlarındaǵı baslı mashqalalardan biri - bul studentlerdiń jataqxana menen támiyinleniw dárejesi ekenligi, Ózbekstan Respublikası Ministrler Kabinetiniń arnawlı qararı tiykarında 2023-jılda mámleketlik jeke-menshik sheriklik tiykarında joqarı oqıw orınlarında 7 jataqxana qurılıwı belgilengeni atap ótildi. Usıǵan qaramay, búgingi kúnge shekem tek ǵana 2 joqarı oqıw ornında ǵana qurılıs jumısları baslanıp, qalǵan orınlarda bul jumıslar nátiyjeli shólkemlestirilmegeni sınǵa alındı.
Ótkerilgen májilis juwmaǵında juwapkerlerge jol qoyılǵan qáte-kemshiliklerdi saplastırıw boyınsha tapsırma berilip, wazıypalar belgilep alındı.
Sonǵı jılları mámleketimizde bilimlendiriw tarawın rawajlandırıw, mektepke shekemgi, mektep bilimlendiriwi tarawın qollap-quwatlaw, joqarı maǵlıwmatlı maman qánigelerdi jetilistirip shıǵarıw, tarawǵa innovaciyalıq ideyalardı keńnen tartıw baǵdarında bir qatar jumıslar ámelge asırılıp atır.
Mámleketimiz tárepinen usınshama itibar hám ǵamqorlıq kórsetilip atırǵan bolsa da, tarawdı rawajlandırıw baǵdarında ele de ámelge asırılıwı tiyis wazıypalar kóp hám bul baǵdarda orınlarda ayırım qáte-kemshiliklerge jol qoyılıwı jaǵdayları ushırasıp atır. Ótkerilgen májiliste tarawlardaǵı bir qatar kemshilikler sınǵa alındı.
Bunnan tısqarı, oqıwshı jaslar arasında jınayatshılıq, huqıqbuzarlıq jaǵdaylarınıń júz beriwi de kóbeygen. Atap aytqanda, usı jıldıń ótken 4 ayı dawamında jas óspirimler tárepinen 15 jınayat júz berip, ótken jıldıń usı dáwirine salıstırǵanda 6 jınayatqa kóbeygen.
Xalıq bilimlendiriwi tarawı xızmetkerleriniń tájiriybesin arttırıw boyınsha Beruniy, Taxtakópir, Moynaq hám Bozataw rayonlarında belgilengen reje orınlanbaǵan hám pedogog-kadrlar oqıtılıwı tolıq támiyinlenbegen.
Búgingi kúnde orta arnawlı hám professional oqıw orınlarınan 116 oqıtıwshı tájiriybesin arttırıw kurslarınan ótpegen.
Húrmetli Prezidentimiz tárepinen ilimdi rawajlandırıw, ilimpazlardı hár tárepleme qollap-quwatlawǵa ayrıqsha itibar qaratılıp, bul baǵdarda keń kólemli jumıslar ámelge asırılmaqta. Biraq, Ózbekstan Ilimler akademiyası Qaraqalpaqstan bólimi ilimpazları ózlerine júkletilgen wazıypalardı tolıq ámelge asıra almay atır.
Májilis dawamında joqarı oqıw orınlarındaǵı baslı mashqalalardan biri - bul studentlerdiń jataqxana menen támiyinleniw dárejesi ekenligi, Ózbekstan Respublikası Ministrler Kabinetiniń arnawlı qararı tiykarında 2023-jılda mámleketlik jeke-menshik sheriklik tiykarında joqarı oqıw orınlarında 7 jataqxana qurılıwı belgilengeni atap ótildi. Usıǵan qaramay, búgingi kúnge shekem tek ǵana 2 joqarı oqıw ornında ǵana qurılıs jumısları baslanıp, qalǵan orınlarda bul jumıslar nátiyjeli shólkemlestirilmegeni sınǵa alındı.
Qaraqalpaqstan Respublikası Joqarǵı Keńesiniń Málimleme xızmeti