Beruniy rayonınıń kóshe biyleri menen jaqınnan pikirlesildi

Qaraqalpaqstan Respublikası Joqarǵı Keńesiniń Baslıǵı Amanbay Orınbaev xalqımızdıń mashqalalarına sheshim tabıw, sonıń menen bir qatarda, eń áhmiyetli máselelerdi anıqlaw hám saplastırıw ushın kóshe biyleri menen óz ushırasıwların baslaǵan edi. Bugin Joqarǵı Keńes Baslıǵı Beruniy rayonı kóshe biyleri menen ushırastı.

  Ashıq-aydın túrde ótkerilgen ushırasıwda kóshe biyleri menen sheshimin kútip turǵan áhmiyetli máseleler átirapında pikirlesildi. Onda kóshe biyleri tárepinen bir qatar áhmiyetli máseleler kóterildi. Óz náwbetinde, Joqarǵı Keńes Baslıǵı hár qanday usınıs, kóterilgen máseleler basqıshpa-basqısh sheshimin tawatuǵınlıǵın ayrıqsha tilge aldı.

  Ushırasıw juwmaǵında uzaq jıllıq jemisli miynetleri ushın bir qatar jası úlkenler "Ardaqlı nuranıy" kókirek belgisi menen sıylıqlandı.  

Qaraqalpaqstan Respublikası Joqarǵı Keńesiniń Málimleme xızmeti