Joqarǵı Keńes Baslıǵı Ellikqala rayonınıń belsendi hayalları menen ushırastı
715
Joqarǵı Keńes Baslıǵı Ellikqala rayonınıń belsendi hayalları menen ushırastı
Ushırasıwda búgingi kúnde hayal-qızlardı qollap-quwatlaw baǵdarındaǵı ámelge asırılıp atırǵan jumıslar, qabıl etilgen Qarar hám Pármanlar tiykarında xalqımız, sonıń ishinde hayal-qızlarǵa jaratılǵan kóplegen imkaniyatlar, olardıń jámiyietimizdegi rolin arttırıw boyınsha jumıslar hám basqa da bir qatar áhmiyetli máseleler haqqında sóz etildi.
Sonday-aq, shańaraqlardaǵı awızbirshilikti saqlaw, máhállelerde tatıwlıqtı támiyinlew, jámiyietimizde insaniylıq, mehir-múriwbet, bir-birine ǵamxorlıq kórsetiw, milletler aralıq doslıqtı saqlawda hayal-qızlardıń tutqan ornınıń ayrıqsha ekenligi atap ótildi.
Aytıp ótiw kerek, sonǵı jılları hayal-qızlardı qollap-quwatlaw, olardıń jámiyietimizde belsendiligin arttırıw baǵdarında bir qatar áhmiyetli wazıypalar ámelge asırılmaqta. "Hayallar dápteri", "Temir dápter", "Jaslar dápteri" tiykarında olarǵa hár tárepleme járdemler kórsetilip atır. Prezidentimiz tárepinen qabıl etilip atırǵan Qarar hám Pármanlar tiykarında hayal-qızlardıń bilim alıwı ushın sharayat jaratıw, sociallıq jaǵdayın jaqsılaw, kásip-ónerge baǵdarlaw, olardıń bántligin támiyinlew boyınsha keń kólemli jumıslar dawam ettirilmekte.
Ushırasıw dawamında usı sıyaqlı bir qatar imkaniyatlar, jaratıp berilgen sharayatlar hám usınday imkaniyatlardan nátiyjeli paydalanıwdıń áhmiyetliligi ayrıqsha tilge alındı.
Qaraqalpaqstan Respublikası Joqarǵı Keńesiniń Málimleme xızmeti