Ózbekstan Respublikasınıń saylanǵan Prezidenti óz lawazımına kiristi
1064
14-iyul kúni Tashkentte, Ózbekstan Respublikası Oliy Majlisi Nızamshılıq palatası hám Senatınıń qospa májilisinde, Ózbekstan Respublikasınıń saylanǵan Prezidenti óz lawazımına kirisiwine baǵıshlanǵan salatanatlı máresim bolıp ótti.
Onda deputat hám senatorlar, mámleketlik shólkemlerdiń basshıları, diplomatiyalıq korpus hám jámiyetshilik wákilleri, jergilikli hám sırt el ǵalaba xabar qurallarınıń xızmetkerleri qatnastı.
Máresimdi Ózbekstan Respublikası Oraylıq saylaw komissiyasınıń Baslıǵı Z.Nizomxwjaev ashıp, Prezident saylawı jańalanǵan Konstituciyamız hám demokratiyalıq principler tiykarında, siyasiy belsendilik ortalıǵında ótkenin atap ótti. Isbilermenler háreketi – Ózbekstan Liberal-demokratiyalıq partiyasınan talaban Shavkat Miromonovich Mirziyoev saylawshılardıń 87,05 procent dawısı menen Ózbekstan Respublikası Prezidenti etip saylanǵanın atap ótti. Usı múnásibet penen Shavkat Mirziyoevti qızǵın qutlıqlap, Ózbekstan Respublikası Prezidenti gúwalıǵın tapsırdı.
Shavkat Mirziyoev mámleketimiz Konstituciyasına muwapıq, Ózbekstan xalqına sadıqlıq penen xızmet etiwge, respublikanıń Konstituciyası hám nızamlarına qatań ámel etiwge, puqaralardıń huqıqları hám erkinliklerine kepillik beriwge, Ózbekstan Respublikası Prezidentine júklengen wazıypalardı hújdanlı orınlawǵa saltanatlı túrde ant etti.
Máresimde mámleketimiz basshısı shıǵıp sóyledi.
– Búgin ózime qanday ullı juwapkershilik alıp atırǵanımdı, Watanımız ǵárezsizligi, 36 millionnan aslam áziz xalqımnıń tınıshlıǵı hám abadanlıǵı ushın jeke ózim juwapker ekenimdi júrek-júregimnen sezinip turman. Mine, usınday, joqarı isenim ushın, húrmet hám itibar ushın kóp milletli, márt hám danıshpan xalqımızǵa perzentlik mehiri hám sadıqlıǵı menen tájim etemen,-dedi Shavkat Mirziyoev.
Ózbekstan jańa dáwirge qádem qoyıp atırǵanı, ol siyasiy, ekonomikalıq-sociallıq, mádeniy-gumanitarlıq tarawlarda túpkilikli burılıs hám úlken ózgerisler dáwiri bolajaq ekenligi atap ótildi. Onıń ushın jańa ideya hám baslamalar, burınǵıdan da kóbirek ǵayrat hám jigerlilik penen islew kerek.
Jer júzindegi kelispewshilikler ekonomika ushın mashqalalar keltirip shıǵarmaqta. Klimat ózgeriwi, tábiyǵıy baylıqlar hám suw resurslarınıń kún sayın jetispey baratırǵanı da turaqlı rawajlanıwǵa unamsız tásir kórsetpekte. Mine, usınday awır hám qáweterli jaǵdayda xalqımızdıń máplerine juwap beretuǵın birden-bir durıs joldı – nátiyjeli ishki hám sırtqı siyasat jolın anıq belgilep alıw hám onı qatań ámelge asırıw zárúr ekenligi atap ótildi.
Prezident bul baǵdardaǵı kelesi jeti jılǵa mólsherlengen strategiyalıq maqsetlerdi kórsetip ótti. Qısqa etip aytqanda, olar – nızamshılıq hám atqarıw hákimiyatın jetilistiriw, ıqsham hám nátiyjeli basqarıw sistemasın shólkemlestiriw, sociallıq taraw hám xızmetlerdi rawajlandırıw, isbilermenlikke imkaniyatlardı keńeytiw, jumıs orınları hám xalıqtıń dáramatların kóbeytiw sıyaqlılar bolıp esaplanadı.
Ekonomika tarawında «jasıl ekonomika», «jasıl energiya» principleri jáne de keń túrde engiziledi. Investiciyalardı tartıw kóbeytiledi. Sanaat rawajlandırıladı. 2030-jılǵa shekem mámleketimizdiń jalpı ishki ónimi kólemin 160 milliard dollarǵa jetkeriw maqset etilgen.
