Tiykarǵı maqset – xalıqtı razı etiw jolında ámelge asırılıwı zárúr bolǵan wazıypalardı belgilep alıwdan ibarat
441
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qońırat rayonındaǵı máhállelerde ushırasıp atırǵan sistemalı mashqalalarǵa sheshim tabıw hám aldaǵı ámelge asırılıwı tiyis wazıypalardı belgilep alıw maqsetinde kóshe biyleri hám máhálle belsendileri menen gezektegi ushırasıwın ótkerdi.
Onda dáslep Joqarǵı Keńes Baslıǵı sózge shıǵıp, Prezidentimiz basshılıǵında respublikamız ushın qaratılıp atırǵan úlken itibar, ámelge asırılıp atırǵan jumıslar haqqında keń túrde atap ótti.
Kóshe biyleri menen ashıq-aydın pikirlesiw túrinde ótkerilip atırǵan ushırasıwlar da xalqımızdıń turmısındaǵı sheshimin tappaǵan sistemalı mashqalalardı sheshiwge qaratılǵan.
Búgingi ushırasıw da ashıq-aydın pikirlesiw túrinde bolıp, kóshe biyleri menen Qońırat rayonındaǵı máhállelerdi hár tárepleme rawajlandırıw, puqaralarǵa múnásip sharayat jaratıw baǵdarında wazıypalar belgilendi.
Óz náwbetinde kóshe biyleri tárepinen bir qatar áhmiyetli máseleler kóterilip, mashqalalar atap ótildi.
Joqarǵı Keńes Baslıǵı tárepinen kóterilgen barlıq máseleler belgilep alınıp, aldaǵı waqıtta bul jumıslardı orınlaw boyınsha qadaǵalawǵa alındı.
Qaraqalpaqstan Respublikası Joqarǵı Keńesiniń Málimleme xızmeti