Joqarǵı Keńes Baslıǵı múrájatlar menen islesiw hám basqarıw uyımlarınıń málimleme xızmeti jumıslarına arnalǵan videoselektor májilisin ótkerdi
1132
Ótkerilgen májiliste Qaraqalpaqstan Respublikası Ministrler Keńesiniń Baslıǵı F.Ermanov qatnastı.
Kún tártibinde dáslep múrájatlar menen islesiw baǵdarında jol qoyılǵan bir qatar qáte-kemshilikler talqılandı.
Orınlarda ótkerilgen kóshpeli qabıllawlarda kelip túsken múrájatlardıń orınlanıwı analiz etilgende, qanaatlandırıw dárejesi kópshilik mákemeler hám rayonlarda talapqa juwap bermey atırǵanlıǵı anıqlanǵan.
Beruniy, Kegeyli, Ellikqala, Qaraózek rayonları hákimliklerinde, Byudjetten tısqarı Pensiya qorı, “Xalıq bank”, “Qaraqalpaq suw támiynatı” JShJde múrájatlardıń unamlı sheshiliwi tómen dárejede.
Kórip shıǵılǵan múrájatlarǵa berilgen juwaplar analiz etilgende, orınlardaǵı ayırım basshılar tárepinen múrájat iyelerine júzeki juwap beriw jaǵdayları júz bergen.
Joqarǵı Keńestiń “Xalıq múrájatı” platformasına kelip túsken múrájatlar analiz etilgeninde ayırım mákemeler tárepinen unamlı sheshiliw dárejesi qanaatlandırarlı emesligi anıqlanǵan. Bunnan tısqarı, bir puqaranıń bir neshe márte múrájat etiwi jaǵdayı boyınsha anıq ilajlar kórilmegen.
Sektor basshıları tárepinen ótkerilip kiyatırǵan qabıllawlar, múrájatlardıń unamlı sheshiliwi boyınsha jumıslar da talap dárejesinde emes.
Májilis kún tártibinde keyingi másele jergiligikli hákimiyat hám basqarıw uyımlarınıń málimleme xızmeti jumıslarınıń nátiyjeliligine arnaldı. Onda tarawdaǵı bir qatar qáte-kemshilikler sınǵa alındı.
Atap aytqanda, Beruniy, Xojeli, Moynaq rayonları, Bajıxana baskarması tárepinen media-rejede belgilengen bántler óz waqtında orınlanbaǵan.
Búgingi kúnde jaslar arasında eń kóp paydalanılatuǵın sociallıq tarmaqlarda kópshilik rásmiy kanallardı júrgiziw sapası júdá tómen dárejede bolmaqta.
Sonıń menen birge, bugingi kúnde Ózbekstan kólemindegi telekanallarda hám jergilikli telekanallar arqalı orınlarda ámelge asırılıp atırǵan ilajlardı sáwlelendirip barıw jumısları da ayırım orınlarda tómen dárejede shólkemlestirilmekte.
Ámelge asırılıp atırǵan keń kólemli dóretiwshilik jumısların xalıqqa tolıq jetkeriw, olardı rásmiy saytlarında, sociallıq tarmaqlarda jarıtıp barıw ilajları Ámiwdárya, Qanlıkól, Moynaq, Taxtakópir rayonlarında júdá tómen dárejede alıp barılmaqta.
Bunnan tısqarı, májiliste qabıl etilgen pármanlar, qararlar hám hújjetler boyınsha úgit-násiyat jumısları, sın pikirlerge múnásibet bildiriw talap dárejesinde orınlanbay atırǵanlıǵı atap ótildi.
Májiliste óz jumıslarına nemquraydılıq penen qaraǵanlıǵı, berilgen tapsırmalardı talap dárejesinde orınlamaǵanı, múrájatlar menen islesiwde kemshiliklerge jol qoyǵanı ushın Kámbaǵallıqtı qısqartıw hám bántlik ministri, Qaraózek rayonı kóp tarmaqlı medicina birlespesi baslıǵı, Bas medicina, miynet ekspert komissiyası baslıǵı, Nókis qalası hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı, Qurılıs tarawındaǵı aymaqlıq qadaǵalaw inspekciyası baslıǵı, Kán-geologiya iskerligin baqlaw inspekciyası baslıǵı, Jaslar isleri agentligi menen Qurılıs hám úy-jay kommunal xojalıǵı ministrliginiń múrájatlar menen islesiw boyınsha qánigeleri, Bozataw, Ellikqala, Moynaq rayonı hákimlikleriniń múrájatlar menen shuǵıllanǵan qanigeleri intizamıy jazaǵa tartıldı.
Bunnan tısqarı, Taxtakópir, Qaraózek, Nókis rayonı, Qanlıkól, Tórtkúl, Beruniy, Moynaq rayonı hákimlikleriniń, Mektepke shekemgi hám mektep bilimlendiriwi ministrligi, Investiciyalar, sanaat hám sawda ministrliginiń málimleme xızmeti basshıların intizamıy jazaǵa tartıw, Qurılıs hám úy-jay kommunal xojalıǵı ministrliginiń málimleme xızmeti baslıǵın iyelep turǵan lawazımınan bosatıw, Ámiwdárya rayonı hákimligi málimleme xızmeti baslıǵınıń lawazımına ılayıqlıǵın kórip shıǵıw boyınsha tapsırma berildi.
