Joqarǵı Keńes Baslıǵınıń orınbasarı R.Saparbaev sońǵı qońıraw ilajında qatnastı
1198
Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev Nókis qalasındaǵı 3-sanlı ulıwma bilim beriw mektebinde ótkerilgen sońǵı qońıraw ilajında qatnastı. Ilajda Joqarǵı Keńes Baslıǵınıń orınbasarı R.Saparbaev mektep pitkeriwshilerin qutlıqladı hám Ózbekstan Respublikası Prezidentiniń pitkeriwshi ul-qızlarǵa jollaǵan qutlıqlawın oqıp esittirdi.
Bunnan soń teńlesleri arasında ayrıqsha qábileti, bilimi hám úlgili minez-qulqı menen kózge túsken oqıwshılar, olardıń ata-anaları hám bilim bergen ustazlarına minnetdarshılıq bildirildi.
Ótkerilgen ilajda Prezidentimiz tárepinen elimizdiń keleshegi bolǵan jaslarǵa qaratılıp atırǵan itibar hám jaratılıp berilip atırǵan bir qatar imkaniyatlar atap ótilip, bul imkaniyatlar tiykarında kóplegen jaslar ózleriniń talant hám uqıplılıǵın júzege shıǵarıp atırǵanı hám kóplegen jetiskenliklerge erisip kiyatırǵanlıǵı sóz etildi. Ilaj bayram saltanatı menen dawam etti.
Qaraqalpaqstan Respublikası Joqarǵı Keńesiniń Málimleme xızmeti