Mámleketimiz basshısı óziniń shıǵıp sóylegen sózinde jaslarǵa ayrıqsha múrájat etti.
– Áziz ul-qızlarım, búgin tariyxtıń ózi, zamannıń ózi sizlerdiń, aldıńızda sheksiz imkaniyatlar ashpaqta. Sizler Ózbekstan tariyxına altın háripler menen jazılatuǵın ullı islerdi ámelge asıra alasız,-dedi Shavkat Mirziyoev.
Ózbekstannıń eń úlken kúshi tatıw shańaraq bolıp jasap atırǵan kóp milletli xalqı ekeni, elimiz bunnan bılay da haqıyqıy adamgershilik hám keńpeyillik úlkesi bolıp qalatuǵını atap ótildi.
Tereń oylanǵan sırtqı siyasat hám ekonomikalıq diplomatiya baǵdarındaǵı háreketler úzliksiz dawam ettiriledi. Bárinen burın, regionımız elleri, birge islesiwshi mámleketler, xalıqaralıq shólkemler menen baylanıslar jańa basqıshqa kóteriledi. Ekologiya hám qorshaǵan ortalıqtı saqlaw, suw tamtarıslıǵınıń aldın alıw da áhmiyetli wazıypa boladı.
Prezident bul retki shıǵıp sóylegen sózinde hár qıylı kórsetkishlerge kóp toqtalmadı, ekonomikalıq sanlardı keltirmedi. Eń úlken jetiskenlik xalqımızdıń dúnya qarasınıń joqarılaǵanı, adamlar úlken maqsetlerge umtılıp, erteńgi kúnge isenim menen jasap atırǵanı dep atap ótildi.
Ózin ózgerte alǵan xalıq, álbette, turmıstı, sociallıq ortalıqtı da ózgerte aladı, óziniń murat-maqsetlerine álbette jetedi.
– Mine, usınday ullı isenim menen jasap atırǵan xalıqqa basshı bolıp, onı aydın mánzillerge baslaw men ushın úlken baxıt, úlken maqtanısh bolıp tabıladı.
Ómirimniń mazmunına aylanǵan ullı maqset – Jańa Ózbekstandı, ^shinshi Renessans tiykarın qurıw jolında sizler menen, pútkil xalqımız benen birge tınımsız islewge, bar kúsh-ǵayratım, bilim hám potencialımdı jumsawǵa tayarman,-dep atap ótti Shavkat Mirziyoev.
Mámleketimizdiń gimni atqarıldı.
Usınıń menen Ózbekstan Respublikası Oliy Majlisi Nızamshılıq palatası hám Senatınıń qospa májilisi juwmaqlandı.
Máresimdi Ózbekstan Respublikası Oraylıq saylaw komissiyasınıń Baslıǵı Z.Nizomxwjaev ashıp, Prezident saylawı jańalanǵan Konstituciyamız hám demokratiyalıq principler tiykarında, siyasiy belsendilik ortalıǵında ótkenin atap ótti. Isbilermenler háreketi – Ózbekstan Liberal-demokratiyalıq partiyasınan talaban Shavkat Miromonovich Mirziyoev saylawshılardıń 87,05 procent dawısı menen Ózbekstan Respublikası Prezidenti etip saylanǵanın atap ótti. Usı múnásibet penen Shavkat Mirziyoevti qızǵın qutlıqlap, Ózbekstan Respublikası Prezidenti gúwalıǵın tapsırdı.
Shavkat Mirziyoev mámleketimiz Konstituciyasına muwapıq, Ózbekstan xalqına sadıqlıq penen xızmet etiwge, respublikanıń Konstituciyası hám nızamlarına qatań ámel etiwge, puqaralardıń huqıqları hám erkinliklerine kepillik beriwge, Ózbekstan Respublikası Prezidentine júklengen wazıypalardı hújdanlı orınlawǵa saltanatlı túrde ant etti.
Máresimde mámleketimiz basshısı shıǵıp sóyledi.
– Búgin ózime qanday ullı juwapkershilik alıp atırǵanımdı, Watanımız ǵárezsizligi, 36 millionnan aslam áziz xalqımnıń tınıshlıǵı hám abadanlıǵı ushın jeke ózim juwapker ekenimdi júrek-júregimnen sezinip turman. Mine, usınday, joqarı isenim ushın, húrmet hám itibar ushın kóp milletli, márt hám danıshpan xalqımızǵa perzentlik mehiri hám sadıqlıǵı menen tájim etemen,-dedi Shavkat Mirziyoev.
