Ellikqala rayonındaǵı "Aqshakól" boyında jańa  turistlik orın paydalanıwǵa tapsırıldı

Búgingi kúnde elimizdiń ekonomikasınıń rawajlanıwında turizmniń tutqan ornı ayrıqsha. Sońǵı jılları bul tarawdı rawajlandırıwǵa, jergilikli hám xalıq aralıq turistlerdiń sanın kóbeytiwge úlken itibar qaratılmaqta. Búgin Ellikqala rayonındaǵı "Aqshakól" boyında jańa  "Turistlik orın"nıń ashılıw saltanatı bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, xalqımızdıń iygiligi jolında paydalanıwǵa tapsırılıp atırǵan jańa turistlik obektiń ashılıwı menen jıynalǵanlardı qutlıqladı.

Ellikqala rayonındaǵı "Aqshakól" boyında jańa  turistlik orın paydalanıwǵa tapsırıldı Búgingi kúnde elimizdiń ekonomikasınıń rawajlanıwında turizmniń tutqan ornı ayrıqsha. Sońǵı jılları bul tarawdı rawajlandırıwǵa, jergilikli hám xalıq aralıq turistlerdiń sanın kóbeytiwge úlken itibar qaratılmaqta. Búgin Ellikqala rayonındaǵı "Aqshakól" boyında jańa  "Turistlik orın"nıń ashılıw saltanatı bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, xalqımızdıń iygiligi jolında paydalanıwǵa tapsırılıp atırǵan jańa turistlik obektiń ashılıwı menen jıynalǵanlardı qutlıqladı. Aytıp ótiw orınlı, bul turistlik orında jergilikli hám sırt elli turistlerdiń kelip, mazmunlı dem alıwı ushın barlıq sharayatlar jaratılǵan. Atap aytqanda, bul orında 774 orınlıq Amfiteatr, plyaj futbolı hám plyaj voleybolı maydanshaları, awqatlanıw hám sawda orınları, “Varkout” hám balalar ushın oyın maydanshaları jaylasqan. Bul turistlik orınnıń qurılıs jumısları ushın jergilikli byudjet esabınan 10 mlrd. sum qarjı ajıratılıp, qurıp pitkerilgen.

Ótkerilgen ashılıw saltanatı kórkem óner hám mádeniyat xızmetkerleri atqarıwındaǵı koncert baǵdarlaması menen dawam etti. Sonıń menen birge ashılıw saltanatında jaqında Aziya chempionatında sport túrleri boyınsha jeńimpaz bolǵan bir neshe sportshılardı sıylıqlaw máresimide bolıp ótti.

Qaraqalpaqstan Respublikası Joqarǵı Keńesiniń Málimleme xızmeti