“Bes baslama olimpiadası” sheńberinde parasport jarıslarına start berildi
1255
Sońǵı jıllarda elimizde Húrmetli Prezidentimizdiń basshılıǵında denetárbiya hám sporttı rawajlandırıwǵa máhállelerde sport penen shuǵıllanıwshı jaslardıń sanın arttırıwǵa salamat turmıs tárizin qáliplestiriwge ayrıqsha itibar qaratılıp, bul baǵdarda keń kólemli ilajlar ámelge asırılmaqta. Ásirese, imkaniyatı sheklengen shaxslardı parasport dógereklerine tartıw ilajları jáne de jedellesip, olarǵa barlıq qolaylı sharayatlar jaratılıp atır.
Búgin 1-sanlı balalar hám jas óspirimler sport mektebinde “Bes baslama olimpiadası” sheńberinde shólkemlestirilip atırǵan parasport jarısları Qaraqalpaqstan Respublikası basqıshınıń ashılıw saltanatı bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev hám Ózbekstan Milliy paralimpiya komiteti baslıǵı orınbasarı Otabek Ergashev shıǵıp sóylep, jarıs qatnasıwshıların qutlıqladı hám áwmetler tiledi.
Bunnan soń parasport jarıslarına start berildi.
Atap ótiw orınlı, búgingi kúnde Qaraqalpaqstanda imkaniyatı sheklengen 200 den aslam jaslar 14 parasport túri menen turaqlı shuǵıllanıp kelmekte. Olar arasınan para-sportshılarımız 2022-jılı Ózbekstan kóleminde ótkerilgen jarıslarda 49 medaldı, al bıyılǵı jıl basınan berli 24 medaldı qolǵa kirgiziwge miyasar boldı. Sonı da ayrıqsha atap ótiwimiz kerek, kelesi jılı ótkeriletuǵın Paralimpiya oyınlarına 4 sportshımızdıń jollama alıwı kútilmekte.
Bugingi ótkerilip atırǵan jarıs qatnasıwshıları arasında da mine, usınday tabıslardı qolǵa kirgizetuǵın jaslar jetilisip shıǵarı anıq.
Bunnan soń parasport jarıslarına start berildi.
Qaraqalpaqstan Respublikası Joqarǵı Keńesiniń Málimleme xızmeti