Kóshe biyleriniń hár bir usınısı mashqalalardıń sheshiliwine tiykar boladı
493
Prezidentimiz basshılıǵında xalqımızdıń abadan turmısın támiyinlew baǵdarında respublikamızda kólemli jumıslar alıp barılmaqta. Bul iygilikli islerdiń dawamı sıpatında Joqarǵı Keńes Baslıǵınıń orınlardaǵı sistemalı mashqalalardı anıqlaw boyınsha kóshe biyleri menen ushırasıwları baslanǵan edi. Gezektegi ushırasıw Qanlıkól rayonında ótkerildi. Onda kóshe biyleri, nuranıy-aksaqallar hám belsendiler qatnasıp, ele de sheshimin kútip turǵan áhmiyetli máseleler boyınsha pikirlesildi.
Aytıp ótiw kerek, aldıńǵı ushırasıwda da kóshe biyleri tárepinen bir qatar áhmiyetli máseleler kóterilgen edi. Bul mashqalalardıń kópshiligi Prezidentimiz tárepinen qabıl etilgen 408-sanlı qararǵa tiykar óz sheshimin taptı. Bunnan tısqarı, 213-sanlı párman tiykarında da qatar mashqalalarǵa múnásip juwap tabıldı. Usı baǵdarda xalıqtı qıynap kiyatırǵan barlıq másele hám múrájatlar basqıshpa-basqısh xalıqshıl siyasat hám ámeliy jumıslar tiykarında saplastırıladı. Búgingi ushırasıwda óz náwbetinde, kóshe biyleri tárepinen máhállelerdi abat etiw hám xalqımızǵa múnásip turmıs sharayatın jaratıw baǵdarında bir qatar áhmiyetli máseleler kóterildi. Joqarǵı Keńes Baslıǵı bul máseleler aldaǵı waqıtta álbette sheshim tabıwı zárúrligin atap ótti hám óziniń jeke qadaǵalawına alatuǵının bildirdi.
Ushırasıw juwmaǵında uzaq jıllıq jemisli miynetleri ushın bir qatar jası úlkenler "Ardaqlı nuranıy" kókirek belgisi menen sıylıqlandı.
Qaraqalpaqstan Respublikası Joqarǵı Keńesiniń Málimleme xızmeti