Ózbekstan jańa dáwirge qádem qoyıp atırǵanı, ol siyasiy, ekonomikalıq-sociallıq, mádeniy-gumanitarlıq tarawlarda túpkilikli burılıs hám úlken ózgerisler dáwiri bolajaq ekenligi atap ótildi. Onıń ushın jańa ideya hám baslamalar, burınǵıdan da kóbirek ǵayrat hám jigerlilik penen islew kerek.
Jer júzindegi kelispewshilikler ekonomika ushın mashqalalar keltirip shıǵarmaqta. Klimat ózgeriwi, tábiyǵıy baylıqlar hám suw resurslarınıń kún sayın jetispey baratırǵanı da turaqlı rawajlanıwǵa unamsız tásir kórsetpekte. Mine, usınday awır hám qáweterli jaǵdayda xalqımızdıń máplerine juwap beretuǵın birden-bir durıs joldı – nátiyjeli ishki hám sırtqı siyasat jolın anıq belgilep alıw hám onı qatań ámelge asırıw zárúr ekenligi atap ótildi.
Prezident bul baǵdardaǵı kelesi jeti jılǵa mólsherlengen strategiyalıq maqsetlerdi kórsetip ótti. Qısqa etip aytqanda, olar – nızamshılıq hám atqarıw hákimiyatın jetilistiriw, ıqsham hám nátiyjeli basqarıw sistemasın shólkemlestiriw, sociallıq taraw hám xızmetlerdi rawajlandırıw, isbilermenlikke imkaniyatlardı keńeytiw, jumıs orınları hám xalıqtıń dáramatların kóbeytiw sıyaqlılar bolıp esaplanadı.
Ekonomika tarawında «jasıl ekonomika», «jasıl energiya» principleri jáne de keń túrde engiziledi. Investiciyalardı tartıw kóbeytiledi. Sanaat rawajlandırıladı. 2030-jılǵa shekem mámleketimizdiń jalpı ishki ónimi kólemin 160 milliard dollarǵa jetkeriw maqset etilgen.
Mámleketimiz basshısı óziniń shıǵıp sóylegen sózinde jaslarǵa ayrıqsha múrájat etti.
– Áziz ul-qızlarım, búgin tariyxtıń ózi, zamannıń ózi sizlerdiń, aldıńızda sheksiz imkaniyatlar ashpaqta. Sizler Ózbekstan tariyxına altın háripler menen jazılatuǵın ullı islerdi ámelge asıra alasız,-dedi Shavkat Mirziyoev.
Ózbekstannıń eń úlken kúshi tatıw shańaraq bolıp jasap atırǵan kóp milletli xalqı ekeni, elimiz bunnan bılay da haqıyqıy adamgershilik hám keńpeyillik úlkesi bolıp qalatuǵını atap ótildi.
Tereń oylanǵan sırtqı siyasat hám ekonomikalıq diplomatiya baǵdarındaǵı háreketler úzliksiz dawam ettiriledi. Bárinen burın, regionımız elleri, birge islesiwshi mámleketler, xalıqaralıq shólkemler menen baylanıslar jańa basqıshqa kóteriledi. Ekologiya hám qorshaǵan ortalıqtı saqlaw, suw tamtarıslıǵınıń aldın alıw da áhmiyetli wazıypa boladı.
Prezident bul retki shıǵıp sóylegen sózinde hár qıylı kórsetkishlerge kóp toqtalmadı, ekonomikalıq sanlardı keltirmedi. Eń úlken jetiskenlik xalqımızdıń dúnya qarasınıń joqarılaǵanı, adamlar úlken maqsetlerge umtılıp, erteńgi kúnge isenim menen jasap atırǵanı dep atap ótildi.
Ózin ózgerte alǵan xalıq, álbette, turmıstı, sociallıq ortalıqtı da ózgerte aladı, óziniń murat-maqsetlerine álbette jetedi.
– Mine, usınday ullı isenim menen jasap atırǵan xalıqqa basshı bolıp, onı aydın mánzillerge baslaw men ushın úlken baxıt, úlken maqtanısh bolıp tabıladı.
Ómirimniń mazmunına aylanǵan ullı maqset – Jańa Ózbekstandı, ^shinshi Renessans tiykarın qurıw jolında sizler menen, pútkil xalqımız benen birge tınımsız islewge, bar kúsh-ǵayratım, bilim hám potencialımdı jumsawǵa tayarman,-dep atap ótti Shavkat Mirziyoev.
Mámleketimizdiń gimni atqarıldı.
Usınıń menen Ózbekstan Respublikası Oliy Majlisi Nızamshılıq palatası hám Senatınıń qospa májilisi juwmaqlandı.
Qaraqalpaqstan Respublikası Joqarǵı Keńesiniń Málimleme xızmeti