Joqarǵı Keńes Baslıǵı Ámiwdárya rayonı jasları menen ushırastı
587
Ámiwdárya rayonı xalqı ázelden isbilermen, miynetkesh, aqkókirek hám keńpeyil xalıq esaplanadı. Rayon jasları da respublikada belgili, belsendi bolıp, bir-birinen talantlılıǵı menen ajıralıp turadı.
Búgin Joqarǵı Keńes Baslıǵı Amanbay Orınbaev rayonnıń kóshe sárdarları, belsendi jaslar menen ushırastı.
Ushırasıwda jaslarǵa mámleket tárepinen kórsetilip atırǵan ǵamqorlıqlar haqqında sóz etildi. Sonıń menen birge usınday keń imkaniyatlardan nátiyjeli paydalanıp, teńlesleri arasında kópshilikke úlgi bolıp kiyatırǵan jaslar rayonda kópshilikti qurap atırǵanlıǵı aytıp ótildi.
Ótkerilgen ushırasıwda usınday imkaniyatlardan nátiyjeli paydalanıp, jetiskenliklerge erisiwde awızbirshilik, tınıshlıqtı saqlawdıń tutqan ornınıń da ayrıqsha ekenligi tilge alındı.
Aytıp ótiw kerek, milletler aralıq tatıwlıqtı saqlaw, awızbirshiliktiń joqarı úlgisin, miynetsúygishlikti kórsetiwde rayon jasları belsendiligi menen kópshilikke úlgi bola aladı.
Óziniń belsendiligi menen teńlesleri arasında úlgi bolıp atırǵan bir qatar jaslarǵa ushırasıw sońında «Úmit ushqını» kókirek belgisi hám bahalı sawǵalar tapsırıldı.
Qaraqalpaqstan Respublikası Joqarǵı Keńesiniń Málimleme xızmeti