1271
Búgin Nókis qalasındaǵı oraylıq amfiteatrda Qol urısınıń R1 jѳnelisi boyınsha Professional sportshılar arasında Xalıqaralıq turnir jarısları bolıp ótti. Turnirde Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev shıǵıp sóylep, barlıq qatnasıwshılarǵa áwmet tiledi. Bunnan soń turnir bellesiwleri start berildi. Onda Rossiya, Germaniya, Belarus, Ázerbayjan, Moldaviya, Tájikstan mámleketlerinen profesional sportshılar qatnastı. Qaraqalpaqstan Respublikası Ishki isler ministrligi xızmetkeri Seytmuratov Nursultan, Milliy gvardiya xızmetkerleri Abdireymov Ikram, Xojabekov Batırbek hám basqa da kúnniń oraylıq bellesiwlerinde respublikamızdıń belgili sportshıları qatnastı.
Dáslep 48 kg salmaqta jas sportshılar A.Axadov (Ferǵana) hám E.Aybekov (Nókis) arasındaǵı bellesiwde qaraqalpaqstanlı E.Aybekovtıń qolı bálent keldi. Bunnan soń bolıp ótken, 57 kg (yarım jeńil) salmaqta Z.Abduraxmanov (Ázerbayjan) hám I.Abdreimov (Ózbekstan) bellesiwinde I.Abdreimov qarsılasına imkaniyat qaldırmadı. 62 kg (jeńil) salmaq kategoriyasında T.Tokarev (Rossiya) hám Sh.Tursunov (Ózbekstan) arasındaǵı bellesiwde rossiyalı sportshınıń qolı bálent keldi.
67 kg (yarım orta) salmaqta Nik Shanler (Germaniya) hám X.Sattorov (Ózbekstan) bellesiwinde X.Sattarov jeńimpaz boldı. 80 kg (orta) salmaqta U.Usmonov (Tájikstan) hám N.Sitmuratov (Ózbekstan) arasındaǵı bellesiwde N.Sitmuratov jeńip shıqtı. 88 kg (yarım awır) salmaq kategoriyasında D.Gvozdev (Belarus) hám J.Raxmonaliev (Ózbekstan) bellesiwinde J.Raxmonalievtiń qolı bálent kelgen bolsa, kúnniń eń awır 97 kg salmaq kategoriyası boyınsha CHakusta Dmitriy (Moldava) hám B.Xojabekov (Ózbekstan) arasındaǵı bellesiwde B.Xojabekov qarsılasına imkaniyat qaldırmadı.
Keskin bellesiwler, ayawsız soqqılar astında ótken ushırasıwlar jıynalǵanlarda úlken tásir qaldırdı. Jeńimpazlar qutlıqlanıp, olarǵa pul sıylıqları menen estelik sawǵaları tapsırıldı.
Dáslep 48 kg salmaqta jas sportshılar A.Axadov (Ferǵana) hám E.Aybekov (Nókis) arasındaǵı bellesiwde qaraqalpaqstanlı E.Aybekovtıń qolı bálent keldi. Bunnan soń bolıp ótken, 57 kg (yarım jeńil) salmaqta Z.Abduraxmanov (Ázerbayjan) hám I.Abdreimov (Ózbekstan) bellesiwinde I.Abdreimov qarsılasına imkaniyat qaldırmadı. 62 kg (jeńil) salmaq kategoriyasında T.Tokarev (Rossiya) hám Sh.Tursunov (Ózbekstan) arasındaǵı bellesiwde rossiyalı sportshınıń qolı bálent keldi.
67 kg (yarım orta) salmaqta Nik Shanler (Germaniya) hám X.Sattorov (Ózbekstan) bellesiwinde X.Sattarov jeńimpaz boldı. 80 kg (orta) salmaqta U.Usmonov (Tájikstan) hám N.Sitmuratov (Ózbekstan) arasındaǵı bellesiwde N.Sitmuratov jeńip shıqtı. 88 kg (yarım awır) salmaq kategoriyasında D.Gvozdev (Belarus) hám J.Raxmonaliev (Ózbekstan) bellesiwinde J.Raxmonalievtiń qolı bálent kelgen bolsa, kúnniń eń awır 97 kg salmaq kategoriyası boyınsha CHakusta Dmitriy (Moldava) hám B.Xojabekov (Ózbekstan) arasındaǵı bellesiwde B.Xojabekov qarsılasına imkaniyat qaldırmadı.
Keskin bellesiwler, ayawsız soqqılar astında ótken ushırasıwlar jıynalǵanlarda úlken tásir qaldırdı. Jeńimpazlar qutlıqlanıp, olarǵa pul sıylıqları menen estelik sawǵaları tapsırıldı.
Qaraqalpaqstan Respublikası Joqarǵı Keńesiniń Málimleme xızmeti