Tiykarǵı maqset – xalıqtı razı etiw jolında ámelge asırılıwı zárúr bolǵan wazıypalardı belgilep alıwdan ibarat
545
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas rayonındaǵı máhállelerde ushırasıp atırǵan sistemalı mashqalalarǵa sheshim tabıw hám aldaǵı ámelge asırılıwı tiyis wazıypalardı belgilep alıw maqsetinde kóshe biyleri hám máhálle belsendileri menen gezektegi ushırasıwın ótkerdi.
Búgingi kúnde xalqımızǵa múnásip turmıs sharayatın jaratıw, olardıń abadan ómir súriwin támiyinlew baǵdarında alıp barılıp atırǵan salmaqlı jumıslar turmısta óz sáwleleniwin tawıp atır.
Kóshe biyleri menen ashıq-aydın pikirlesiw túrinde ótkerilip atırǵan ushırasıwlar da xalqımızdıń turmısındaǵı sheshimin tappaǵan sistemalı mashqalalardı sheshiwge qaratılǵan.
Búgingi ushırasıw da ashıq-aydın pikirlesiw túrinde bolıp, kóshe biyleri menen Taqıyatas rayonındaǵı máhállelerdi hár tárepleme rawajlandırıw, puqaralarǵa múnásip sharayat jaratıw baǵdarında wazıypalar belgilendi.
Óz náwbetinde kóshe biyleri tárepinen bir qatar áhmiyetli máseleler kóterilip, mashqalalar atap ótildi.
Joqarǵı Keńes Baslıǵı tárepinen kóterilgen barlıq máseleler belgilep alınıp, aldaǵı waqıtta bul jumıslardı orınlaw boyınsha qadaǵalawǵa alındı.
Qaraqalpaqstan Respublikası Joqarǵı Keńesiniń Málimleme xızmeti