Orınlarda ótkerilgen kóshpeli qabıllawlarda kelip túsken múrájatlardıń orınlanıwı analiz etilgende, qanaatlandırıw dárejesi kópshilik mákemeler hám rayonlarda talapqa juwap bermey atırǵanlıǵı anıqlanǵan.
Beruniy, Kegeyli, Ellikqala, Qaraózek rayonları hákimliklerinde, Byudjetten tısqarı Pensiya qorı, “Xalıq bank”, “Qaraqalpaq suw támiynatı” JShJde múrájatlardıń unamlı sheshiliwi tómen dárejede.
Kórip shıǵılǵan múrájatlarǵa berilgen juwaplar analiz etilgende, orınlardaǵı ayırım basshılar tárepinen múrájat iyelerine júzeki juwap beriw jaǵdayları júz bergen.
Joqarǵı Keńestiń “Xalıq múrájatı” platformasına kelip túsken múrájatlar analiz etilgeninde ayırım mákemeler tárepinen unamlı sheshiliw dárejesi qanaatlandırarlı emesligi anıqlanǵan. Bunnan tısqarı, bir puqaranıń bir neshe márte múrájat etiwi jaǵdayı boyınsha anıq ilajlar kórilmegen.
Sektor basshıları tárepinen ótkerilip kiyatırǵan qabıllawlar, múrájatlardıń unamlı sheshiliwi boyınsha jumıslar da talap dárejesinde emes.
Májilis kún tártibinde keyingi másele jergiligikli hákimiyat hám basqarıw uyımlarınıń málimleme xızmeti jumıslarınıń nátiyjeliligine arnaldı. Onda tarawdaǵı bir qatar qáte-kemshilikler sınǵa alındı.
Atap aytqanda, Beruniy, Xojeli, Moynaq rayonları, Bajıxana baskarması tárepinen media-rejede belgilengen bántler óz waqtında orınlanbaǵan.
Búgingi kúnde jaslar arasında eń kóp paydalanılatuǵın sociallıq tarmaqlarda kópshilik rásmiy kanallardı júrgiziw sapası júdá tómen dárejede bolmaqta.
Sonıń menen birge, bugingi kúnde Ózbekstan kólemindegi telekanallarda hám jergilikli telekanallar arqalı orınlarda ámelge asırılıp atırǵan ilajlardı sáwlelendirip barıw jumısları da ayırım orınlarda tómen dárejede shólkemlestirilmekte.
Ámelge asırılıp atırǵan keń kólemli dóretiwshilik jumısların xalıqqa tolıq jetkeriw, olardı rásmiy saytlarında, sociallıq tarmaqlarda jarıtıp barıw ilajları Ámiwdárya, Qanlıkól, Moynaq, Taxtakópir rayonlarında júdá tómen dárejede alıp barılmaqta.
Bunnan tısqarı, májiliste qabıl etilgen pármanlar, qararlar hám hújjetler boyınsha úgit-násiyat jumısları, sın pikirlerge múnásibet bildiriw talap dárejesinde orınlanbay atırǵanlıǵı atap ótildi.
Májiliste óz jumıslarına nemquraydılıq penen qaraǵanlıǵı, berilgen tapsırmalardı talap dárejesinde orınlamaǵanı, múrájatlar menen islesiwde kemshiliklerge jol qoyǵanı ushın Kámbaǵallıqtı qısqartıw hám bántlik ministri, Qaraózek rayonı kóp tarmaqlı medicina birlespesi baslıǵı, Bas medicina, miynet ekspert komissiyası baslıǵı, Nókis qalası hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı, Qurılıs tarawındaǵı aymaqlıq qadaǵalaw inspekciyası baslıǵı, Kán-geologiya iskerligin baqlaw inspekciyası baslıǵı, Jaslar isleri agentligi menen Qurılıs hám úy-jay kommunal xojalıǵı ministrliginiń múrájatlar menen islesiw boyınsha qánigeleri, Bozataw, Ellikqala, Moynaq rayonı hákimlikleriniń múrájatlar menen shuǵıllanǵan qanigeleri intizamıy jazaǵa tartıldı.
Bunnan tısqarı, Taxtakópir, Qaraózek, Nókis rayonı, Qanlıkól, Tórtkúl, Beruniy, Moynaq rayonı hákimlikleriniń, Mektepke shekemgi hám mektep bilimlendiriwi ministrligi, Investiciyalar, sanaat hám sawda ministrliginiń málimleme xızmeti basshıların intizamıy jazaǵa tartıw, Qurılıs hám úy-jay kommunal xojalıǵı ministrliginiń málimleme xızmeti baslıǵın iyelep turǵan lawazımınan bosatıw, Ámiwdárya rayonı hákimligi málimleme xızmeti baslıǵınıń lawazımına ılayıqlıǵın kórip shıǵıw boyınsha tapsırma berildi.
Qaraqalpaqstan Respublikası Joqarǵı Keńesiniń Málimleme xızmeti