Tájikstan Prezidenti Ózbekstan jetekshisin saylawdaǵı jeńisi menen qutlıqladı
604
Ózbekstan Respublikası Prezidenti Shavkat Mirziyoevtiń Tájikstan Respublikası Prezidenti Emomali Rahmon menen telefon arqalı sóylesiwi bolıp ótti.
Tájikstan basshısı mámleketimiz jetekshisin kúni keshe Ózbekstanda bolıp ótken múddetinen burın Prezidentlik saylawda erisken jeńisi menen qızǵın qutlıqladı.
Ózbekstan menen Tájikstan arasındaǵı kóp qırlı qatnasıqlardı, bárinen burın, sawda-ekonomika, investiciyalar, energetika, awıl xojalıǵı hám basqa da tiykarǵı tarawlarda ámeliy birge islesiwdi jáne de keńeytiw máseleleri dodalandı.
Bolajaq eki hám kóp tárepleme ilajlardıń rejesi de kórip shıǵıldı.
Qaraqalpaqstan Respublikası Joqarǵı Keńesiniń Málimleme xızmeti