Joqarǵı Keńes Baslıǵı Franciya mámleketiniń Ózbekstandaǵı ayrıqsha hám tolıq huqıqlı elshisi menen ushırastı
831
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Franciya mámleketiniń Ózbekstandaǵı ayrıqsha hám tolıq huqıqlı elshisi Oreliya Bushez penen ushırastı.
Ushırasıwda Franciya mámleketi hám Ózbekstan Respublikası arasındaǵı óz-ara birge islesiwler nátiyjesinde bir qatar kólemli jumıslar ámelge asırılıp atırǵanlıǵı hám usı tiykarda Qaraqalpaqstan Respublikası menen de birge islesiwler jolǵa qoyılǵanlıǵı atap ótildi.
Sonday-aq, Joqarǵı Keńes Baslıǵı sonǵı jılları respublikamızda alıp barılıp atırǵan keń kólemli reformalar, aymaqtı sociallıq-ekonomikalıq jaqtan rawajlandırıw baǵdarındaǵı hám puqaralardıń turmıs abadanlıǵın támiyinlew boyınsha alıp barılıp atırǵan jumıslar haqqında keń túrde maǵlıwmat berdi.
Elshi Franciya mámleketi Qaraqalpaqstan Respublikasınıń mádeniyatı, túrizm potencialı, regiondaǵı ekologiyalıq jaǵday menen tanıs ekenligin bildirdi.
Ótkerilgen ushırasıwda Franciya mámleketi hám Qaraqalpaqstan arasındaǵı óz-ara baylanıstı bekkemlew, sawda, sociallıq-ekonomikalıq, bilimlendiriw, mádeniyat, turizm tarawları boyınsha birge islesiwdi rawajlandırıw máseleleri sóz etildi.
Oreliya Bushez óz sózinde Parijde ótkerilgen «Salty Lives» (“Duzlı ómir”) art-joybarı prezentaciyası arqalı dúnya jámiyetshiliginiń itibarı jáne bir márte Aralboyına qaratılǵanı, sonday-aq, ótken jılı Ózbekstan Respublikası Prezidenti Shavkat Mirziyoevtiń Franciyaǵa rásmiy saparı dawamında Arab dúnyası institutında ashılǵan kórgizbedegi Igor Savickiy atındaǵı Qaraqalpaqstan Respublikası mámleketlik kórkem óner muzeyiniń eksponatları Franciya xalqı hám mámleket turistlerinde úlken tásir qaldırıp atırǵanın atap ótti.
Sonıń menen birge, aymaqta bir qatar jónelisler boyınsha investiciyalıq joybarlardı ámelge asırıwǵa bolǵan qızıǵıwshılıq artıp atırǵanlıǵı da tilge alındı.
Óz náwbetinde Joqarǵı Keńes Baslıǵı tárepinen respublikamızdaǵı investiciyalıq joybarlardı ámelge asırıw hám investiciyalıq tartımlılıqtı arttırıw baǵdarındaǵı alıp barılıp atırǵan jumıslar menen keńnen tanıstırıp ótildi.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev húrmetli miymannıń respublikamızǵa bolǵan saparınan minnetdar ekenligin bildirip, birge islesiwdi jolǵa qoyıwda hár qanday jańa baslamalardı qollap-quwatlaytuǵınlıǵın, bunıń ushın barlıq múmkinshilikler jaratılıp beriletuǵınlıǵın aytıp ótti.
Elshi Franciya mámleketi Qaraqalpaqstan Respublikasınıń mádeniyatı, túrizm potencialı, regiondaǵı ekologiyalıq jaǵday menen tanıs ekenligin bildirdi.
Ótkerilgen ushırasıwda Franciya mámleketi hám Qaraqalpaqstan arasındaǵı óz-ara baylanıstı bekkemlew, sawda, sociallıq-ekonomikalıq, bilimlendiriw, mádeniyat, turizm tarawları boyınsha birge islesiwdi rawajlandırıw máseleleri sóz etildi.
Oreliya Bushez óz sózinde Parijde ótkerilgen «Salty Lives» (“Duzlı ómir”) art-joybarı prezentaciyası arqalı dúnya jámiyetshiliginiń itibarı jáne bir márte Aralboyına qaratılǵanı, sonday-aq, ótken jılı Ózbekstan Respublikası Prezidenti Shavkat Mirziyoevtiń Franciyaǵa rásmiy saparı dawamında Arab dúnyası institutında ashılǵan kórgizbedegi Igor Savickiy atındaǵı Qaraqalpaqstan Respublikası mámleketlik kórkem óner muzeyiniń eksponatları Franciya xalqı hám mámleket turistlerinde úlken tásir qaldırıp atırǵanın atap ótti.
Sonıń menen birge, aymaqta bir qatar jónelisler boyınsha investiciyalıq joybarlardı ámelge asırıwǵa bolǵan qızıǵıwshılıq artıp atırǵanlıǵı da tilge alındı.
Óz náwbetinde Joqarǵı Keńes Baslıǵı tárepinen respublikamızdaǵı investiciyalıq joybarlardı ámelge asırıw hám investiciyalıq tartımlılıqtı arttırıw baǵdarındaǵı alıp barılıp atırǵan jumıslar menen keńnen tanıstırıp ótildi.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev húrmetli miymannıń respublikamızǵa bolǵan saparınan minnetdar ekenligin bildirip, birge islesiwdi jolǵa qoyıwda hár qanday jańa baslamalardı qollap-quwatlaytuǵınlıǵın, bunıń ushın barlıq múmkinshilikler jaratılıp beriletuǵınlıǵın aytıp ótti.
Qaraqalpaqstan Respublikası Joqarǵı Keńesiniń Málimleme xızmeti