Ózbekstan hám Túrkiya Prezidentleri Strategiyalıq birge islesiw keńesiniń kún tártibin puqta tayarlaw áhmiyetli ekenin atap ótti
631
Ózbekstan Respublikası Prezidenti Shavkat Mirziyoevtiń Túrkiya Respublikası Prezidenti Rejep Tayyip Erdoǵan menen telefon arqalı sóylesiwinde joqarı dárejedegi Strategiyalıq birge islesiwdiń bolajaq májilisine birgelikte hár tárepleme tayarlıq kóriw zárúr ekeni haqqında sóz etti.
Sóylesiw aldınan Túrkiya Prezidenti mámleketimiz basshısın múddetinen burın Prezident saylawında erisken isenimli jeńisi menen qızǵın qutlıqladı, saylawshılardıń dawıs beriwdegi belsene qatnasqanın hám Jańa Ózbekstanda ámelge asırılıp atırǵan reformalar xalıq tárepinen keńnen qollap-quwatlanıp atırǵanın atap ótti.
Keyingi jıllarda Ózbekstan-Túrkiya keń kólemli strategiyalıq sheriklik qatnasıqlarında joqarı dárejege erisilgeni úlken qanaatlanıwshılıq penen atap ótildi.
Jedel sóylesiw hám almasıwlardı dawam ettiriw, óz-ara sawda kólemin arttırıw, áhmiyetli investiciyalıq joybarlar hám gumanitar baǵdarlamalardı ámelge asırıwǵa járdemlesiw máselelerine ayrıqsha itibar qaratıldı.
Qaraqalpaqstan Respublikası Joqarǵı Keńesiniń Málimleme xızmeti