Húrmetli studentler, arxitektura, injenerlik hám qala qurılısı baǵdarlarınıń pitkeriwshileri!
1448
Sizdi «Smart Rural Planning» jas arxitektorlar hám qala qurılısı tańlawında qatnasıwǵa shaqıramız.
Bul tańlaw aymaqlar, qala hám awıllardı sociallıq-ekonomikalıq jaqtan rawajlandırıw, qala qurılısı hújjetlerin jetilistiriwge hámde innovaciyalıq, kem uglerod jumsawshı joybarlardı ámelge asırıwǵa qaratılǵan joybarlardı islep shıǵıwǵa jaslardı tartıw maqsetinde shólkemlestirilip atır.
Tańlaw 3 (úsh) nominaciya boyınsha ótkeriledi:
«Smart rural settlement» - bas reje (master-reje)/awıl aymaǵınıń konceptual dizaynı;
«Smart district» - bas reje (master reje)/qala/rayonnıń konceptual dizaynı;
«Green building» - jámiyetlik imarat yamasa sociallıq áhmiyetke iye obektler qurılısı (soorujenie) joybarı.
Tańlawdıń maqseti:
Jańa dizaynerlik hám injenerlik ideyalardı tabıw, bas rejelerdiń jámiyet tárepinen talqılanıwın ele de jedellestiriw hám olardıń jámiyette keńnen en jayıwın arttırıw;
jas arxitektorlardıń óz potencialın kórsetiwi hám tájiriybe arttırıwına imkaniyatlar jaratıw;
arxitektura-qurılıs fakultetleri pitkeriwshileriniń diplom jumısları sapasın asırıw;
Ózbekstanda «aqıllı» qala hám awıllardı rawajlandırıw boyınsha máselelerge ǴXQ itibarın keńnen tartıw;
jaslar arasında arxitektura hám injenerlik baǵdarlarında joqarı maǵlıwmat alıwdı keń en jaydırıw;
«Jasıl» qurılıs, turaqlı arxitektura hám «aqıllı» qala qurılısı tarawın jetilistiriw.
Tańlawda qatnasıw ushın talaplar:
jeke gúwalıǵınıń bolıwı;
studentlik gúwalıq/JOO diplomı / oqıw ornınan maǵlıwmatnama;
Ózbekstan Respublikası kóleminde ámelge asırılatuǵın joybar.
Tańlaw jumısına qoyılǵan talaplar:
Tańlaw jumısı ámeliyatta paydalanıwǵa qaratılǵan aktual joybar bolıwı zárúr. Bunda joybardı múmkin bolǵan resurslar menen támiyinlew, ámelge asırıw hám erisiletuǵın nátiyjelerdi baqlawdıń anıq mexanizmleri kórsetiliwi tiyis;
Joybar Ózbekstan Respublikasın sociallıq-ekonomikalıq rawajlandırıwǵa qaratılǵan bolıwı kerek;
Tańlaw jumısında avtordıń jeke izerlewleriniń nátiyjeleri bolıwı kerek;
Energiya-effektiv, kem uglerodlı, suw únemlewshi qurılıs materialları hám texnologiyalarınan paydalanıwdı názerde tutıwshı innovaciyalıq hám zamanagóy sheshimlerden paydalanıw zárúr;
Joybar jańa hám sociallıq áhmiyetke iye bolıwı kerek;
Ámeliyatta ámelge asırıw múmkin bolıwı tiyis;
Joybar avtorlıq huquqın esapqa alǵan halda islep shıǵılıwı shárt.
Tańlaw materialında bir nárseni reklama qılıwshı maǵlıwmatlar, sonday-aq, Ózbekstan Respublikası aymaǵında tarqatılıwı qadaǵan etilgen yamasa sheklengen maǵlıwmatlar bolmawı tiyis. Bunday maǵlıwmatlardı qamtıp alǵan tańlaw materialları kórip shıǵılmaydı.
Tańlawda arxitektura, injenerlik hám qala qurılısı baǵdarında bilim alıwshı studentler/pitkeriwshiler, sonday-aq, jası 35 ten aspaǵan Ózbekstan Respublikası aymaǵında jasawshı, joybarları 2018-jıl 1-yanvardan 2023-jıl 30-iyul aralıǵında islep shıǵılǵan biyǵarez qánigeler qatnasıwı múmkin.
Arzalar 2023-jıl 30-iyul saat 18:00 ge shekem (Tashkent waqtı menen) https://forms.gle/s5ZdNzhiwZHtiTx26 silteme arqalı qabıl etiledi.
BUL ÁHMIYETLI: Google-formaǵa siziń jumıslarıńızdı júklew ushın Google-akkauntqa iye bolıw zárúr (gmail.com da elektron pochta).
Qosımsha maǵlıwmatlar ushın telegram arqalı https://t.me/SmartRuralContest jazıń.
Bul tańlaw Ózbekstan Respublikası Ekonomika hám qarjı ministrligi menen birgelikte BMShRB tarepinen amelge asırılıp atırǵan hámde Islam rawajlandırıw banki (IRB) hám Xalqaralıq rawajlandırıw OPEK fondınıń finanslıq qollap-quwatlawında ámelge asırılıp atırǵan «Awıllıq jerlerdi turaqlı rawajlandırıw» qospa joybarınıń «Injiniring xızmetleri hám infrastrukturanı basqarıw potencialın arttırıw» B Komponenti sheńberinde ótkerilip atır.