Kóshe biyleri aymaqlardaǵı áhmiyetli máselelerdi kóterdi
589
Xalıq arasındaǵı bar bolǵan mashqalalarǵa sheshim tabıw, eń áhmiyetli máselelerdi anıqlap, belgilep alıw maqsetinde kóshe biyleri menen ushırasıwlar dawam etpekte. Búgin Joqarǵı Keńes Baslıǵı Tórtkúl rayonındaǵı kóshe biyleri menen ushırastı.
Ushırasıw ashıq-aydın sóylesiw usılında bolıp, kóshe biyleri menen sheshimin kútip turǵan áhmiyetli máseleler átirapında pikirlesildi.
Onda Joqarǵı Keńes Baslıǵı shıǵıp sóylep, sonǵı jılları elimizde ámelge asırılıp atırǵan reformalar, keń kólemli qurılıs-ońlaw hám abadanlastırıw jumısları, sonıń menen birge, aldınǵı ushırasıwlarda kóterilgen máselelerdiń kópshiligi sheshimin tawıp atırǵanlıǵı haqqında atap ótti.
Ótkerilgen ushırasıwda usı sıyaqlı xalıqtıń abadan turmısın támiyinlew baǵdarındaǵı turmısqa eńgizilip atırǵan jańalıqlar, alıp barılıp atırǵan xalıqshıl siyasat keń túrde sóz etildi.
Óz náwbetinde kóshe biyleri bul baǵdardaǵı jumıslardı ámelge asırıwda belsendilik kórsetetuǵınlıǵın atap ótip, búgingi kúndegi ózgeris hám jańalanıwlar hár bir máhállege kirip barıp atırǵanlıǵı ushın óz minnetdarshılıǵın bildirdi.
Joqarǵı Keńes Baslıǵı menen ótkerilgen ushırasıwda kóshe biyleri aymaqlarındaǵı áhmiyetli máselelerdi kóterdi hám bul mashqalalar qadaǵalawǵa alındı.
Qaraqalpaqstan Respublikası Joqarǵı Keńesiniń Málimleme xızmeti