Qaraózek hám Taxtakópir rayonı jasları menen jaqınnan pikirlesildi
911
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek hám Taxtakópir rayonındaǵı belsendi jaslar hám kóshe sárdarları menen ushırastı.
Ushırasıwda elimizde alıp barılıp atırǵan jaslar siyasatı, olardı hár tárepleme qollap-quwatlaw baǵdarındaǵı ámeliy jumıslar, "Jaslar dápteri" sheńberindegi jaratılıp berilgen imkaniyatlar, qabıl etilgen Qarar hám Pármanlar tiykarında berilgen jeńillikler haqqında keń túrde atap ótildi.
Aytıp ótiw orınlı, búgingi alıp barılıp atırǵan ádil siyasat tiykarında Ózbekstan shın mánisinde imkaniyatlar mámleketine aylanǵan. Sebebi, házirgi waqıtta hár bir jastıń uqıplılıǵın júzege shıǵarıwǵa, járdemge mútáj jaslarǵa hár tárepleme járdem beriwge úlken itibar qaratılmaqta.
Ótkerilgen ushırasıwda sońǵı jılları jaslardı hár tárepleme qollap-quwatlaw baǵdarındaǵı jumıslar, student-jaslardıń tólemli-kontrakt pulların, jigitlerdiń mobilizaciyalıq shaqırıw qárejetlerin tólep beriw, járdemge mútáj jaslarǵa materiallıq járdem beriw, úy-jay satıp alıwı ushın subsidiya ajıratıw, isbilermenligin jolǵa qoyıwı ushın jeńilletilgen kredit penen támiyinleniwi sıyaqlı jáne bir qatar múmkinshilikler haqqında keń túrde sóz etildi.
Ushırasıw juwmaǵında bir qatar belsendi jaslar "Úmit ushqını" kókirek belgisi hám bahalı sawǵalar menen sıylıqlandı.
Qaraqalpaqstan Respublikası Joqarǵı Keńesiniń Málimleme xızmeti