Búgingi jaslar - erteńgi keleshegimiz
1403
Qaraqalpaqstan Respublikası Joqarǵı Keńesiniń Baslıǵı Amanbay Orınbaev kúnniń ekinshi yarımında Kegeyli hám Bozataw rayonı kóshe sárdarları hám belsendi jasları menen ushırastı.
Onda elimizdiń jasları olarǵa qaratılıp atırǵan itibar hám ǵamxorlıqlar sebep joqarı nátiyjelerge erisip atırǵanlıǵı, tek ǵana respublika kóleminde emes, xalıqaralıq dárejedegi tańlawlar, jarıslar, sport oyınlarında ózlerin kórsetip atırǵan jaslardıń qatarı artıp baratırǵanlıǵı haqqında keń túrde atap ótildi.
Sonıń menen birge biybaha baylıq esaplanǵan tınıshlıqtıń qádirine jetiw, milletler aralıq tatıwlıqtı saqlaw, awızbirshilikti ele de bekkemlew hám usı tiykarda elimizdiń bunnan-bılayda gúllep-rawajlanıwına múnásip úles qosıw kerek ekenligi boyınsha sóz etildi.
Aytıp ótiw kerek, Qaraqalpaqstan kóp milletli aymaq esaplanadı. Bul diyarda kóplegen millet wákilleri ázelden bir-biri menen qońsı, awıllas, aǵayin bolıp jasap kelgen. Olar óz-ara quda-tamır, jaqın tuwısqan bolıp, bir atanıń perzentlerindey bolıp ketken.
Bunnan tısqarı, jaslarǵa bolǵan itibar, olarǵa kórsetilip atırǵan ǵamxorlıq, jaratılıp berilip atırǵan imkaniyatlar boyınsha ámeliy jumıslar ele de dawam ettiriletuǵınlıǵı atap ótildi.
Ushırasıw sońında bir qatar belsendi jaslarǵa «Úmit ushqını» kókirek belgisi hám bahalı sawǵalar tapsırıldı.
Sonıń menen birge biybaha baylıq esaplanǵan tınıshlıqtıń qádirine jetiw, milletler aralıq tatıwlıqtı saqlaw, awızbirshilikti ele de bekkemlew hám usı tiykarda elimizdiń bunnan-bılayda gúllep-rawajlanıwına múnásip úles qosıw kerek ekenligi boyınsha sóz etildi.
Aytıp ótiw kerek, Qaraqalpaqstan kóp milletli aymaq esaplanadı. Bul diyarda kóplegen millet wákilleri ázelden bir-biri menen qońsı, awıllas, aǵayin bolıp jasap kelgen. Olar óz-ara quda-tamır, jaqın tuwısqan bolıp, bir atanıń perzentlerindey bolıp ketken.
Bunnan tısqarı, jaslarǵa bolǵan itibar, olarǵa kórsetilip atırǵan ǵamxorlıq, jaratılıp berilip atırǵan imkaniyatlar boyınsha ámeliy jumıslar ele de dawam ettiriletuǵınlıǵı atap ótildi.
Ushırasıw sońında bir qatar belsendi jaslarǵa «Úmit ushqını» kókirek belgisi hám bahalı sawǵalar tapsırıldı.
Qaraqalpaqstan Respublikası Joqarǵı Keńesiniń Málimleme xızmeti