Joqarǵı Keńes Baslıǵı Ámiwdárya rayonındaǵı belsendi hayallar menen ushırastı
536
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ámiwdárya rayonındaǵı belsendi hayallar menen ushırastı.
Onda mámleketimizdegi hayal-qızlarǵa degen ayrıqsha itibar hám ǵamxorlıq nátiyjesinde elimizde hayal-qızlar ushın jaratılǵan qolaylıqlar hám de imkaniyatlar haqqında keń túrde sóz etildi.
Aytıp ótiw orınlı, hayal-qızlardı qollap-quwatlaw baǵdarında bıyılǵı jıldıń ózinde 55 mıńnan aslam hayal-qızlar “Hayallar dápteri”ne kirgizilgen bolıp, búgingi kúnge kelip 38 mıń 538 hayal-qızlardıń sociallıq-ekonomikalıq mashqalaları óz sheshimin taptı.
Tikkeley, Joqarǵı Keńestiń baslaması menen sociallıq qorǵawǵa mútáj shańaraqlar, sonıń menen birge hayal-qızlarǵa bıyılǵı jılı 10,3 mlrd sumlıq járdemler kórsetildi.
Ótkerilgen ushırasıwda hayal-qızlar ushın jaratılǵan kóplegen imkaniyatlar, usınday bir qatar múmkinshilikler haqqında keń túrde atap ótildi.
Sonıń menen birge, búgingidey tınısh-tatıw turmısımızda awızbirshiligimizdiń qádirine jetiw, milletler aralıq tatıwlıqtı saqlaw, óz-ara doslıqtı támiyinlew baǵdarındaǵı áhmiyetli máseleler ayrıqsha tilge alındı.
Qaraqalpaqstan Respublikası Joqarǵı Keńesiniń Málimleme xızmeti