Joqarǵı Keńes Baslıǵı qurılıs tarawına arnalǵan videoselektor májilisin ótkerdi
1016
Qaraqalpaqstan Respublikası Joqarǵı Keńesiniń Baslıǵı Amanbay Orınbaev respublikamız aymaǵındaǵı qurılıs tarawında ámelge asırılıp atırǵan jumıslarǵa arnalǵan videoselektor májilisin ótkerdi.
Onda Qaraqalpaqstan Respublikası Ministrler Keńesiniń Baslıǵı F.Ermanov videobaylanıs arqalı Ámiwdárya rayonınan qatnastı.
Ótkerilgen májiliste qurılıs tarawında ámelge asırılıp atırǵan jumıslar sın kóz qarasta qarap shıǵıldı.
Májiliste 2022-jılda Investiciya baǵdarlamasına hám Prezident saparı protokolına qosımsha kirgizilgen 9 obekt qurılıs kárxanalarınıń kemshiliklerge jol qoyıwı sebepli usı kúnge shekem paydalanıwǵa tapsırılmaǵanlıǵı atap ótildi. Sonıń menen birge, ayırım kárxanalarǵa sud isi ashılǵanlıǵı bildirildi. Bulardan tısqarı, “Abat awıl” baǵdarlamasına kirgizilgen Qońırattaǵı 2 obekt usı kúnge shekem paydalanıwǵa tapsırılmaǵan.
“Birden-bir buyırtpashı xızmeti” injiniring kompaniyası buyırtpashılıǵında búgingi kúnde 69 obektiń paydalanıwǵa tapsırıw múddetleri ótip ketken, 23 obekt paydalanıӯǵa tapsırılmaǵan.
Sonday-aq, húrmetli Prezidentimizdiń 2022-jıl 14-apreldegi 106-sanlı Pármanı tiykarında 12 qánigelestirilgen mektepte 20 mlrd. sumlıq qarjı tiykarında qurılıs-ońlaw jumısların alıp barıw belgilengen. Biraq, orınlarda ámelge asırılıp atırǵan jumıslar talap dárejesinde shólkemlestirilmey atır.
“Suw támiynatı hám aqaba suw obektleriniń qurılısı boyınsha injiniring kompaniyası” buyırtpashılıǵında jámi 87 obektte qurılıs-ońlaw jumısları alıp barılmaqta. Húrmetli Prezidentimizdiń 2022-jıl 25-oktyabrdegi PQ-408-sanlı qararı tiykarında qurılıs-ońlaw jumısları alıp barılıp atırǵan 12 obekttıń paydalanıwǵa tapsırıw múddetleri ótip ketken.
“Aymaqlıq jollarǵa buyırtpashı xızmeti” MUK, Avtomobil jolları bas basqarması, “Xududiy elektr tarmaqları» AJ Qaraqalpaqstan aymaqlıq filialı, “Xududgaz Qaraqalpaqstan" Gaz támiynatı filialı buyırtpashılıǵındaǵı jumıslar da talap dárejesinde emes.
Ministrler Kabinetiniń 2023-jıl 2-fevraldaǵı 52-sanlı qararı tiykarında respublika byudjetinen qubla rayonlardaǵı úy-jaylarda qurılıs-ońlaw jumısları ushın 112,3 mlrd.sum qarjı ajıratılǵan. Biraq, rayon hákimlikleriniń nemquraydılıǵı nátiyjesinde usı kúnge shekem qurılıs-ońlaw jumıslarınıń baslanbawına alıp kelgen.
2020-2022-jıllarda jámi 1019 puqaralar subsidiya alıw boyınsha unamlı juwmaq alǵan, sonnan, 295 puqaraǵa, yaǵnıy 29 procentine subsidiya ajıratılǵan. Biraq, qala hám rayon hákimleri may ayında birde-bir úy-jay paydalanıwǵa tapsırmaǵan.
Kegeyli, Qaraózek hám Qanlıkól rayonlarında “Jańa Ózbekstan” massivlerindegi rejelestirilgen úy-jaylardıń qurılısı talap dárejesinde emes. Búgingi kúnde úy-jaylar paydalanıwǵa tapsırılmaǵan.
Qurılıs tarawında qadaǵalaw inspekciyası tárepinen qurılıs jumısları alıp barılıp atırǵan hám paydalanıwǵa tapsırılǵan obektlerdi qadaǵalaw jumısları tolıq alıp barılmay atır.
2021-jılı renovaciya baǵdarlaması tiykarında avariya jaǵdayında jaramsız bolǵan 1187 kvartiralı 106 úy-jaydı qayta qurıw belgilengen. Biraq, búgingi kúnge shekem bul jaylardı qayta qurıw jumısları juwmaqlanbaǵan.
Májilis dawamında elektr energiyası hám tábiyiy gaz boyınsha debitor qarızdarlıq artıp baratırǵanı atap ótildi.
Májilis juwmaǵında juwapkerler eskertilip, wazıypalar belgilep alındı.
Onda Qaraqalpaqstan Respublikası Ministrler Keńesiniń Baslıǵı F.Ermanov videobaylanıs arqalı Ámiwdárya rayonınan qatnastı.
“Suw támiynatı hám aqaba suw obektleriniń qurılısı boyınsha injiniring kompaniyası” buyırtpashılıǵında jámi 87 obektte qurılıs-ońlaw jumısları alıp barılmaqta. Húrmetli Prezidentimizdiń 2022-jıl 25-oktyabrdegi PQ-408-sanlı qararı tiykarında qurılıs-ońlaw jumısları alıp barılıp atırǵan 12 obekttıń paydalanıwǵa tapsırıw múddetleri ótip ketken.
“Aymaqlıq jollarǵa buyırtpashı xızmeti” MUK, Avtomobil jolları bas basqarması, “Xududiy elektr tarmaqları» AJ Qaraqalpaqstan aymaqlıq filialı, “Xududgaz Qaraqalpaqstan" Gaz támiynatı filialı buyırtpashılıǵındaǵı jumıslar da talap dárejesinde emes.
Qaraqalpaqstan Respublikası Joqarǵı Keńesiniń Málimleme xızmeti