Joqarǵı Keńes Baslıǵı mektep pitkeriwshilerin qutlıqladı
764
Qaraqalpaqstan Respublikası Joqarǵı Keńesiniń Baslıǵı Amanbay Orınbaev paytaxtımızdaǵı 46-sanlı ulıwma orta bilim beriw mektebinde ótkerilgen sońǵı qońıraw ilajında qatnastı.
Dáslep Ózbekstan hám Qaraqalpaqstan Respublikaları mámleketlik gimni atqarıldı.
Ilajda Joqarǵı Keńes Baslıǵı mektep pitkeriwshilerin shın kewilden qutlıqlap, Ózbekstan Respublikası Prezidentiniń mekteplerdi pitkeriwshi ul-qızlarǵa jollaǵan qutlıqlawın oqıp esittirdi.
Joqarǵı Keńes Baslıǵı tárepinen úlgili, belsendi oqıwshılarǵa hám olardı kamalǵa keltirip, tárbiyalaǵan ata-analarına, olarǵa bilim bergen muǵallimlerge minnetdarshılıq bildirdi.
Sonday-aq, sońǵı jılları húrmetli Prezidentimizdiń itibarı hám ǵamqorlıǵı menen jaslarǵa úlken itibar qaratılıp, óz qábiletin júzege shıǵaraman degen jaslarǵa bar múmkinshilik jaratıp berilip atırǵanlıǵı, bunnan tısqarı, mektep pitkeriwshilerin úlken ómirde jańalanǵan Konstituciyada belgilengen teńsiz imkaniyatlar kútip turǵanlıǵı ayrıqsha atap ótildi.
Ilajda sońǵı qońıraw qaǵıldı.
Qaraqalpaqstan Respublikası Joqarǵı Keńesiniń Málimleme xızmeti